លោកZelenskyបាន​​បដិសេធ​មិន​ជួប​មន្ត្រី​រុស្ស៊ីដោយ​ចង់​ច​រចា​ផ្ទាល់​ជាមួយ​លោ​ក​Putin

ព្រឹត្តិការណ៍៖ស្ថានភាពសង្គ្រាមរុស្ស៊ី-អ៊ុយក្រែន

ប្រធានាធិបតីអ៊ុយក្រែនលោកVolodymyrZelenskyបានច្រានចោលការពិភាក្សាជាមួយមន្ត្រីរុស្ស៊ី ហើយបានទទូចឱ្យជួបទល់មុខជាមួយប្រធានាធិបតីរុស្ស៊ីលោក Vladimir Putin នៅទីក្រុងតួកគី។

យោងតាមទីភ្នាក់ងារសារព័ត៌មាន EPA សំណើខាងលើបានសង្កត់ធ្ងន់លើកិច្ចខិតខំប្រឹងប្រែងរបស់ទីក្រុងគៀវ ដើម្បីឲ្យទីក្រុងម៉ូស្គូទទួលខុសត្រូវដោយផ្ទាល់ចំពោះការបញ្ចប់ជម្លោះ បន្ទាប់ពីប្រធានាធិបតីរុស្ស៊ីលោកPutinបានស្នើការចរចាដោយគ្មានលក្ខខណ្ឌក្នុងទីក្រុងអ៊ីស្តង់ប៊ុល ប្រទេសតួកគីកាលពីថ្ងៃទី១៥ខែឧសភា ប្រធានាធិបតីរុស្ស៊ីមិនទាន់អាចបញ្ជាក់បានថាតើលោកនឹងចូលរួមកិច្ចចរចាសន្តិភាពនៅទីក្រុងតួកគីដែរឬទេ។លោក Myahailo Podoliak ទីប្រឹក្សាការិយាល័យប្រធានាធិបតីអ៊ុយក្រែនបាននិយាយថា លោក Zelensky នឹងមិនជួបនរណាម្នាក់ឡើយ។ប៉ុន្តែលោកPutinដែលជាសញ្ញាបង្ហាញពីការបដិសេធរបស់គៀវក្នុងការចរចាដោយប្រយោលស្របច្បាប់។

នៅទីក្រុងម៉ូស្គូ អ្នកនាំពាក្យវិមានក្រឹមឡាំង លោក Dmitry Peskov បានបញ្ជាក់ថារុស្ស៊ីគ្រោងនឹងបញ្ជូនគណៈប្រតិភូទៅកាន់ទីក្រុងតួគី។ប៉ុន្តែបានបដិសេធមិនបញ្ចេញឈ្មោះអ្នកចូលរួម។លោកPeskovបានប្រាប់អ្នកសារព័ត៌មានក្នុងសន្និសីទសារព័ត៌មានមួយកាលពីថ្ងៃទី១៣ឧសភាថា"នៅពេលដែលប្រធានាធិបតីយល់ថាវាចាំបាច់យើងនឹងប្រកាស" ។លោក Zelenskyគ្រោងនឹងជួបជាមួយប្រធានាធិបតីតួកគី Recep Tayyip Erdogan ក្នុងទីក្រុងអង់ការ៉ានៅថ្ងៃទី១៥ខែឧសភា។ ប្រសិនបើប្រធានាធិបតីរុស្ស៊ីលោក Putinយល់ព្រមចូលរួមក្នុងការចរចានោះលោកនិងសមភាគីអ៊ុយក្រែននឹងធ្វើដំណើរទៅកាន់ទីក្រុងអ៊ីស្តង់ប៊ុលសម្រាប់ជំនួបទល់មុខគ្នាជាលើកដំបូងចាប់តាំងពីឆ្នាំ២០១៩នៅពេលដែលមេដឹកនាំទាំងពីរបានជួបគ្នាចុងក្រោយនៅទីក្រុងប៉ារីស។

ប្រធានាធិបតីអ៊ុយក្រែន Volodymyr Zelensky ។ រូបថត៖ EFE/EPA

ប្រធានាធិបតី​អ៊ុយក្រែន​បាន​ប្ដេជ្ញា​ថា​នឹង​មិន​ផ្តល់​ហេតុផល​ដល់​សមភាគី​រុស្ស៊ី​លោក​Putin ​ដើម្បី​ចៀសវាង​ការ​សន្ទនា​ផ្ទាល់។ក្រុងគៀវសង្ឃឹមថា ប្រសិនបើកិច្ចប្រជុំនេះប្រព្រឹត្តទៅលោក​Putinនឹងយល់ព្រមលើបទឈប់បាញ់ ដោយបើកផ្លូវសម្រាប់កិច្ចពិភាក្សាលម្អិតបន្ថែមទៀត។អ៊ុយក្រែននិងរុស្ស៊ីមិនបានជួបចរចាសន្តិភាពដោយផ្ទាល់ទេចាប់តាំងពីកិច្ចចរចាបរាជ័យនៅទីក្រុងអ៊ីស្តង់ប៊ុលក្នុងឆ្នាំ២០២២។កាលពីចុងសប្តាហ៍មុនប្រធានាធិបតីPutinបានបដិសេធមិនបន្តបទឈប់បាញ់ជាឯកតោភាគីរយៈពេលខ្លីដែលប្រទេសនេះបានអំពាវនាវឱ្យប្រារព្ធខួបលើកទី៨០នៃជ័យជំនះសូវៀតក្នុងសង្គ្រាមលោកលើកទី២។ ទោះជាយ៉ាងណាក៏ដោយមេដឹកនាំវិមានក្រឹមឡាំងបានបង្ហាញពីបំណងចង់ចរចាដោយផ្ទាល់ជាមួយអ៊ុយក្រែននៅទីក្រុងអ៊ីស្តង់ប៊ុលនៅថ្ងៃទី១៥ខែឧសភា ដែលបណ្តាលឱ្យប្រធានាធិបតី Zelensky "ប្រកួតប្រជែង" ឱ្យលោកជួបដោយផ្ទាល់៕ពុតសាម៉ាត់