ពន្ធ​អាក​រ​ទៅវិញទៅមក​រ​បស់​អាមេ​រិក​ចូល​ជាធរ​មានចិ​ន​ត្រូវ​បាន​គិ​ត​ថ្លៃ​១០៤%

នៅម៉ោង១១:០១ព្រឹកថ្ងៃនេះ(ថ្ងៃទី៩ខែមេសាម៉ោងនៅកម្ពុជា) ដំណាក់កាលបន្ទាប់នៃផែនការរបស់ប្រធានាធិបតីអាមេរិកDonald Trumpក្នុងការយកពន្ធទៅវិញទៅមកលើប្រទេសចំនួន៨៦បានចូលជាធរមាន។

ទីភ្នាក់ងារសារព័ត៌មានCNBCនិងCNNបានដកស្រង់សម្តីរបស់សេតវិមានដែលបាននិយាយថាប្រទេសចិននឹងប្រឈមមុខនឹងអត្រាពន្ធសរុបរហូតដល់១០៤% ក្នុងរយៈពេលពីរបីម៉ោង។ ទីក្រុងប៉េកាំងបានចោទប្រកាន់លោក Trump ពីបទធ្វើដូចជា"សម្លុត" ហើយបានបដិសេធយ៉ាងខ្ជាប់ខ្ជួនក្នុងការលុបចោលពន្ធសងសឹកប្រឆាំងនឹងសហរដ្ឋអាមេរិក។ទោះជាយ៉ាងណាក៏ដោយ មិនត្រឹមតែចិន និងអាមេរិក ដែលជាប្រទេសមានសេដ្ឋកិច្ចធំជាងគេបំផុតរបស់ពិភពលោក ដែលត្រូវជាប់គាំងក្នុងសង្គ្រាមពាណិជ្ជកម្មនោះទេ ប្រទេសប្រហែល៦០ ផ្សេងទៀតដែលទីក្រុងវ៉ាស៊ីនតោនចាត់ទុកថាមានការអនុវត្តពាណិជ្ជកម្មមិនស្មើភាពជាមួយសហរដ្ឋអាមេរិកក៏នឹងប្រឈមមុខនឹងពន្ធនាំចូលខ្ពស់ផងដែរ។នេះកើតឡើងបន្ទាប់ពីលោកTrumpកាលពីសប្តាហ៍មុនបានបញ្ជាឱ្យដំឡើងពន្ធយ៉ាងហោចណាស់១០%លើដៃគូពាណិជ្ជកម្មអាមេរិកភាគច្រើន។ទីផ្សារជុំវិញពិភពលោកបានបាត់បង់ប្រាក់រាប់ពាន់លានដុល្លារ ដោយសារអ្នកវិនិយោគមានប្រតិកម្មចំពោះភាពមិនច្បាស់លាស់ និងអស្ថិរភាព។ឥឡូវនេះពិភពលោកកំពុងរង់ចាំមើលថាមានអ្វីកើតឡើងបន្ទាប់ពីផែនការពន្ធថ្មីរបស់លោក Trump ចូលជាធរមាន។

ទន្ទឹមនឹងនោះ លោកប្រធានាធិបតី Trump បាននិយាយថា រដ្ឋបាលរបស់លោកបានធ្វើការងារល្អក្នុងការចរចាដំបូងជាមួយបណ្តាប្រទេសដែលទទួលរងការយកពន្ធខ្ពស់ពីសហរដ្ឋអាមេរិក។ថ្លែងនៅក្នុងព្រឹត្តិការណ៍ចុះហត្ថលេខាលើបទបញ្ជាប្រតិបត្តិនៅសេតវិមានកាលពីថ្ងៃទី៨ ខែមេសាមេដឹកនាំអាមេរិកបាននិយាយថា"ខ្ញុំហៅពួកគេថាកិច្ចព្រមព្រៀងដែលធ្វើឡើងដោយយកចិត្តទុកដាក់បំផុតមិនមែនជាកិច្ចព្រមព្រៀងក្រៅប្រព័ន្ធទេ"។ យោងតាមលោក Trump តំណាងរបស់ប្រទេសជប៉ុន និងកូរ៉េខាងត្បូងនឹងហោះហើរទៅកាន់សហរដ្ឋអាមេរិកដើម្បីចរចាលើបញ្ហានេះ។លោកTrumpបានបន្ថែមថាសហរដ្ឋអាមេរិកគ្រោងនឹងប្រកាសពន្ធថ្មីលើឱសថក្នុងគោលបំណងបង្ខំឱ្យក្រុមហ៊ុនឱសថចាកចេញពីប្រទេសចិន និងកសាងសមត្ថភាពផលិតក្នុងស្រុក។ នៅក្នុងសេចក្តីប្រកាសរបស់លោក Trump កាលពីសប្តាហ៍មុន ឱសថត្រូវបានលើកលែងពីពន្ធគយ។បច្ចុប្បន្ននេះបណ្តាញផ្គត់ផ្គង់ឱសថភាគច្រើនមានទីតាំងនៅប្រទេសចិន ឥណ្ឌា និងអឺរ៉ុប៕ពុតសាម៉ាត់