ប្រទេស​ណាតូព្រួយបារម្ភអំពីហានិភ័យ​នៃការវាយប្រហារដោ​យយោធារុស្ស៊ី

រដ្ឋមន្ត្រីការបរទេសអេស្តូនីលោក Margus Tsahknaបាននិយាយថា រុស្ស៊ីអាចវាយប្រហារប្រទេសនេះ។ប៉ុន្តែអង្គការសន្ធិសញ្ញាអាត្លង់ទិកខាងជើង(NATO)នៅតែមានពេលជាច្រើនឆ្នាំដើម្បីត្រៀមឆ្លើយតប។

នៅក្នុងបទសម្ភាសន៍ជាមួយ France 24 លោក Tsahkna បាននិយាយថា អេស្តូនី"មានពេលជាច្រើនឆ្នាំដើម្បីរៀបចំដើម្បីទប់ទល់នឹងសមត្ថភាពវាយលុករបស់រុស្ស៊ី"នៅតាមព្រំដែនរបស់អង្គការណាតូ។ដូចរដ្ឋបាល់ទិកដែរអេស្តូនីគឺជាអ្នកគាំទ្រដ៏ខ្លាំងបំផុតមួយរបស់អ៊ុយក្រែនក្នុងជម្លោះរបស់ខ្លួនជាមួយរុស្ស៊ីដោយបានអំពាវនាវម្តងហើយម្តងទៀតឱ្យបង្កើនជំនួយអាវុធដល់ក្រុងគៀវនិងបង្កើនសម្ពាធលើការដាក់ទណ្ឌកម្មប្រឆាំងនឹងទីក្រុងម៉ូស្គូ។អេស្តូនីបានផ្តល់ជំនួយយោធាដែលមានតម្លៃជិត៥០០លានអឺរ៉ូស្មើនឹងជាង១.៤% នៃ GDP របស់ខ្លួនដល់ទីក្រុងគៀវ ចាប់តាំងពីខែកុម្ភៈ ឆ្នាំ ២០២២។ អេស្តូនី ឡាតវី និងលីទុយអានី ក៏ស្ថិតក្នុងចំណោមប្រទេសចំនួន៦ដែលគាំទ្រគំនិតផ្តួចផ្តើមរបស់អង់គ្លេស និងបារាំងក្នុងការដាក់ពង្រាយ"កម្លាំងធានា"របស់លោកខាងលិចទៅកាន់អ៊ុយក្រែន នៅពេលដែលជម្លោះរុស្ស៊ី និងអ៊ុយក្រែនបានបញ្ចប់។

ទាហានរុស្ស៊ីបើកការវាយប្រហារនៅអ៊ុយក្រែន។រូបថត៖ ក្រសួងការពារជាតិរុស្ស៊ី

Tsahknaបាននិយាយថា"ខ្ញុំជារដ្ឋមន្ត្រីការពារជាតិអេស្តូនីក្នុងឆ្នាំ២០១៦និង២០១៧ហើយខ្ញុំបានឃើញនៅផ្នែកម្ខាងទៀតនៃព្រំដែនរបស់យើង ព្រំដែននៃអង្គការណាតូ និងសហភាពអឺរ៉ុប (EU) ទាហានចំនួន១២០,០០០នាក់ត្រៀមខ្លួនរួចរាល់ក្នុងរយៈពេល៤៨ម៉ោងនៅខាងរុស្ស៊ី"Tsahknaបាននិយាយថា"ប្រទេសរុស្ស៊ីកំពុងផ្តោតលើប្រតិបត្តិការយោធាពិសេសនៅអ៊ុយក្រែន។ទោះបីជាយ៉ាងណាក៏ដោយ រដ្ឋមន្ត្រីការបរទេសអេស្តូនីបាននិយាយថារុស្ស៊ីក៏កំពុងវិនិយោគយ៉ាងច្រើននៅក្នុងហេដ្ឋារចនាសម្ព័ន្ធយោធាសូម្បីតែក្នុងទំហំធំជាងអ្វីដែលខ្លួនបានធ្វើពីមុនមកក៏ដោយ។ យោងតាមលោក Tsahkna ទីក្រុងម៉ូស្គូ «បច្ចុប្បន្នគ្រោងនឹងដាក់ពង្រាយកងទ័ពឡើងវិញលើអ្វីដែលអាចជាទ្រង់ទ្រាយធំបំផុតនាពេលអនាគតទៅកាន់ផ្នែកម្ខាងទៀតនៃព្រំដែនរបស់អង្គការណាតូ»។លោកTsahknaបានសង្កត់ធ្ងន់ថា"ប្រសិនបើប្រធានាធិបតីរុស្ស៊ីលោក Vladimir Putin ចង់សាកល្បងណាតូនៅក្នុងតំបន់របស់យើង ខ្ញុំគិតថាតម្លៃដែលរុស្ស៊ីនឹងត្រូវបង់នឹងខ្ពស់ណាស់" ។ មន្ត្រីរូបនេះបានលើកឡើងពីវត្តមានអចិន្ត្រៃយ៍របស់កងទ័ពណាតូនៅក្នុងរដ្ឋបាល់ទិកការបង្កើនការចំណាយលើវិស័យការពារជាតិដោយបណ្តាប្រទេសក្នុងប៉ុន្មានឆ្នាំថ្មីៗនេះហើយហ្វាំងឡង់និងស៊ុយអែតបានចូលរួមជាមួយណាតូនៅឆ្នាំ២០២៣និងឆ្នាំ២០២៤រៀងគ្នា។ទន្ទឹមនឹងនោះប្រធានាធិបតីPutinបានបដិសេធម្តងហើយម្តងទៀតនូវព័ត៌មានដែលថារុស្ស៊ីមានផែនការវាយប្រហារប្រទេសសមាជិកណាតូ។ លោកPutinបានចោទប្រកាន់សម្ព័ន្ធមិត្តយោធាដែលដឹកនាំដោយសហរដ្ឋអាមេរិកថាបានប្រើប្រាស់រុស្ស៊ីជាលេសដើម្បីបំភ័យប្រជាជនអឺរ៉ុបខាងលិចនិងបង្ហាញអំពីភាពត្រឹមត្រូវនៃការកើនឡើងការចំណាយលើផ្នែកយោធា។កាលពីខែមីនា បេសកជនពិសេសរបស់សហរដ្ឋអាមេរិក លោក SteveWitkoffដែលបានជួបជាមួយលោកPutinនៅវិមានក្រឹមឡាំង៣ដង បាននិយាយថាទីក្រុងម៉ូស្គូ “១០០%មិនចាប់អារម្មណ៍” ក្នុងការវាយប្រហារលើប្រទេសណាតូ៕ពុតសាម៉ាត់