លោកTrumpរំពឹងថា​រុស្ស៊ីនិងអ៊ុយ​ក្រែននឹង​ឈានដល់កិច្ចព្រមព្រៀងសន្តិភា​​ពក្នុងសប្តាហ៍នេះ

 ព្រឹត្តិការណ៍៖ស្ថានភាពសង្គ្រាមរុស្ស៊ី-អ៊ុយក្រែន

ប្រធានាធិបតីDonaldTrumpបាននិយាយថារុស្ស៊ីនិងអ៊ុយក្រែននឹងមានឱកាស"ធ្វើជំនួញដ៏អស្ចារ្យ"ជាមួយសហរដ្ឋអាមេរិក។ប្រសិនបើភាគីទាំងពីរឈានដល់កិច្ចព្រមព្រៀងសន្តិភាពក្នុងសប្តាហ៍នេះ។

យោងតាមទីភ្នាក់ងារសារព័ត៌មានTASS ប្រធានាធិបតីអាមេរិក លោក Donald Trump បានសរសេរនៅលើបណ្តាញទំនាក់ទំនងសង្គម Truth Social នៅថ្ងៃទី ២០ខែមេសាថា"ខ្ញុំសង្ឃឹមថាទីក្រុងម៉ូស្គូនិងទីក្រុងគៀវអាចយល់ព្រមលើកិច្ចព្រមព្រៀងឈប់បាញ់នៅប៉ុន្មានថ្ងៃខាងមុខ។បន្ទាប់មកអ្នកទាំងពីរនឹងមានឱកាស'ធ្វើជំនួញធំ'ជាមួយសហរដ្ឋអាមេរិកហើយនឹងរកប្រាក់ចំណូលបានច្រើន" ។

លោកប្រធានាធិបតី Trump បានបង្ហាញការរំពឹងទុកខាងលើ បន្ទាប់ពីលោកបានព្រមានថាលោកនឹងដកខ្លួនចេញពីដំណើរការចរចាសន្តិភាព។ប្រសិនបើរុស្ស៊ីនិងអ៊ុយក្រែនបន្តបរាជ័យក្នុងកិច្ចសហប្រតិបត្តិការ។មេដឹកនាំសេតវិមានបាននិយាយថា"មិនមានការកំណត់ពេលវេលាជាក់លាក់ទេ។ប៉ុន្តែយើងចង់ឱ្យវាសម្រេចបានយ៉ាងឆាប់រហ័ស" ។ប្រធានាធិបតីរុស្ស៊ី លោកVladimir Putinកាលពីថ្ងៃទី ១៩ ខែមេសា បានប្រកាសបទឈប់បាញ់រយៈពេល៣០ម៉ោងជាមួយអ៊ុយក្រែន ក្នុងឱកាសបុណ្យEaster។ទោះបីជាយ៉ាងណាក៏ដោយប្រធានាធិបតីអ៊ុយក្រែន លោក Volodymyr Zelensky បានចោទប្រកាន់រុស្ស៊ីថា បានរំលោភលើបទឈប់បាញ់ជាង២,០០០ដងក្នុងរយៈពេល៤៨ម៉ោងកន្លងមកនេះ។ ផ្ទុយ​ទៅ​វិញទីក្រុង​ម៉ូស្គូ​ក៏​បាន​ចោទ​ក្រុង​គៀវ​ថា​បាន​ធ្វើ​ការ​វាយឆ្មក់​ជាង១៣០០ដងក្នុង​អំឡុង​ពេល​ដូច​គ្នា។ទាំងសហរដ្ឋអាមេរិក និងអ៊ុយក្រែនបានអំពាវនាវឱ្យរុស្ស៊ីបន្តបទឈប់បាញ់ដល់ទៅ៣០ថ្ងៃ ។ប៉ុន្តែវិមានក្រឹមឡាំងមិនទាន់មានផែនការសម្រាប់រឿងនេះនៅឡើយទេ។អ្នកនាំពាក្យវិមានក្រឹមឡាំង លោក Dmitry Peskov បាននិយាយនៅថ្ងៃទី ២០ខែមេសាថា "មិនមានការណែនាំផ្សេងទៀតទេ។ ប្រធានាធិបតីPutin មិនបានបញ្ជាឱ្យបន្តបទឈប់បាញ់បុណ្យ Easter ទេ៕ពុតសាម៉ាត់