ចិនព្រមានប្រទេ​ស​នានាកុំឱ្យចុះហត្ថលេ​ខាលើ​កិច្ចព្រមព្រៀងជាមួយ​អាមេរិក

 ព្រឹត្តិការណ៍៖លោកTrumpបើកការវាយប្រហារពន្ធលើពិភពលោកទាំងមូល

ប្រទេសចិនបាននិយាយថាខ្លួនប្រឆាំងយ៉ាងម៉ឺងម៉ាត់ចំពោះប្រទេសដែលចុះហត្ថលេខាលើកិច្ចព្រមព្រៀងពាណិជ្ជកម្មជាមួយសហរដ្ឋអាមេរិក ដែលប៉ះពាល់ដល់ផលប្រយោជន៍របស់ទីក្រុងប៉េកាំងហើយបានព្រមានថា ខ្លួននឹងចាត់វិធានការតបតវិញ។

យោងតាមCNAក្រសួងពាណិជ្ជកម្មចិនបាននិយាយនៅព្រឹកនេះ(ថ្ងៃទី២១ខែមេសា)ថាប្រទេសនេះនឹងចាត់វិធានការឆ្លើយតបប្រសិនបើប្រទេសណាមួយស្វែងរកកិច្ចព្រមព្រៀងបែបនេះ។ ក្រសួងក៏បានលើកឡើងអំពីព័ត៌មានដែលថារដ្ឋបាលរបស់ប្រធានាធិបតីអាមេរិកDonaldTrumpកំពុងរៀបចំដាក់សម្ពាធលើប្រទេសផ្សេងទៀតឱ្យរឹតបន្តឹងពាណិជ្ជកម្មជាមួយប្រទេសចិនជាថ្នូរនឹងការលើកលែងពន្ធពីសហរដ្ឋអាមេរិក។បច្ចុប្បន្ននេះខណៈពេលដែលប្រទេសដទៃទៀតនៃពិភពលោកកំពុងប្រឈមនឹងការយកពន្ធ១០%លើការនាំចូលទៅកាន់សហរដ្ឋអាមេរិកប្រទេសចិនកំពុងប្រឈមមុខនឹងពន្ធរហូតដល់១៤៥%លើអ្វីៗទាំងអស់ សូម្បីតែ២៤៥% លើផលិតផលមួយចំនួនក៏ដោយ។ ទីក្រុងប៉េកាំងបានឆ្លើយតបទៅនឹងទីក្រុងវ៉ាស៊ីនតោនដោយដាក់ពន្ធនាំចូល១២៥%លើទំនិញដើមពីសហរដ្ឋអាមេរិក។

ប្រទេសជាច្រើនកំពុងចរចាជាមួយទីក្រុងវ៉ាស៊ីនតោនដើម្បីកាត់បន្ថយពន្ធគយខណៈដែលសង្រ្គាមពាណិជ្ជកម្មរវាងសហរដ្ឋអាមេរិកនិងចិនមិនបង្ហាញសញ្ញានៃការធូរស្រាលនោះទេ។ប្រទេសចិនបាននិយាយថាខ្លួនគោរពសមត្ថភាពរបស់ប្រទេសទាំងអស់ក្នុងការដោះស្រាយវិវាទសេដ្ឋកិច្ចនិងពាណិជ្ជកម្មជាមួយសហរដ្ឋអាមេរិក តាមរយៈការពិគ្រោះយោបល់ដោយឈរលើមូលដ្ឋានស្មើគ្នា។ ទោះជាយ៉ាងណាក៏ដោយប្រទេសនេះ"ប្តេជ្ញាចិត្តនិងមានសមត្ថភាពការពារសិទ្ធិនិងផលប្រយោជន៍ផ្ទាល់ខ្លួនហើយមានឆន្ទៈពង្រឹងសាមគ្គីភាពជាមួយគ្រប់ភាគី"។"សម្បទានមិននាំមកនូវសន្តិភាពទេហើយការសម្របសម្រួលនឹងមិនត្រូវបានគោរព។ការស្វែងរកផលប្រយោជន៍បណ្តោះអាសន្នសម្រាប់ខ្លួនឯងដោយចំណាយរបស់អ្នកដទៃគឺមិនអាចទទួលយកបានទេ។ វិធីសាស្រ្តបែបនេះនឹងនាំឱ្យមានការបរាជ័យសម្រាប់ភាគីទាំងពីរ និងធ្វើឱ្យប៉ះពាល់ដល់អ្នកដទៃ។ប្រទេសចិនបានប្តេជ្ញាតស៊ូរហូតដល់ទីបញ្ចប់នៅក្នុងសង្គ្រាមពាណិជ្ជកម្មរបស់ខ្លួនជាមួយសហរដ្ឋអាមេរិក ហើយមិនបានបញ្ជាក់ថាខ្លួនកំពុងពិភាក្សាជាមួយទីក្រុងវ៉ាស៊ីនតោននោះទេ៕ពុតសាម៉ាត់