ធ្វើការ​ជាមួយវៀ​ត​ណាមលើពន្ធដា​​រតើរដ្ឋមន្ត្រីពាណិជ្ជកម្មអាមេរិកបា​​ននិ​យាយអ្វីខ្លះ?

រដ្ឋមន្ត្រីNguyen Hong Dien និងរដ្ឋមន្ត្រីក្រសួងពាណិជ្ជកម្មអាមេរិកបានឯកភាពបន្តជំរុញកិច្ចសន្ទនាបច្ចេកទេសនិងរក្សាការផ្លាស់ប្តូរកម្រិតខ្ពស់ដើម្បីសម្រេចបាននូវវឌ្ឍនភាពសំខាន់ៗក្នុងពេលចរចារពន្ធគយ។នាថ្ងៃទី ២២ ឧសភា នៅទីក្រុង Washington DC រដ្ឋមន្ត្រីក្រសួងឧស្សាហកម្មនិងពាណិជ្ជកម្ម ប្រធានគណៈប្រតិភូចរចាររដ្ឋាភិបាល លោក Nguyen Hong Dien បានជួបពិភាក្សាការងារជាមួយរដ្ឋមន្ត្រីក្រសួងពាណិជ្ជកម្មអាមេរិក Howard Lutnick ដើម្បីជំរុញកិច្ចសហប្រតិបត្តិការសេដ្ឋកិច្ចនិងពាណិជ្ជកម្មទ្វេភាគី ព្រមទាំងពិភាក្សាអំពីដំណើរការចរចានៃកិច្ចព្រមព្រៀងពាណិជ្ជកម្មទៅវិញទៅមករវាងប្រទេសទាំងពីរ។នៅក្នុងជំនួបនេះ លោករដ្ឋមន្ត្រី Nguyen Hong Dien បានអះអាងថាវៀតណាមមានតម្រូវការដ៏ធំនិងស្ថិរភាពសម្រាប់ផលិតផល បរិក្ខារ និងសេវាកម្មរបស់អាមេរិក។ជាពិសេសលើវិស័យបច្ចេកវិទ្យា និងថាមពលខ្ពស់។

វៀតណាមប្តេជ្ញាលើកកម្ពស់បរិយាកាសពាណិជ្ជកម្មប្រកបដោយតម្លាភាព និងមានសុខភាពល្អហើយត្រៀមខ្លួនជាស្រេចក្នុងការពង្រឹងការសម្របសម្រួលជាមួយសហរដ្ឋអាមេរិកក្នុងការទប់ស្កាត់ការក្លែងបន្លំពាណិជ្ជកម្មការក្លែងបន្លំប្រភពដើមនិងការផ្ទេរទំនិញខុសច្បាប់។ជាមួយនឹងការតម្រង់ទិសក្លាយជាប្រទេសអភិវឌ្ឍន៍ដែលមានប្រាក់ចំណូលខ្ពស់នៅឆ្នាំ២០៣៥វៀតណាមកំណត់ថាសហរដ្ឋអាមេរិកជាដៃគូយុទ្ធសាស្ត្រឈានមុខគេមួយហើយមានបំណងចង់ជំរុញទំនាក់ទំនងសេដ្ឋកិច្ចនិងពាណិជ្ជកម្មក្នុងទិសដៅប្រកបដោយតុល្យភាពនិរន្តរភាព និងផលប្រយោជន៍ទៅវិញទៅមក។រដ្ឋមន្ត្រី Nguyen Hong Dien បានស្នើថា សហរដ្ឋអាមេរិកនិងវៀតណាមធ្វើការរួមគ្នាដើម្បីដោះស្រាយបញ្ហាសេដ្ឋកិច្ច និងពាណិជ្ជកម្មនាពេលបច្ចុប្បន្នទទួលស្គាល់វៀតណាមជាសេដ្ឋកិច្ចទីផ្សារភ្លាមៗ ហើយដកវៀតណាមចេញពីបញ្ជី D1 និង D3 ដែលជាក្រុមដែលអនុវត្តការរឹតបន្តឹងលើការនាំចេញបច្ចេកវិទ្យាខ្ពស់ទៅកាន់វៀតណាម។យោងតាមលោកនេះនឹងរួមចំណែកក្នុងការនាំមកនូវផលប្រយោជន៍ជាក់ស្តែងដល់ប្រទេសទាំងពីរនិងការកែលម្អសមតុល្យពាណិជ្ជកម្មក្នុងទិសដៅប្រកបដោយយុត្តិធម៌ សុខដុមរមនា និងនិរន្តរភាព។

រដ្ឋមន្ត្រីក្រសួងឧស្សាហកម្ម និងពាណិជ្ជកម្ម ប្រធានគណៈប្រតិភូចរចាររដ្ឋាភិបាល លោក Nguyen Hong Dien បានជួបពិភាក្សាការងារជាមួយរដ្ឋមន្ត្រីក្រសួងពាណិជ្ជកម្មអាមេរិក Howard Lutnick។

