តើលោ​កTrumpអាចហាមឃាត់​បាតុករមិនឲ្យពាក់ម៉ា​ស់បានទេ?

ថ្មីៗ​នេះ ប្រធានាធិបតី​អាមេរិក លោក Donald Trumpបាន​ប្រកាស​ថាលោក​នឹង​ហាមប្រាម​របាំង​មុខ​សម្រាប់​បាតុករ។ ទោះ​ជា​យ៉ាង​ណា អ្នក​ជំនាញ​ច្បាប់​និយាយ​ថា លោក​មិន​មាន​សិទ្ធិ​ចេញ​ជា​ឯកតោភាគី​លើ​ការ​ហាម​ឃាត់​នេះ​ទេ។កាលពីថ្ងៃទី ៨ ខែមិថុនាប្រធានាធិបតីអាមេរិក លោក Donald Trumpបានប្រកាសថា លោកនឹងហាមឃាត់ក្រុមបាតុករមិនឲ្យពាក់ម៉ាស់ក្នុងអំឡុងពេលហែក្បួន។ “ចាប់ពីពេលនេះតទៅគ្មានរបាំងមុខក្នុងការតវ៉ាទេ តើមនុស្សទាំងនេះលាក់បាំងអ្វី ហើយហេតុអ្វី?”លោកបានសរសេរនៅលើ Truth Social ។

នៅក្នុងការប្រកាសមួយទៀតលោកបានហៅក្រុមបាតុករថា "អ្នកបង្កបញ្ហា និងអ្នកបះបោរ" ដោយសង្កត់ធ្ងន់ថា"កុំភ្លេច NO MASKS!" ខណៈពេលដែលលោករិះគន់អភិបាលរដ្ឋ California លោក Gavin Newsom និងអភិបាលក្រុង Los Angeles លោក Karen Bass។សេចក្តីថ្លែងការណ៍របស់លោក Trump ត្រូវបានធ្វើឡើងក្នុងបរិបទនៃការតវ៉ាដ៏តានតឹងកាន់តែខ្លាំងឡើងប្រឆាំងនឹងគោលនយោបាយអន្តោប្រវេសន៍នៅក្នុងទីក្រុងLosAngelesដូច្នេះទាក់ទាញការចាប់អារម្មណ៍ពីសាធារណជនភ្លាមៗ។មហាជន​ជាច្រើន​ឆ្ងល់​និង​បារម្ភ​ថា​តើ​បម្រាម​នេះ​របស់​ប្រធានាធិបតី​អាច​ក្លាយជា​ការពិត​ឬ​អត់?

