រុស្ស៊ី​បាន​ចោ​ទ​ប្រកាន់​​ពី​សកម្មភាព​បង្ក​ហេតុសាក​ល្បង​ការ​ឆ្លើយ​តប​​របស់​ណាតូ

បញ្ជាការយោធាប៉ូឡូញបាននិយាយថាយន្តហោះចម្បាំងរបស់អង់គ្លេសបានស្ទាក់ចាប់យន្តហោះឈ្លបយកការណ៍Il-20 របស់រុស្ស៊ី ដែលបានបំពានដែនអាកាសលើសមុទ្របាល់ទិកនៅព្រឹកថ្ងៃទី១៣ ខែមិថុនា។

សារព័ត៌មានKyivIndependentបានដកស្រង់សម្តីរបស់បញ្ជាការកងទ័ពប៉ូឡូញថា"នេះគឺជាការបង្កហេតុមួយទៀតក្នុងគោលបំណងសាកល្បងការត្រៀមខ្លួនរបស់ប្រព័ន្ធណាតូដើម្បីឆ្លើយតប"។

យន្តហោះស៊ើបការណ៍ Il-20 របស់រុស្ស៊ី។ រូបថត៖ កងទ័ពអាកាសអាល្លឺម៉ង់

យន្តហោះ Il-20 របស់រុស្ស៊ីត្រូវបានបង្កើតឡើងដោយផ្អែកលើយន្តហោះដឹកជញ្ជូន Il-18 ហើយត្រូវបានប្រើប្រាស់សម្រាប់បេសកកម្មឈ្លបយកការណ៍អេឡិចត្រូនិក និងការឃ្លាំមើល។យន្តហោះនេះត្រូវបានបំពាក់ដោយរ៉ាដានិងផ្តល់សញ្ញាឧបករណ៍ស៊ើបការណ៍ដើម្បីប្រមូលព័ត៌មានអំពីហេដ្ឋារចនាសម្ព័ន្ធយោធានិងបណ្តាញទំនាក់ទំនង។យោងតាមបញ្ជាការកងទ័ពប៉ូឡូញយន្តហោះ Il-20 បានចូលដែនអាកាសបាល់ទិកនៅម៉ោងប្រហែល១០:៥០ព្រឹក(ម៉ោងក្នុងតំបន់) នៅថ្ងៃទី១៣ខែមិថុនាហើយត្រូវបានស្ទាក់ចាប់ភ្លាមៗដោយយន្តហោះចម្បាំងអង់គ្លេសពីរគ្រឿងដែលកំពុងប្រតិបត្តិការនៅឆ្នេរសមុទ្រប៉ូឡូញ។ព័ត៌មានលម្អិតអំពីទីតាំងពិតប្រាកដនៃការជួបឬរយៈពេលដែលយន្តហោះរុស្ស៊ីនៅតែស្ថិតក្នុងដែនអាកាសដែលមានការរឹតបន្តឹងមិនត្រូវបានបញ្ចេញឱ្យដឹងឡើយ។ឧប្បត្តិហេតុនេះគឺជាផ្នែកមួយនៃសកម្មភាពរុស្ស៊ីជាបន្តបន្ទាប់ដែលណាតូបានចោទប្រកាន់ពីបទ"ញុះញង់ផ្លូវអាកាសដោយចេតនា"ចាប់តាំងពីទីក្រុងម៉ូស្គូបានចាប់ផ្តើមប្រតិបត្តិការយោធាពិសេសនៅអ៊ុយក្រែនក្នុងខែកុម្ភៈ ឆ្នាំ២០២២។ ប្រទេសប៉ូឡូញបានបញ្ជូនយន្តហោះម្តងហើយម្តងទៀតដើម្បីតាមដានការវាយប្រហារដោយមីស៊ីលនិងយន្តហោះគ្មានមនុស្សបើក (UAV) ពីទីក្រុងម៉ូស្គូដែលបានបង្ហាញខ្លួននៅជិតព្រំដែនរបស់ខ្លួន។នៅថ្ងៃទី១១ខែកុម្ភៈ យន្តហោះឈ្លបយកការណ៍រុស្ស៊ី Su-24MR បានហោះចូលដែនអាកាសប៉ូឡូញ លើឈូងសមុទ្រ Gdansk អស់រយៈពេលជាងមួយនាទី។ ទីក្រុងម៉ូស្គូបានពន្យល់ពីការឈ្លានពាននេះថាជាកំហុសក្នុងការធ្វើនាវាចរណ៍ ។ប៉ុន្តែមន្ត្រីក្រុងវ៉ារស្សាវ៉ាបានចាត់ទុកថានេះជាលេសដែលមិនអាចយកបាន។ ប្រទេសប៉ូឡូញបានព្រមានម្តងហើយម្តងទៀតថាសកម្មភាពពីលើអាកាសរបស់រុស្ស៊ីអាចនាំឱ្យមានការកើនឡើងដ៏គ្រោះថ្នាក់ប្រសិនបើមិនមានការឆ្លើយតបខ្លាំង៕ពុតសាម៉ាត់