អ៊ីរ៉ង់​​បាញ់​មី​ស៊ី​ល​ផ្លោង​ជា​បន្តបន្ទាប់​សំដៅ​​ទៅ​អ៊ីស្រាអែ​ល​

ព្រឹត្តិការណ៍៖ជម្លោះអ៊ីស្រាអែល-អ៊ីរ៉ង់

អ៊ីរ៉ង់បានបាញ់មីស៊ីលផ្លោងរាប់រយដើមដើម្បីឆ្លើយតបទៅនឹងការវាយប្រហារតាមអាកាសរបស់អ៊ីស្រាអែលដែលខ្លះអាចឆ្លងផុតការការពារដែនអាកាសរបស់ទីក្រុង Tel Aviv ។

យោងតាមកាសែត Times of Israel ប្រព័ន្ធផ្សព្វផ្សាយអ៊ីរ៉ង់បានប្រកាសកាលពីថ្ងៃទី១៣ខែមិថុនាថា យោធារបស់ប្រទេសបានបាញ់"កាំជ្រួចមីស៊ីលផ្លោងរាប់រយគ្រាប់" ទៅកាន់ប្រទេសអ៊ីស្រាអែលដោយពណ៌នាថានេះជាសកម្មភាពបើកចំហរក្នុងការឆ្លើយតបទៅនឹងការវាយប្រហារតាមអាកាសពីមុនដោយគូប្រជែងរបស់ខ្លួន។

មេដឹកនាំកំពូលអ៊ីរ៉ង់លោក Ali Khamenei បាននិយាយថា "ទីក្រុងតេអេរ៉ង់នឹងមិនឆ្លើយតបត្រឹមនេះទេហើយអ៊ីស្រាអែលនឹងមិនគេចផុតពីការខាតបង់នោះទេ។កងកម្លាំងប្រដាប់អាវុធរបស់យើងនឹងធ្វើឱ្យសត្រូវចាញ់" ។ប្រព័ន្ធ​ផ្សព្វផ្សាយ​អ៊ីស្រាអែល​បាន​លាតត្រដាង​ថាការ​ផ្ទុះ​ដ៏​ខ្លាំង​ជាច្រើន​ត្រូវ​បាន​ថត​ទុក​នៅ​ក្នុង​តំបន់​រដ្ឋធានី​នៃ​ទីក្រុងTel Aviv និង​ក្រុង​ហ្សេរុយសាឡឹម។ ទោះបីជាកងកម្លាំងការពារអ៊ីស្រាអែល(IDF)បានស្ទាក់ចាប់មីស៊ីលអ៊ីរ៉ង់ភាគច្រើនក៏ដោយ។ប៉ុន្តែមួយចំនួននៅតែរអិលតាមសំណាញ់ការពារដែនអាកាស។រដ្ឋមន្ត្រីការពារជាតិអ៊ីស្រាអែលIsrael Katz បានសង្កត់ធ្ងន់ថា "អ៊ីរ៉ង់បានឆ្លងកាត់ខ្សែបន្ទាត់ក្រហមដោយការបាញ់មីស៊ីលនៅទីតាំងស៊ីវិល។យោងតាមរបាយការណ៍របស់ប្រព័ន្ធផ្សព្វផ្សាយ Channel 12 មនុស្សចំនួន៦៣នាក់បានរងរបួសក្នុងការវាយប្រហារដោយកាំជ្រួចមីស៊ីលរបស់អ៊ីរ៉ង់ ក្នុងនោះមានមនុស្សម្នាក់ស្ថិតក្នុងស្ថានភាពធ្ងន់ធ្ងរ។ខាងក្រុងវ៉ាស៊ីនតោន ក្រសួងការបរទេសអាមេរិកបានព្រមានថាអ៊ីរ៉ង់នឹងទទួលរងនូវផលវិបាកធ្ងន់ធ្ងរ ប្រសិនបើខ្លួនបានកំណត់គោលដៅលើពលរដ្ឋអាមេរិកមូលដ្ឋាន ឬហេដ្ឋារចនាសម្ព័ន្ធ។កងកម្លាំង​អាមេរិក​នៅ​មជ្ឈិមបូព៌ា​ក៏​កំពុង​ជួយ​សម្ព័ន្ធមិត្ត​អ៊ីស្រាអែល​ស្ទាក់​ចាប់​កាំជ្រួចមីស៊ីល​និង​យន្តហោះ​គ្មាន​មនុស្ស​បើក​របស់​អ៊ីរ៉ង់​ដែល​មាន​គោលដៅ​វាយប្រហារ​ទឹកដីTel Aviv៕ពុតសាម៉ាត់