ថៃនិង​កម្ពុជា​មិន​ឯ​កភាព​គ្នា​លើ​​ការ​យក​ជម្លោះ​ព្រំដែ​ន​​ទៅ​តុលាការ​អន្តរជាតិ

ប្រទេសថៃបានអះអាងថាខ្លួនចង់ដោះស្រាយជម្លោះព្រំដែនជាមួយកម្ពុជាតាមរយៈការសន្ទនា។ប៉ុន្តែនឹងមិនទទួលស្គាល់យុត្តាធិការរបស់តុលាការយុត្តិធម៌អន្តរជាតិ(ICJ)លើបញ្ហានេះទេ។

យោងតាមកាសែតបាងកកប៉ុស្តិ៍នាយករដ្ឋមន្ត្រីថៃ Paetongtarn Shinawatraបានប្រកាសកាលពីថ្ងៃទី១១ខែមិថុនាថា លោកស្រីបានសន្ទនាផ្ទាល់ជាមួយនាយករដ្ឋមន្ត្រីកម្ពុជាសម្តេចហ៊ុន ម៉ាណែត និងប្រធានព្រឹទ្ធសភាសម្តេចហ៊ុនសែនដោយហេតុនេះឈានដល់ការប្តេជ្ញាចិត្តរួមគ្នារវាងភាគីទាំងពីរក្នុងការដោះស្រាយជម្លោះព្រំដែនតាមរយៈការសន្ទនាដោយសន្តិវិធី។លោក Paetongtarnបាននិយាយថា"តាមរយៈការចរចាដោយស្មោះត្រង់ និងតម្លាភាពយើងបានការពារហានិភ័យនៃការកើនឡើងនិងជៀសវាងជម្លោះប្រដាប់អាវុធ"។ទាក់ទងនឹងសកម្មភាពត្រួតពិនិត្យព្រំដែននាយករដ្ឋមន្ត្រីថៃបាននិយាយថាច្រកទ្វារព្រំដែននឹងនៅតែបើកនិងបិទស្របតាមបទប្បញ្ញត្តិដែលមានស្រាប់ ដោយបដិសេធព័ត៌មានអំពីការបិទជាអចិន្ត្រៃយ៍។លោកស្រី Paetongtarn បាន​បញ្ជាក់​ថាក្រុង​បាងកក​ដឹង​ច្បាស់​ពី​សារៈសំខាន់​នៃ​ពាណិជ្ជកម្ម​តាម​ព្រំដែន​ចំពោះ​ជីវិត​របស់​ប្រជាជន​ក្នុង​តំបន់។

នាយករដ្ឋមន្ត្រីថៃ Paetongtarn Shinawatra។ រូបថត៖ The Nation

បើតាមលោកស្រីPaetongtarnកិច្ចប្រជុំគណៈកម្មាធិការព្រំដែនចម្រុះកម្ពុជា-ថៃ(JBC)នឹងប្រព្រឹត្តទៅតាមការគ្រោងទុកនៅរាជធានីភ្នំពេញនៅថ្ងៃទី១៤ ខែមិថុនា។​ យ៉ាងណាក៏ដោយ លោកស្រី Paetongtarn សង្កត់ធ្ងន់ថា រដ្ឋាភិបាលថៃនៅតែរក្សាជំហរមិនទទួលស្គាល់យុត្តាធិការរបស់តុលាការយុត្តិធម៌អន្តរជាតិក្នុងជម្លោះព្រំដែន។កន្លងមកសម្តេចហ៊ុន ម៉ាណែត នាយករដ្ឋមន្ត្រីកម្ពុជា បានប្រកាសបង្កើតគណៈកម្មការជាន់ខ្ពស់មួយ ដែលទទួលខុសត្រូវរៀបចំឯកសារ និងនាំយកជម្លោះព្រំដែនជាមួយថៃទៅកាន់តុលាការ ICJ នៅទីក្រុងឡាអេ (ហូឡង់)។យោងតាមកាសែតខ្មែរថាមស៍ឧបនាយករដ្ឋមន្ត្រីនិងជារដ្ឋមន្ត្រីការបរទេសកម្ពុជាលោកប្រាក់សុខុនត្រូវបានជ្រើសរើសជាប្រធានគណៈកម្មការនេះ។ គណៈកម្មការ​នេះ​នឹង​មាន​សិទ្ធិ​អំណាច​តំណាង​ឲ្យ​ប្រទេស​កម្ពុជា​នៅ​ចំពោះ​មុខ​តុលាការICJចាប់​ពី​ដំណាក់​កាល​ដាក់​ស្នើ​រហូត​ដល់​ការ​បញ្ចប់​នីតិវិធី​នៅ​ចំពោះ​មុខ​តុលាការ៕ផាត់យុទ្ធ