អ៊ីស្រាអែល​​វាយប្រហារ​គោលដៅ​ក្បែរ​វិមា​ន​ប្រធានាធិ​បតី​ស៊ីរី

នាព្រឹកថ្ងៃទី២ឧសភានាយករដ្ឋមន្ត្រីអ៊ីស្រាអែល Benjamin Netanyahu បាននិយាយថាអ៊ីស្រាអែលបានវាយប្រហារគោលដៅមួយនៅជិតវិមានប្រធានាធិបតីស៊ីរីក្នុងរដ្ឋធានីDamascusដោយបានអះអាងពីការប្តេជ្ញារបស់ខ្លួនដើម្បីការពារសមាជិកនៃសហគមន៍Druze ។យោងតាម ​​Reuters នេះគឺជាលើកទីពីរហើយដែលអ៊ីស្រាអែលវាយប្រហារស៊ីរីក្នុងរយៈពេលជាច្រើនថ្ងៃដើម្បីបំពេញការសន្យារបស់ខ្លួនក្នុងការការពារជនជាតិភាគតិច Druze(ក្រុមមនុស្សដែលមានជំនឿមកពីសាសនាអ៊ីស្លាមដែលមានអ្នកដើរតាមជាច្រើននៅក្នុងប្រទេសស៊ីរី លីបង់ និងអ៊ីស្រាអែល)។យោធាអ៊ីស្រាអែល តាមសេចក្តីរាយការណ៍ បានវាយប្រហារតំបន់មួយនៅជិតវិមាន Ahmed Hussein al-Sharaa ក្នុងទីក្រុង Damascus ប្រទេសស៊ីរី ។ប៉ុន្តែមិនបានបញ្ជាក់ពីគោលដៅនៅទីនោះទេ។

នាយករដ្ឋមន្ត្រីអ៊ីស្រាអែល Benjamin Netanyahu ។ រូបថត៖ TIMES OF ISRAEL

«អ៊ីស្រាអែល​បាន​វាយ​ប្រហារ​យប់​មិញ​នៅ​ជិត​វិមាន​ប្រធានាធិបតី​ស៊ីរី​ក្នុង​ក្រុងDamascus

លោកNetanyahuបាននិយាយនៅក្នុងសេចក្តីថ្លែងការណ៍រួមមួយជាមួយរដ្ឋមន្ត្រីការពារជាតិអ៊ីស្រាអែលថា"នេះគឺជាសារច្បាស់លាស់មួយទៅកាន់ប្រទេសស៊ីរី៖យើងនឹងមិនអនុញ្ញាតឱ្យកងកម្លាំងនេះដាក់ពង្រាយភាគខាងត្បូងនៃទីក្រុង Damascus ឬបង្កការគំរាមកំហែងណាមួយដល់សហគមន៍ Druze" ។ចាប់តាំងពីការផ្តួលរំលំអតីតប្រធានាធិបតី Bashar al-Assad ក្នុងខែធ្នូឆ្នាំ២០២៤អ៊ីស្រាអែលបានប្រកាសកាន់កាប់ទឹកដីរបស់ខ្លួននៅភាគនិរតី ខណៈដែលបញ្ជាក់ថា ខ្លួននឹងការពារ Druze ។អ៊ីស្រាអែល​បាន​បញ្ចុះបញ្ចូល​ក្រុង​វ៉ាស៊ីនតោន​ឱ្យ​បំផ្លាញ​អាវុធ​ធុន​ធ្ងន់​ជាច្រើន​របស់​កងទ័ព​ស៊ីរី​នៅ​ប៉ុន្មាន​ថ្ងៃ​បន្ទាប់​ពី​លោក Bashar al-Assad ត្រូវ​បាន​ផ្ដួលរំលំ។នៅព្រឹកព្រលឹមថ្ងៃទី២៩ខែមេសា ការប៉ះទង្គិចគ្នាផ្នែកនិកាយនៅក្នុងតំបន់នេះរវាងខ្មាន់កាំភ្លើង Druze និង Sunnis ក្នុងតំបន់ Jaramana បានផ្ទុះឡើង បន្ទាប់ពីពួក Sunnis សង្ស័យថាការថតសំឡេងដាក់បណ្តាសាព្យាការី Mohammad ត្រូវបានធ្វើឡើងដោយ Druze ។អំពើហិង្សាបន្ទាប់មកបានបន្តរីករាលដាលដល់ទីប្រជុំជន Sahnaya ជាយក្រុង Damascus ដែលជាកន្លែងមានប្រជាជន Druze ជាច្រើនរស់នៅកាលពីថ្ងៃទី៣០ខែមេសា។ មនុស្សជាងរាប់សិបនាក់ត្រូវបានរាយការណ៍ថាបានស្លាប់នៅក្នុងការប៉ះទង្គិចគ្នា។នេះបើយោងតាម ​​Reuters ៕ពុតសាម៉ាត់