ឥណ្ឌាសរ​សើរS-400 របស់រុស្ស៊ី'នាគភ្លើង'ក្នុងជ​ម្លោះជាមួយប៉ា​គីស្ថាន

នាយករដ្ឋមន្ត្រីឥណ្ឌាNarendraModiបានសរសើរពីភាពខ្លាំងនៃសមត្ថភាពការពារដែនអាកាសរបស់ប្រទេសលោក។ជាពិសេសប្រព័ន្ធមីស៊ីលពីដីទៅអាកាសចល័ត S-400 ដែលផលិតដោយរុស្ស៊ីដែលមានរហស្សនាមថា "នាគភ្លើង"។

ថ្លែងទៅកាន់កងទ័ពនៅឯមូលដ្ឋានទ័ពអាកាសAdampurនៅភាគពាយ័ព្យប្រទេសឥណ្ឌាកាលពីថ្ងៃទី១៣ខែឧសភា នាយករដ្ឋមន្ត្រី Modi បាននិយាយថា ប្រតិបត្តិការយោធានាពេលថ្មីៗនេះរបស់ឥណ្ឌាប្រឆាំងនឹងប៉ាគីស្ថានដែលមានរហស្សនាមថា"OperationSindoor"គឺជាការរួមបញ្ចូលគ្នានៃកម្លាំងមនុស្សដែលត្រូវបានបណ្តុះបណ្តាលយ៉ាងល្អនិងបច្ចេកវិទ្យាសមស្របដែលជួយកងកម្លាំងប្រដាប់អាវុធដំណើរការប្រកបដោយប្រសិទ្ធភាព។ទីភ្នាក់ងារសារព័ត៌មានRTបានដកស្រង់សម្តីលោក Modi ដែលកំពុងឈរនៅពីមុខប្រព័ន្ធការពារដែនអាកាស S-400 ដែលផលិតដោយរុស្ស៊ីថា"វេទិកាដូចជា S-400 បានផ្តល់កម្លាំងដែលមិនធ្លាប់មានពីមុនមកដល់ប្រទេស។កាលពីថ្ងៃទី៧ខែឧសភា ទីក្រុងញូវដែលីបានចាប់ផ្តើមប្រតិបត្តិការSindoorជាមួយនឹងការវាយប្រហារដោយមីស៊ីលជាបន្តបន្ទាប់ទៅលើទីតាំងយោធាដែលសង្ស័យនៅក្នុងប្រទេសប៉ាគីស្ថាននិងតំបន់ Kashmir ដែលគ្រប់គ្រងដោយទីក្រុង Islamabad ។ សកម្មភាពរបស់ឥណ្ឌាគឺដើម្បីឆ្លើយតបទៅនឹងការវាយប្រហារភេរវកម្មកាលពីខែមេសា ដែលបានសម្លាប់អ្នកទេសចរ២៦នាក់នៅ Pahalgam ក្នុងតំបន់ជម្លោះកាស្មៀរ រវាងឥណ្ឌា និងប៉ាគីស្ថាន។

នាយករដ្ឋមន្ត្រីឥណ្ឌា Narendra Modi នៅមូលដ្ឋានទ័ពអាកាស Adampur។ រូបថត៖ X/narendramodi

ប៉ាគីស្ថាន​បាន​ឆ្លើយតប​ដោយ​ការ​វាយ​ប្រហារ​មូលដ្ឋាន​ទ័ព​អាកាស​ឥណ្ឌា រួម​ទាំង​ក្រុង Adampur ជា​កន្លែង​ដែល​ប្រព័ន្ធ S-400 ត្រូវ​បាន​ដំឡើង។មូលដ្ឋាន Adampur ត្រូវបានគេរាយការណ៍ថាបានវាយប្រហារដោយប៉ាគីស្ថានកាលពីថ្ងៃទី ១០ខែឧសភា។នៅពេលនោះប៉ុស្តិ៍Vរបស់ប៉ាគីស្ថានបានរាយការណ៍ថាយន្តហោះចម្បាំងJF-17 របស់ប្រទេសនេះបានបាញ់មីស៊ីលលឿនជាងសំឡេងដែលបានបំផ្លាញមូលដ្ឋានរបស់ឥណ្ឌារួមទាំង S-400 "នាគភ្លើង" ។ទោះជាយ៉ាងណាក៏ដោយ មន្ត្រីយោធាឥណ្ឌាបានបដិសេធព័ត៌មាននេះភ្លាមៗ។អ្នកវិភាគការពារជាតិបានសរសើរការសម្រេចចិត្តរបស់រដ្ឋាភិបាលឥណ្ឌាក្នុងការទិញ S-400 ដោយនិយាយថា បរិក្ខារបានបន្សាបការវាយប្រហារដោយជោគជ័យពីប៉ាគីស្ថាន។ឥណ្ឌាបានទិញ S-400 ពីរុស្ស៊ីក្នុងឆ្នាំ២០១៦ក្នុងតម្លៃ៥.៤ពាន់លានដុល្លារ បើទោះបីជាមានការគំរាមកំហែងពីការដាក់ទណ្ឌកម្មរបស់សហរដ្ឋអាមេរិកក៏ដោយ។ក្នុងអំឡុងពេលទស្សនកិច្ចរបស់ប្រធានាធិបតីរុស្ស៊ី លោកVladimir Putin ទៅកាន់ប្រទេសឥណ្ឌាក្នុងឆ្នាំ២០២១ទីក្រុងញូវដែលីបានបញ្ជាក់ពីការបញ្ជូនប្រព័ន្ធ S-400 ចំនួន៥។កាសែត India Today បានដកស្រង់ព័ត៌មានពីក្រសួងការពារជាតិឥណ្ឌាថា បន្ទាប់ពី S-400 បានបង្ហាញសមត្ថភាពរបស់ខ្លួនក្នុងប្រតិបត្តិការ Sindoor ទីក្រុងញូវដែលីបានស្នើជាផ្លូវការឱ្យរុស្ស៊ីទិញប្រព័ន្ធការពារដែនអាកាសនេះបន្ថែមទៀត។ទន្ទឹមនឹងនោះ រុស្ស៊ីបានស្នើឱ្យផលិតប្រព័ន្ធមីស៊ីលការពារដែនអាកាស S-500 ជំនាន់ថ្មីរួមគ្នាជាមួយឥណ្ឌា។ S-500 មានចំងាយ 600km ឆ្ងាយជាង 400km នៃ S-400។ លើសពីនេះ S-500 អាច​បាញ់​មី​ស៊ី​ល​ក្នុង​រយៈ​កម្ពស់​រហូតដល់​២០០​គីឡូម៉ែត្រ ខណៈ S-400 មាន​ចម្ងាយ​៣០​គីឡូម៉ែត្រ​៕ពុតសាម៉ាត់