រដ្ឋមន្ត្រីអ៊ីស្រាអែល​​៖ប្រជាជននៅតំប​ន់ហ្គាហ្សានឹងធ្វើចំណាកស្រុក​ទៅកាន់ប្រទេសទី៣

កាលពីថ្ងៃទី៦ ខែឧសភារដ្ឋមន្ត្រីក្រសួងហិរញ្ញវត្ថុអ៊ីស្រាអែល លោក Bezalel Smotrich បានបញ្ជាក់ថាជ័យជម្នះរបស់អ៊ីស្រាអែលនៅតំបន់ ហ្គាហ្សាស្រ្ទីបមានន័យថាទឹកដីនេះនឹងត្រូវបំផ្លាញទាំងស្រុង ហើយប្រជាជនប៉ាឡេស្ទីននៅទីនេះនឹងត្រូវបញ្ជូនទៅប្រទេសមួយផ្សេងទៀត។

ទីភ្នាក់ងារសារព័ត៌មានAFPបានដកស្រង់សម្តីរដ្ឋមន្ត្រីស្តាំនិយមបាននិយាយនៅក្នុងសន្និសីទមួយថា"ហ្គាហ្សានឹងត្រូវបានបំផ្លាញទាំងស្រុង។ អ្នកស្រុកនឹងត្រូវបាននាំយកទៅភាគខាងត្បូងទៅកាន់តំបន់មនុស្សធម៌ ដែលគ្មានក្រុមហាម៉ាសឬភេរវកម្មហើយពីទីនេះមនុស្សមួយចំនួនធំនឹងចាកចេញនិងទៅកាន់ប្រទេសទី៣"។គណៈរដ្ឋមន្ត្រីអ៊ីស្រាអែលនាពេលថ្មីៗនេះ បានអនុម័តផែនការពង្រីកយុទ្ធនាការយោធានៅតំបន់ហ្គាហ្សាស្ទ្រីប រួមទាំងការដណ្តើមយកនិងដាក់ពង្រាយតំបន់ណាមួយដែលកាន់កាប់ដោយកងទ័ពអ៊ីស្រាអែលរហូតដល់ប្រទេសនេះសម្រេចបាននូវគោលដៅសង្គ្រាមទាំងអស់។យោងតាមទីភ្នាក់ងារសារព័ត៌មាន AFP ការសម្រេចចិត្តរបស់អ៊ីស្រាអែលត្រូវបានធ្វើឡើងក្នុងបរិបទរបស់អង្គការសហប្រជាជាតិនិងអង្គការជំនួយបានព្រមានម្តងហើយម្តងទៀតអំពីគ្រោះមហន្តរាយមនុស្សធម៌នៅតំបន់ហ្គាហ្សាចំពេលមានជម្លោះអ៊ីស្រាអែល និងក្រុមហាម៉ាស។នៅថ្ងៃដដែលមន្ត្រីជាន់ខ្ពស់របស់ហាម៉ាសបានប្រកាសថាក្រុមនេះលែងចាប់អារម្មណ៍លើការចរចាបទឈប់បាញ់ជាមួយអ៊ីស្រាអែលទៀតហើយ។ហើយបានអំពាវនាវឱ្យសហគមន៍អន្តរជាតិបញ្ឈប់ "សង្គ្រាមទុរ្ភិក្ស"ដែលអ៊ីស្រាអែលកំពុងអនុវត្តនៅតំបន់ហ្គាហ្សាស្ទ្រីប។

ប្រជាជន​ប្រមូល​ទឹក​នៅ​ចំណុច​ចែកចាយ​មួយ​ក្នុង​ជំរំ​ជនភៀសខ្លួន Nuseirat ភាគ​កណ្តាលហ្គាហ្សាស្រ្ទីបកាលពី​ថ្ងៃ​ទី៥ ឧសភា។ រូបថត៖ AFP

អង្គការសហប្រជាជាតិបានចោទប្រកាន់អ៊ីស្រាអែលថាបានព្យាយាម "ប្រើប្រាស់អាវុធ"លំហូរនៃជំនួយទៅកាន់តំបន់ហ្គាហ្សាដោយធ្វើឱ្យអ្នកស្រុកអស់សង្ឃឹមសម្រាប់អាហារនិងទឹកចំពេលមានការទម្លាក់គ្រាប់បែកជាបន្តបន្ទាប់។យោងតាមទីភ្នាក់ងារមនុស្សធម៌របស់អង្គការសហប្រជាជាតិ OCHAថាតំបន់ហ្គាហ្សាស្ទ្រីបដែលត្រូវបានរារាំងដោយអ៊ីស្រាអែលអស់រយៈពេល៩សប្តាហ៍កន្លងមកនេះ បានអស់ជំនួយក្នុងការចែកចាយ។អ្នក​នាំពាក្យ OCHA លោក Jens Laerke បាន​ថ្កោលទោស​អ៊ីស្រាអែល ខណៈ​និយាយ​ទៅកាន់​អ្នកកាសែត​ក្នុង​ទីក្រុង​ហ្សឺណែវ​ថា "(នៅតំបន់ហ្គាហ្សា)មាន​តម្រូវការ​អាហារ​​យ៉ាងធ្ងន់ធ្ងរ។ប៉ុន្តែ​ពួកគេ​កំពុង​ទទួល​គ្រាប់បែក"។បុរីវ៉ាទីកង់ អំពាវនាវឱ្យមានសន្តិភាព មុនការប្រជុំនៅក្នុងសេចក្តីថ្លែងការណ៍មួយនៅថ្ងៃទី៦ខែឧសភានៅមុនការប្រជុំនៅថ្ងៃស្អែក ដើម្បីជ្រើសរើសសម្តេចប៉ាបថ្មី វ៉ាទីកង់បាននិយាយថា ពួកគេ "កត់សម្គាល់ដោយការសោកស្តាយដែលមិនមានវឌ្ឍនភាពក្នុងការលើកកម្ពស់សន្តិភាពនៅអ៊ុយក្រែនមជ្ឈិមបូព៌ានិងផ្នែកជាច្រើនទៀតនៃពិភពលោក"។សេចក្តីថ្លែងការណ៍ក៏បានអំពាវនាវឱ្យភាគីពាក់ព័ន្ធឈានដល់បទឈប់បាញ់យូរអង្វែងឱ្យបានឆាប់តាមដែលអាចធ្វើទៅបានហើយចាប់ផ្តើមការចរចាដើម្បីសន្តិភាពយូរអង្វែង៕ពុតសាម៉ាត់