អ៊ុយក្រែ​ន​វាយ​ប្រ​ហារ​ចម្ងាយ​ជិត៧​ពាន់​គីឡូម៉ែត្រ​ពី​ព្រំដែន​លោកPutin​គាំទ្រ​ការ​ជួប​​លោកZelensky

ព្រឹត្តិការណ៍៖ស្ថានភាពសង្គ្រាមរុស្ស៊ី-អ៊ុយក្រែន

សេវាស៊ើបការណ៍យោធាអ៊ុយក្រែន(HUR)ត្រូវបានគេជឿថាបានបង្កឱ្យមានការផ្ទុះនៅជិតឈូងសមុទ្រDesantnaya ក្នុងទីក្រុង Vladivostok នៃប្រទេសរុស្ស៊ី ដែលមានចម្ងាយជិត៧,០០០គីឡូម៉ែត្រពីព្រំដែនអ៊ុយក្រែន។

យោងតាមសារព័ត៌មានKyivIndependentប្រភពបានឱ្យដឹងថាការផ្ទុះដែលបានកើតឡើងកាលពីថ្ងៃទី ៣០ខែឧសភា បណ្តាលឱ្យខូចខាតដល់បុគ្គលិកនិងសម្ភារៈយោធារុស្ស៊ី។ ប្រសិនបើ​ព័ត៌មាន​នេះ​ត្រូវ​បាន​គេ​បញ្ជាក់នោះ​នឹង​ក្លាយ​ជា​ការ​លុកលុយ​ឆ្ងាយ​បំផុត​ដែល​អ៊ុយក្រែន​បាន​បង្កើត​ចូល​ក្នុង​ទឹកដី​រុស្ស៊ីចម្ងាយ​ប្រហែល ៦ ៨០០ គីឡូម៉ែត្រ​ពី​ព្រំដែន​អ៊ុយក្រែន។ប្រភពបានបន្ថែមថាការផ្ទុះពីរបានកើតឡើងនៅព្រឹកព្រលឹមថ្ងៃទី៣០ឧសភានៅទីតាំងមួយដែលកងវរសេនាតូចទ័ពអាកាសទី៤៧នៃកងពលតូចឆ្មាំសមុទ្រដាច់ដោយឡែកទី១៥៥នៃប្រទេសរុស្ស៊ីឈរជើង។កងពលតូចម៉ារីនទី១៥៥បានចូលរួមយ៉ាងសកម្មនៅក្នុងប្រតិបត្តិការយោធាពិសេសរបស់រុស្ស៊ីនៅអ៊ុយក្រែន រួមទាំងការប្រយុទ្ធនៅ Mariupol និង Vuhledar ក្នុងតំបន់ Donetsk ។ កម្លាំង​នេះ​ក៏​បាន​ចូល​រួម​ក្នុង​ការ​វាយ​ប្រហារ​កងទ័ព​អ៊ុយក្រែន​ដែល​កាន់កាប់​តំបន់​ក្នុង​ខេត្ត​ជាប់​ព្រំដែន Kursk ផង​ដែរ។

