អ៊ីរ៉ង់បញ្ជាក់ថាមេ​បញ្ជាការIRGCត្រូវបានស​ម្លាប់ក្នុងការវាយប្រហាររ​បស់អ៊ីស្រាអែល

ព្រឹត្តិការណ៍៖ជម្លោះអ៊ីស្រាអែល-អ៊ីរ៉ង់

ប្រព័ន្ធផ្សព្វផ្សាយរដ្ឋរបស់អ៊ីរ៉ង់បានបញ្ជាក់ថាមេបញ្ជាការកងឆ្មាំបដិវត្តន៍អ៊ីស្លាម (IRGC)លោកHosseinSalamiត្រូវបានសម្លាប់នៅក្នុងការវាយប្រហារទុកជាមុនរបស់ប្រទេសនេះនៅព្រឹកនេះ(១៣មិថុនា)។

IRGC ត្រូវ​បាន​គេ​ចាត់​ទុក​ថា​ជា​កម្លាំង​ដ៏​សំខាន់​មួយ​ក្នុង​ប្រទេស​អ៊ីរ៉ង់ ហើយ​ក៏​គ្រប់គ្រង​ឃ្លាំង​អាវុធ​មីស៊ីល​ផ្លោង​របស់​ប្រទេស​នេះ​ផង​ដែរ។ទន្ទឹមនឹងនេះ កាសែត Times of Israel នៅថ្ងៃទី១៣ខែមិថុនា បានដកស្រង់សម្តីមន្ត្រីការពារជាតិអ៊ីស្រាអែល ដែលបាននិយាយថា ឧត្តមសេនីយ៍ទោMohammadBagheriអគ្គសេនាធិការនៃកងកម្លាំងប្រដាប់អាវុធអ៊ីរ៉ង់និងអ្នកវិទ្យាសាស្ត្រនុយក្លេអ៊ែរជាន់ខ្ពស់ជាច្រើននាក់នៅទីក្រុងតេអេរ៉ង់ប្រហែលជាត្រូវបានសម្លាប់នៅក្នុងការវាយប្រហារតាមអាកាសដែលធ្វើឡើងដោយកងកម្លាំងការពារអ៊ីស្រាអែល(IDF)។មន្ត្រី​រូប​នេះ​បាន​និយាយ​ដោយ​មិន​បាន​ផ្តល់​ភ័ស្តុតាង​ជាក់លាក់​ថា​៖«​លទ្ធភាព​ដែល​ពួកគេ​ស្លាប់​កំពុង​កើនឡើង​»​។

មេបញ្ជាការកងឆ្មាំបដិវត្តន៍អ៊ីស្លាម (IRGC) លោក Hossein Salami ។ រូបថត៖ Times of Israel

អ៊ីរ៉ង់​មិន​ទាន់​ធ្វើ​អត្ថាធិប្បាយ​ពី​ស្ថានភាព​របស់​លោក Bagheri នៅ​ឡើយ​ទេ។នៅ​ព្រឹក​ថ្ងៃ​ទី​១៣ មិថុនា IDF បាន​បញ្ជាក់​ថាយោធា​អ៊ីស្រាអែល​បាន​បើក​យុទ្ធនាការ​ផ្លូវ​អាកាស​ប្រឆាំង​នឹង​កម្មវិធី​នុយក្លេអ៊ែរ​របស់​អ៊ីរ៉ង់។ កងទ័ពអាកាសអ៊ីស្រាអែលបានសង្កត់ធ្ងន់ថាគោលដៅរាប់សិបដែលទាក់ទងនឹងកម្មវិធីនុយក្លេអ៊ែរនិងកន្លែងយោធាផ្សេងទៀតនៅទូទាំងប្រទេសអ៊ីរ៉ង់កំពុងត្រូវបានវាយប្រហារដោយកម្លាំងនេះ។យុទ្ធនាការយោធារបស់អ៊ីស្រាអែលប្រឆាំងនឹងកម្មវិធីនុយក្លេអ៊ែររបស់អ៊ីរ៉ង់ និងសមត្ថភាពមីស៊ីលរយៈចម្ងាយឆ្ងាយ ត្រូវបានគេរំពឹងថានឹងមានរយៈពេលជាច្រើនថ្ងៃ។ IDF បាននិយាយថា ខ្លួនកំពុងសម្របសម្រួលសកម្មភាពជាមួយភាគីអាមេរិក។យោងតាមកាសែត Times of Israel មន្ត្រីជាន់ខ្ពស់អ៊ីស្រាអែលមួយចំនួនត្រូវបានផ្លាស់ប្តូរទៅកាន់ "ទីតាំងសម្ងាត់"ដើម្បីបង្កើនវិធានការសន្តិសុខបន្ទាប់ពីកិច្ចខិតខំប្រឹងប្រែងដើម្បីកំណត់គោលដៅកម្រិតខ្ពស់របស់អ៊ីរ៉ង់៕ពុតសាម៉ាត់