រដ្ឋមន្ត្រីក្រសួងពាណិជ្ជកម្មអាមេរិកលោក Howard Lutnick បានវាយតំលៃខ្ពស់ចំពោះការខិតខំប្រឹងប្រែងនិងសុច្ឆន្ទៈរបស់វៀតណាមក្នុងការចរចាកិច្ចព្រមព្រៀងទ្វេភាគីស្តីពីពាណិជ្ជកម្មទៅវិញទៅមក។លោកបានស្វាគមន៍ចំពោះការបង្កើនកិច្ចសហប្រតិបត្តិការរបស់ប្រទេសទាំងពីរក្នុងវិស័យបច្ចេកវិទ្យាខ្ពស់និងតម្លៃបន្ថែម។លោករដ្ឋមន្ត្រី Howard Lutnick បានអះអាងថាវៀតណាមជាទីផ្សារសំខាន់ និងទាក់ទាញសម្រាប់អាជីវកម្មអាមេរិក ហើយសង្ឃឹមថា វៀតណាមនឹងបន្តសម្របសម្រួលគម្រោងវិនិយោគរបស់អាមេរិក រួមចំណែកពង្រីកទំហំពាណិជ្ជកម្មទ្វេភាគី។ជាពិសេសជំរុញការបង្កើនការនាំចូលទំនិញពីអាមេរិកទៅកាន់វៀតណាម។ភាគីទាំងពីរបានឯកភាពបន្តជំរុញកិច្ចសន្ទនាបច្ចេកទេសនិងរក្សាការផ្លាស់ប្តូរកម្រិតខ្ពស់ដើម្បីសម្រេចបាននូវវឌ្ឍនភាពសំខាន់ៗក្នុងពេលចរចាឆ្ពោះទៅការកសាងក្របខ័ណ្ឌកិច្ចសហប្រតិបត្តិការសេដ្ឋកិច្ច និងពាណិជ្ជកម្មប្រកបដោយស្ថិរភាព និងយូរអង្វែង។មុននោះ នាថ្ងៃទី ២១ ឧសភា រដ្ឋមន្ត្រី Nguyen Hong Dien បានជួបពិភាក្សាការងារជាមួយសមាជិកព្រឹទ្ធសភា Ted Cruz ប្រធានគណៈកម្មាធិការពាណិជ្ជកម្មព្រឹទ្ធសភានិងសមាជិកព្រឹទ្ធសភា Steve Daines សមាជិកគណៈកម្មាធិការហិរញ្ញវត្ថុ និងកិច្ចការបរទេសព្រឹទ្ធសភា។ក្នុងជំនួបពិភាក្សាការងារ លោករដ្ឋមន្ត្រី Nguyen Hong Dien បានចាត់ទុកថា វៀតណាមជានិច្ចកាលបង្កើតលក្ខខណ្ឌអំណោយផលសម្រាប់អង្គភាពអាជីវកម្មអាមេរិកវិនិយោគនិងធ្វើអាជីវកម្មប្រកបដោយប្រសិទ្ធភាពព្រមទាំងស្នើឲ្យអាមេរិកចាត់ទុកវៀតណាមជាដៃគូពាណិជ្ជកម្មអាទិភាពក្នុងបរិបទដែលប្រទេសទាំងពីរបានលើកកំពស់ទំនាក់ទំនងជាផ្លូវការដល់កម្រិតដៃគូយុទ្ធសាស្ត្រគ្រប់ជ្រុងជ្រោយ។អំពីដំណើរការចរចាពាណិជ្ជកម្មទ្វេភាគី លោករដ្ឋមន្ត្រីបានអះអាងថា វៀតណាមត្រៀមខ្លួនជាស្រេចក្នុងការសម្របសម្រួលយ៉ាងជិតស្និទ្ធជាមួយភាគីអាមេរិកឆ្ពោះទៅរកកិច្ចព្រមព្រៀងពាណិជ្ជកម្មដោយឈរលើគោលការណ៍គោរពអធិបតេយ្យភាព តុល្យភាពផលប្រយោជន៍ស្របតាមការប្តេជ្ញាចិត្តអន្តរជាតិ និងកម្រិតអភិវឌ្ឍន៍របស់ភាគីនីមួយៗ។លោក​ក៏​បាន​ស្នើ​ឲ្យ​សមាជិក​ព្រឹទ្ធសភា​គាំទ្រនិង​លើក​កម្ពស់​ដំណើរការ​នេះ។នៅខាងអាមេរិក សមាជិកព្រឹទ្ធសភាបានវាយតម្លៃខ្ពស់ចំពោះសក្ដានុពលអភិវឌ្ឍន៍នៃទីផ្សារវៀតណាមជាពិសេសក្នុងវិស័យឧស្សាហកម្ម ថាមពល បច្ចេកវិទ្យាខ្ពស់ និងសេដ្ឋកិច្ចឌីជីថល។សមាជិកព្រឹទ្ធសភាបាននិយាយថាធុរកិច្ចអាមេរិកធំៗជាច្រើនកំពុងអនុវត្តតាមគោលនយោបាយនិងបរិយាកាសវិនិយោគរបស់វៀតណាមយ៉ាងជិតស្និទ្ធហើយបានបង្ហាញពីបំណងចង់ពង្រីកសកម្មភាពអាជីវកម្មរបស់ពួកគេនិងធ្វើការវិនិយោគរយៈពេលវែងនៅក្នុងទីផ្សារយុទ្ធសាស្ត្រនេះនៅក្នុងតំបន់អាស៊ីប៉ាស៊ីហ្វិក។ភាគីទាំងពីររំពឹងថាទំនាក់ទំនងកិច្ចសហប្រតិបត្តិការលើគ្រប់ជ្រុងជ្រោយរវាងវៀតណាមនិងសហរដ្ឋអាមេរិកនឹងបន្តត្រូវបានពង្រឹង និងអភិវឌ្ឍន៍ ជាពិសេសក្នុងបរិបទនៃសេដ្ឋកិច្ចពិភពលោករៀបចំរចនាសម្ព័ន្ធឡើងវិញយ៉ាងរឹងមាំនូវសង្វាក់ផ្គត់ផ្គង់និងពង្រីកទៅកាន់ទីផ្សារនិងស្ថិរភាពដូចវៀតណាម៕ពុតសាម៉ាត់