លោក​Zelenskyនិយា​យថារុស្ស៊ីគឺជា"កា​របង្កហេ​តុ"Trump​ចែករំលែ​កអំពីកិច្ចពិភា​ក្សាអ៊ុយក្រែន​​-រុស្ស៊ី

ព្រឹត្តិការណ៍៖ស្ថានភាពសង្គ្រាមរុស្ស៊ី-អ៊ុយក្រែន

លោក Zelensky បាននិយាយថារុស្ស៊ីនឹង"ធ្វើសកម្មភាពបង្កហេតុ" ក្នុងឱកាសទិវាជ័យជំនះ។ លោកTrump បាន​ទទួល​ស្គាល់​ការ​លំបាក​ក្នុង​ការ​ជួយ​រុស្ស៊ី​និង​អ៊ុយក្រែន​ឈាន​ដល់​កិច្ចព្រមព្រៀង​សន្តិភាព។

យោងតាម ​​Pravda ប្រធានាធិបតីអ៊ុយក្រែនលោក Volodymyr Zelensky បានធ្វើសន្និសីទសារព័ត៌មានរួមគ្នាជាមួយប្រធានាធិបតីឆែក Petr Pavel នៅទីក្រុង Prague កាលពីថ្ងៃទី៤ខែឧសភា។ នៅទីនេះ លោកZelenskyបានអត្ថាធិប្បាយលើព័ត៌មានស៊ើបការណ៍សម្ងាត់ដែលបង្ហាញថាអាចមាន"ការបង្កហេតុ"ដោយប្រទេសរុស្ស៊ីនៅថ្ងៃទី៩ខែឧសភា។

ប្រធានាធិបតីអ៊ុយក្រែនក្នុងសម័យសង្រ្គាមVolodymyr Zelensky ។រូបថត៖ @ZelenskyyUa

"យើងស្គាល់ប្រទេសជិតខាងរបស់យើងយ៉ាងច្បាស់ពួកគេត្រៀមខ្លួនធ្វើអ្វីៗគ្រប់យ៉ាងដើម្បីផលប្រយោជន៍នយោបាយនៃប្រទេសរបស់ពួកគេ។ ក្នុងអំឡុងពេលបទឈប់បាញ់បុណ្យEasterកងកម្លាំងរបស់ទីក្រុងម៉ូស្គូបានធ្វើការវាយឆ្មក់ជាង១០០ដង។ដូច្នេះហើយយើងមិនមានទំនុកចិត្តលើប្រទេសរុស្ស៊ីទេ។ការបង្កហេតុក្នុងអំឡុងពេលប្រារព្ធទិវាជ័យជំនះគឺអាចធ្វើទៅបានទាំងស្រុង"Zelenskyបាននិយាយ។ក្នុងអំឡុងសន្និសីទសារព័ត៌មានលោកប្រធានាធិបតីZelenskyក៏បានថ្លែងអំណរគុណដល់សាធារណរដ្ឋឆេកសម្រាប់ការគាំទ្ររបស់ខ្លួនក្នុងរយៈពេលកន្លងមក។ជាពិសេសទាក់ទងនឹង"គំនិតផ្តួចផ្តើមកាំភ្លើងធំ"។នេះគឺជាកម្មវិធីដែលបានចាប់ផ្តើមនៅឆ្នាំ ២០២៤ដើម្បីដោះស្រាយកង្វះគ្រាប់រំសេវរបស់ទីក្រុងគៀវ ដោយសារតែជំនួយពីសហរដ្ឋអាមេរិកត្រូវបានពន្យារពេលដោយសារហេតុផលផ្សេងៗ។នៅខាងក្រុងPrague លោកប្រធានាធិបតីPavel បានប្រកាសថាសាធារណរដ្ឋឆេកនឹងផ្ទេរកាំភ្លើងធំចំនួន១,៨ លានគ្រាប់ទៅឱ្យអ៊ុយក្រែននៅឆ្នាំនេះ។

ប្រធានាធិបតីTrumpសារភាពថាកិច្ចព្រមព្រៀងរវាងរុស្ស៊ីនិងអ៊ុយក្រែន ប្រហែលជា'មិនអាចទៅរួច'

នៅក្នុងបទសម្ភាសន៍មួយកាលពីថ្ងៃទី៤ខែឧសភា ជាមួយ NBC News ប្រធានាធិបតីអាមេរិកDonaldTrumpបានសារភាពថាមានពេលខ្លះដែលលោក"បាក់ទឹកចិត្ត"ហើយចង់បោះបង់តួនាទីរបស់លោកជាអ្នកសម្រុះសម្រួលរវាងរុស្ស៊ីនិងអ៊ុយក្រែន។លោក Trump បាននិយាយថា "ខ្ញុំបានគិតអំពីការឈប់ពីរបីដង។ប៉ុន្តែសញ្ញាវិជ្ជមានបានលេចឡើង និងធ្វើឱ្យខ្ញុំបន្តទៅមុខ។ការឈានដល់កិច្ចព្រមព្រៀងរវាងរុស្ស៊ី និងអ៊ុយក្រែនហាក់ដូចជា"បេសកកម្មមិនអាចទៅរួច" ។ ទោះបីជាយ៉ាងណាក៏ដោយខ្ញុំនៅតែសង្ឃឹមថានឹងឃើញលទ្ធផលវិជ្ជមានមួយចំនួន" ។កាលពីចុងខែមេសា រដ្ឋមន្ត្រីការបរទេសលោក Marco Rubio បាននិយាយថាសហរដ្ឋអាមេរិកអាចបោះបង់ចោលកិច្ចខិតខំប្រឹងប្រែងដើម្បីចរចាជម្លោះអ៊ុយក្រែន។ប្រសិនបើក្រុងគៀវនិងទីក្រុងម៉ូស្គូមិនបង្ហាញសុច្ឆន្ទៈ៕ពុតសាម៉ាត់