ប្រធានាធិបតីចិនលោក Xi Jinping បានទៅដល់រដ្ឋធានីម៉ូស្គូរបស់រុស្ស៊ី ដើម្បីចូលរួមក្នុងពិធីព្យុហយាត្រាយោធារំលឹកខួបលើកទី៨០នៃជ័យជម្នះលើពួកណាស៊ីអាល្លឺម៉ង់ក្នុងសង្រ្គាមលោកលើកទី២(៩ ឧសភា)តបតាមការអញ្ជើញរបស់ប្រធានាធិបតីរុស្ស៊ី លោក Vladimir Putin។
យោងតាម Global Times ប្រធានាធិបតីចិនលោក Xi Jinping បានចុះចតនៅអាកាសយានដ្ឋាន Vnukovo ក្នុងទីក្រុងមូស្គូកាលពីថ្ងៃទី៧ខែឧសភា។ នៅទីនេះ លោក Xi ត្រូវបានស្វាគមន៍ដោយឧបនាយករដ្ឋមន្ត្រីរុស្ស៊ីTatyana Golikovaនិងឆ្មាំកិត្តិយស។"ចិននិងរុស្ស៊ីបានរកឃើញផ្លូវត្រឹមត្រូវសម្រាប់កិច្ចសហប្រតិបត្តិការរវាងប្រទេសទាំងពីរ។ យើងតែងតែរក្សាបាននូវទំនាក់ទំនងមិត្តភាពជាអ្នកជិតខាងដ៏យូរអង្វែង ការសម្របសម្រួលជាយុទ្ធសាស្ត្រគ្រប់ជ្រុងជ្រោយនិងកិច្ចសហប្រតិបត្តិការដែលផ្តល់ផលប្រយោជន៍ទៅវិញទៅមក។
 |
| ប្រធានាធិបតីចិន ស៊ី ជីនពីង ត្រូវបានស្វាគមន៍ដោយឆ្មាំកិត្តិយសរុស្ស៊ី។ រូបថត៖Xinhua |
សេចក្តីថ្លែងការណ៍ពីទីក្រុងប៉េកាំងបាននិយាយថាលោកXiបានមកប្រទេសរុស្ស៊ីដើម្បីចូលរួមក្បួនដង្ហែរអបអរសាទរខួបលើកទី៨០នៃទិវាជ័យជំនះហើយនឹងជួបពិភាក្សាជាមួយប្រធានាធិបតីរុស្ស៊ីលោកPutin។មេដឹកនាំទាំងពីរត្រូវបានគេរំពឹងថានឹងពិភាក្សាអំពីវិសាលភាពនៃភាពជាដៃគូគ្រប់ជ្រុងជ្រោយនិងកិច្ចសហប្រតិបត្តិការយុទ្ធសាស្ត្ររវាងប្រទេសទាំងពីរ។ក្បួនដង្ហែរទិវាជ័យជំនះនឹងប្រព្រឹត្តទៅនៅទីលានក្រហមនៅថ្ងៃទី៩ឧសភាដោយមានការចូលរួមពីមេដឹកនាំពិភពលោកចំនួន២៩នាក់។ ចិនក៏បានបញ្ជូនទាហាន១០២នាក់ទៅដើរដង្ហែក្នុងព្រឹត្តិការណ៍នោះដែរ។នេះជាចំនួនទាហានបរទេសច្រើនជាងគេក្នុងចំណោមប្រទេសទាំង១៣ ដែលបញ្ជូនគណៈប្រតិភូទៅចូលរួមក្នុងការដង្ហែក្បួនជាមួយកងកម្លាំងប្រដាប់អាវុធរុស្ស៊ី។អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បានពណ៌នាដំណើរទស្សនកិច្ចរបស់លោកXiថាជា"ព្រឹត្តិការណ៍សំខាន់សម្រាប់ទំនាក់ទំនងការទូតរវាងរុស្ស៊ីនិងចិននៅឆ្នាំនេះ"៕ពុតសាម៉ាត់
/unnamed.png
Post a Comment