ទោះបីជាយ៉ាងណាក៏ដោយ យោងតាមគេហទំព័រផ្ទៀងផ្ទាត់ព័ត៌មាន PolitiFact អ្នកជំនាញផ្នែកច្បាប់ជាច្រើនបាននិយាយថាមិនមានមូលដ្ឋានផ្លូវច្បាប់សម្រាប់លោកTrumpក្នុងការហាមឃាត់ជាឯកតោភាគីនូវរបាំងមុខក្នុងអំឡុងពេលតវ៉ានោះទេ។EllyPageទីប្រឹក្សាជាន់ខ្ពស់នៅមជ្ឈមណ្ឌលច្បាប់មិនរកប្រាក់ចំណេញអន្តរជាតិបាននិយាយថាសភាមិនបានអនុម័តច្បាប់បែបនេះទេ។ដូច្នេះ Trump មិនអាចហាមឃាត់ជាឯកតោភាគីលើរបាំងមុខបានទេ។យោងតាមលោកស្រី Rachel Moran សាស្ត្រាចារ្យផ្នែកច្បាប់ព្រហ្មទណ្ឌនៅ St. Thomasការហាមប្រាមរបាំងលើក្រុមអ្នកតវ៉ាអាចបំពានលើវិសោធនកម្មទីមួយ ដែលការពារសេរីភាពក្នុងការនិយាយនិងការជួបប្រជុំ។លោកស្រីបាននិយាយថា "មិនមានសិទ្ធិអំណាចណាមួយសម្រាប់ប្រធានាធិបតីក្នុងការប្រព្រឹត្តបទឧក្រិដ្ឋលើការពាក់ម៉ាស់នោះទេ។នេះគឺជាការសម្រេចតាមនីតិប្បញ្ញត្តិមិនមែនជានីតិប្រតិបត្តិទេ"។មេធាវី Jonathan Markovitz នៃសហភាពសេរីភាពស៊ីវិលអាមេរិក (ACLU) នៃរដ្ឋកាលីហ្វ័រញ៉ាភាគខាងត្បូងក៏បានបន្ថែមថា តុលាការបានទទួលស្គាល់ថាសិទ្ធិក្នុងការមិនបញ្ចេញឈ្មោះនៅក្នុងករណីខ្លះគឺចាំបាច់ដើម្បីការពារសិទ្ធិក្នុងការបញ្ចេញមតិ។តាមពិតទៅ រដ្ឋជាច្រើននៅសហរដ្ឋអាមេរិកមានច្បាប់ហាមប្រាមការពាក់ម៉ាស់តាំងពីសតវត្សទី ១៩និង២០ជាចម្បងដើម្បីដោះស្រាយជាមួយក្រុមKu Klux Klan ដែលជាក្រុមកំពូលនិយមស្បែកសដែលតែងតែពាក់ម៉ាស់ដើម្បីលាក់អត្តសញ្ញាណរបស់ពួកគេនៅពេលធ្វើការវាយប្រហារប្រកាន់ពូជសាសន៍។រដ្ឋជាច្រើននៅតែមានច្បាប់នេះនៅថ្ងៃនេះ រួមទាំងរដ្ឋ Florida រដ្ឋ North Carolina និងOhio។បទប្បញ្ញត្តិទាំងនេះសព្វថ្ងៃនេះជារឿយៗត្រូវបានអនុវត្តនៅពេលដែលមានសកម្មភាពឧក្រិដ្ឋកម្មឬអំឡុងពេលបាតុកម្មដែលគ្មានការអនុញ្ញាត។ទោះជាយ៉ាងណាក៏ដោយយោងតាមអ្នកជំនាញការកាត់ទោសមនុស្សពាក់ម៉ាស់គឺកម្រមានណាស់។លោក Jay Stanley អ្នកជំនាញនៅសហភាពសេរីភាពស៊ីវិលអាមេរិក(ACLU)បាននិយាយថា ច្បាប់ទាំងនេះអាចត្រូវបានគេរំលោភបំពានយ៉ាងងាយស្រួលដើម្បីកំណត់គោលដៅក្រុមអ្នកតវ៉ានិងត្រូវបានប្រើប្រាស់ដើម្បីបង្ក្រាបក្រុមនិងចលនាដែលមិនមានប្រជាប្រិយភាព ដោយបង្កើនការព្រួយបារម្ភអំពីការកាត់ទោស។ក្រុមសិទ្ធិមនុស្ស និងអ្នកសិក្សាព្រមានថាការបំពានលើការហាមប្រាមរបាំងមុខអាចនាំឱ្យមានការគាបសង្កត់បាតុករដោយសន្តិវិធីនិងរំលោភសិទ្ធិរដ្ឋធម្មនុញ្ញ។ច្បាប់សហព័ន្ធជាច្រើនដើម្បីហាមឃាត់របាំងមុខដូចជា "ច្បាប់ហាមប្រាមហាម៉ាស់" ឆ្នាំ២០២៥ - ត្រូវបានណែនាំនៅក្នុងសភា។ប៉ុន្តែមិនបានអនុម័ត។រដ្ឋបាល Trump ក៏បានស្នើសុំឱ្យសាកលវិទ្យាល័យដូចជាColumbia និង Harvard ហាមឃាត់សិស្សមិនឱ្យពាក់ម៉ាស់ប្រសិនបើពួកគេចង់បន្តទទួលបានមូលនិធិសហព័ន្ធ៕ពុតសាម៉ាត់