កិច្ចពិភា​ក្សាផ្លូវកា​ររវាងអាមេរិ​កនិងចិនចំពេល​មាន​សង្គ្រាមពាណិជ្ជកម្មកើ​នឡើង

ព្រឹត្តិការណ៍៖លោកTrumpបើកការវាយប្រហារពន្ធលើពិភពលោកទាំងមូល

មន្ត្រីអាមេរិកនិងចិននឹងជួបប្រជុំគ្នានៅចុងសប្តាហ៍នេះសម្រាប់កិច្ចពិភាក្សាកម្រិតខ្ពស់លើកដំបូងដែលមានគោលបំណងលុបបំបាត់សង្គ្រាមពាណិជ្ជកម្មដែលកំពុងកើនឡើងរវាងភាគីទាំងពីរ។

យោងតាមកាសែត WashingtonPostក្រសួងរតនាគារសហរដ្ឋអាមេរិកបានប្រកាសនៅល្ងាចថ្ងៃទី៦ឧសភាថាអ្នកចរចាពាណិជ្ជកម្មចិននឹងជួបជាមួយរដ្ឋមន្ត្រីក្រសួងរតនាគារសហរដ្ឋអាមេរិក Scott Bessent និងតំណាងពាណិជ្ជកម្មអាមេរិក Jamieson Greer នៅប្រទេសស្វីសនៅចុងសប្តាហ៍នេះ។ ក្រសួងពាណិជ្ជកម្មចិនបានបញ្ជាក់នៅថ្ងៃនេះ(៧ឧសភា)ថាឧបនាយករដ្ឋមន្ត្រី He Lifeng នឹងចូលរួមការចរចានៅទីក្រុងហ្សឺណែវ ប្រទេសស្វីស។

កិច្ចប្រជុំនេះធ្វើឡើងក្នុងបរិបទដែលទាំងអាមេរិក និងចិនមានអារម្មណ៍ថា ផលប៉ះពាល់នៃពន្ធគយគឺខ្លាំងពេកដែលស្មើនឹងការហាមឃាត់។ដូច្នេះពួកគេបានបន្ទន់ជំហររបស់ពួកគេក្នុងរយៈពេលប៉ុន្មានថ្ងៃថ្មីៗនេះ។ក្រសួងពាណិជ្ជកម្មចិនបាននិយាយនៅក្នុងសេចក្តីថ្លែងការណ៍មួយថា "ដោយផ្អែកលើមូលដ្ឋាននៃការពិចារណាយ៉ាងពេញលេញនូវការរំពឹងទុកជាសកលផលប្រយោជន៍របស់ប្រទេសចិននិងការអំពាវនាវរបស់អ្នកប្រើប្រាស់និងឧស្សាហកម្មរបស់សហរដ្ឋអាមេរិកទីក្រុងប៉េកាំងបានសម្រេចចិត្តឱ្យមានការសន្ទនាជាមួយទីក្រុងវ៉ាស៊ីនតោន"។ខាងអាមេរិក រដ្ឋមន្ត្រីហិរញ្ញវត្ថុ Bessent បាននិយាយថាទីក្រុងប៉េកាំង និងវ៉ាស៊ីនតោននឹងជួបប្រជុំគ្នានៅថ្ងៃទី១០និង១១ឧសភា ដើម្បីពិភាក្សាអំពីផលប្រយោជន៍រួមព្រោះភាគីទាំងពីរចង់បានពាណិជ្ជកម្មដោយស្មើភាព។ទីក្រុងប៉េកាំងនៅតែប្រកាន់ខ្ជាប់យ៉ាងខ្ជាប់ខ្ជួនក្នុងការបដិសេធមិនទទួលយកបន្ទាប់ពីប្រធានាធិបតីអាមេរិកលោក Donald Trump បានដាក់ពន្ធអប្បបរមាចំនួន១៤៥%លើទំនិញដែលនាំចូលពីប្រទេសចិន។ រដ្ឋាភិបាលចិនបានឆ្លើយតបជាមួយនឹងពន្ធទូទាត់១២៥% លើទំនិញទាំងអស់ដែលនាំចូលពីសហរដ្ឋអាមេរិកនិងការរឹតបន្តឹងលើការនាំចេញវត្ថុធាតុដើមសំខាន់ៗ។មន្ត្រីចិនបានប្តេជ្ញាម្តងហើយម្តងទៀតថានឹងប្រយុទ្ធដល់ទីបញ្ចប់ហើយបានអំពាវនាវឱ្យសហរដ្ឋអាមេរិកដកពន្ធទាំងអស់មុនពេលកិច្ចចរចាអាចចាប់ផ្តើម។ទោះជាយ៉ាងណាក៏ដោយ ជំហររបស់ទីក្រុងប៉េកាំងបានធូរស្រាលនាពេលថ្មីៗនេះ បន្ទាប់ពីលោក Trumpបានបង្ហាញក្តីសង្ឃឹមក្នុងការឈានដល់កិច្ចព្រមព្រៀងជាមួយប្រធានាធិបតីចិន Xi Jinping ។ក្រសួងពាណិជ្ជកម្មចិនបានសង្កត់ធ្ងន់ថា "ទោះបីជាកំពុងប្រយុទ្ធឬចរចាក៏ដោយការប្តេជ្ញាចិត្តរបស់ចិនដើម្បីការពារផលប្រយោជន៍អភិវឌ្ឍន៍របស់ខ្លួននិងយុត្តិធម៌អន្តរជាតិនឹងមិនផ្លាស់ប្តូរទេ។ ប្រសិនបើសហរដ្ឋអាមេរិកចង់ដោះស្រាយបញ្ហាតាមរយៈការចរចា វានឹងប្រឈមមុខនឹងផលប៉ះពាល់អវិជ្ជមានយ៉ាងធ្ងន់ធ្ងរនៃវិធានការពន្ធឯកតោភាគីចំពោះខ្លួនឯងនិងពិភពលោក"៕ពុតសាម៉ាត់