ទីក្រុង Vladivostok នៃប្រទេសរុស្ស៊ី។ រូបថត៖ New York Times

ប្រព័ន្ធផ្សព្វផ្សាយក្នុងស្រុកបានរាយការណ៍ថាមានការផ្ទុះយ៉ាងខ្លាំងចំនួនពីរដែលបន្តដោយការបិទផ្លូវបណ្តោះអាសន្ននិងរថយន្តសង្គ្រោះបន្ទាន់នៅក្នុងតំបន់។ ទោះបីជាយ៉ាងណាក៏ដោយមិនមានព័ត៌មានអំពីការខូចខាតនៅឯមូលដ្ឋានយោធារុស្ស៊ីនោះទេ។ការ​ផ្ទុះ​មួយ​ក្នុង​ចំណោម​ការ​ផ្ទុះ​ត្រូវ​បាន​គេ​ជឿ​ថា​បាន​កើត​ឡើង​នៅ​ជិត​ប៉ុស្តិ៍​ត្រួតពិនិត្យ ហើយ​មួយ​ទៀត​កើត​ឡើង​នៅ​កន្លែង​បុគ្គលិក និង​ប៉ុស្តិ៍​បញ្ជាការ។ ប្រភព​បាន​បញ្ជាក់​ថា​៖«​កម្លាំង​មនុស្ស សម្ភារ​យោធានិង​ឧបករណ៍​ពិសេស​ត្រូវ​បាន​វាយប្រហារ​» ។រដ្ឋាភិបាល​រុស្ស៊ី​មិន​ទាន់​ធ្វើ​អត្ថាធិប្បាយ​ជុំវិញ​ព័ត៌មាន​ខាង​លើ​នៅ​ឡើយ​ទេ។ឈូងសមុទ្រ Desantnaya មានទីតាំងនៅទីក្រុង Vladivostok ចុងបូព៌ារុស្ស៊ី ចម្ងាយប្រហែល១៨៥គីឡូម៉ែត្រពីព្រំដែនរុស្ស៊ី-កូរ៉េខាងជើង។

ប្រធានាធិបតីPutinគាំទ្រការជួបជាមួយលោក Zelensky និងលោក Trump

ទីភ្នាក់ងារសារព័ត៌មាន Tass បានរាយការណ៍ថា នៅថ្ងៃទី៣០ខែឧសភា អ្នកនាំពាក្យវិមានក្រឹមឡាំង លោក Dmitry Peskov បាននិយាយថា ប្រធានាធិបតីរុស្ស៊ី លោក Vladimir Putin "គាំទ្រជាមូលដ្ឋាន" ជំនួបជាមួយប្រធានាធិបតីអ៊ុយក្រែន Volodymyr Zelensky និងប្រធានាធិបតីអាមេរិក Donald Trump ។សេចក្តី​ថ្លែងការណ៍​នេះ​ត្រូវ​បាន​ធ្វើ​ឡើង​ក្នុង​បរិបទ​នៃ​ការ​ចរចា​បន្ទាប់​រវាង​រុស្ស៊ី​និង​អ៊ុយក្រែន​ដែល​គ្រោង​នឹង​ធ្វើ​នៅ​ទីក្រុង​អ៊ីស្តង់ប៊ុល ប្រទេស​តួកគី នា​ថ្ងៃ​ទី ២ ខែ​មិថុនា។យ៉ាងណាក៏ដោយ លោក Peskov បានសង្កត់ធ្ងន់ថា ការរៀបចំកិច្ចប្រជុំកំពូលមួយនឹងទាមទារលទ្ធផលជាក់ស្តែងពីការចរចារវាងគណៈប្រតិភូរុស្ស៊ីនិងអ៊ុយក្រែន។លោក Peskov បាននិយាយថា "ប្រធានាធិបតីPutinបាននិយាយម្តងហើយម្តងទៀតថាគាត់ជាមូលដ្ឋានក្នុងការពេញចិត្តចំពោះទំនាក់ទំនងកម្រិតខ្ពស់ដែលពិតជាចាំបាច់។ប៉ុន្តែព្រឹត្តិការណ៍ត្រូវតែរៀបចំ ហើយជាដំបូងលទ្ធផលត្រូវតែសម្រេចបានពីការចរចារវាងគណៈប្រតិភូ"។នាថ្ងៃទី ៣០ ឧសភា រដ្ឋមន្ត្រីការបរទេសទួរគី លោក Hakan Fidan បាននិយាយថាប្រទេសនេះបានត្រៀមខ្លួនជាស្រេចដើម្បីធ្វើជាម្ចាស់ផ្ទះកិច្ចប្រជុំដ៏មានសក្តានុពលរវាងមេដឹកនាំទាំងបីដោយមានការចូលរួមពីប្រធានាធិបតី Recep Tayyip Erdogan ។ ការ​ថ្លែង​របស់​លោក Fidan បាន​ធ្វើ​ឡើង​បន្ទាប់​ពី​ដំណើរ​ទស្សនកិច្ច​របស់​លោក​ទៅ​កាន់​ទីក្រុងគៀវនិង​ទីក្រុងម៉ូស្គូ៕ពុតសាម៉ាត់