ចក្រភ​ពអង់​គ្លេសនិងសហ​ភាពអឺរ៉ុប​ដាក់ទណ្ឌកម្មថ្មីចំនួន១០​០លើរុស្ស៊ី

ព្រឹត្តិការណ៍៖ស្ថានភាពសង្គ្រាមរុស្ស៊ី-អ៊ុយក្រែន

ទណ្ឌកម្មថ្មីពីសហភាពអឺរ៉ុប(EU)និងចក្រភពអង់គ្លេសនឹងកំណត់គោលដៅនៃខ្សែសង្វាក់ផ្គត់ផ្គង់អាវុធរបស់រុស្ស៊ីប្រតិបត្តិការឃោសនាដែលឧបត្ថម្ភដោយទីក្រុងម៉ូស្គូស្ថាប័នហិរញ្ញវត្ថុ និង"កងនាវាស្រមោល"របស់ខ្លួន។

យោងតាមទីភ្នាក់ងារសារព័ត៌មាន Tass និង Sky News ចក្រភពអង់គ្លេសនិងសហភាពអឺរ៉ុបបានដាក់ទណ្ឌកម្មថ្មីសរុបចំនួន១០០ លើប្រទេសរុស្ស៊ីបន្ទាប់ពីទីក្រុងម៉ូស្គូបានបដិសេធមិនផ្តល់ពេលវេលាជាក់លាក់សម្រាប់ការចរចាបទឈប់បាញ់ជាមួយអ៊ុយក្រែន។

វិធានការថ្មីនេះនឹងកំណត់គោលដៅបុគ្គលនិងនីតិបុគ្គលរបស់រុស្ស៊ីចំនួន៨២នាក់ នាវាចំនួន១៨គ្រឿងដែលត្រូវបានចោទប្រកាន់ថាបានភ្ជាប់ជាមួយ"កងនាវាខ្មៅ" របស់ទីក្រុងម៉ូស្គូដែលជាស្ថាប័នហិរញ្ញវត្ថុដែលត្រូវបានចោទប្រកាន់ថាបានជួយរុស្ស៊ីឱ្យគេចពីទណ្ឌកម្មនិងខ្សែសង្វាក់ផ្គត់ផ្គង់ប្រព័ន្ធសព្វាវុធដល់រុស្ស៊ី រួមទាំងមីស៊ីល Iskander ផងដែរ។ការិយាល័យការបរទេសអង់គ្លេសបានចោទប្រកាន់កងកម្លាំងរុស្ស៊ីថាបានបាញ់ម្តងហើយម្តងទៀតនូវមីស៊ីល Iskander នៅតំបន់ដែលមានប្រជាជន រួមទាំងឧប្បត្តិហេតុកាលពីថ្ងៃទី១៣ខែមេសានៅក្នុងតំបន់ Sumy របស់អ៊ុយក្រែនដែលបានសម្លាប់មនុស្ស៣៤នាក់។ប្រធានគណៈកម្មការអឺរ៉ុប Ursula von der Leyen បានប្រកាសថា កញ្ចប់ទណ្ឌកម្មទី១៨នៃសហភាពអឺរ៉ុបប្រឆាំងនឹងរុស្ស៊ីក៏ត្រូវបានដាក់ពង្រាយផងដែរ។ លោកស្រី Leyen បាននិយាយបន្ទាប់ពីកិច្ចសន្ទនាជាមួយប្រធានាធិបតីអ៊ុយក្រែនលោក Volodymyr Zelensky ថា"វាដល់ពេលដែលត្រូវបង្កើនសម្ពាធលើប្រទេសរុស្ស៊ី ដើម្បីសម្រេចបានបទឈប់បាញ់"។ទណ្ឌកម្មថ្មីត្រូវបានណែនាំដើម្បីបង្កើនសម្ពាធលើប្រធានាធិបតីរុស្ស៊ីលោកVladimirPutinបន្ទាប់ពីកងកម្លាំងម៉ូស្គូបានបាញ់បង្ហោះយន្តហោះគ្មានមនុស្សបើក (UAV) ចំនួន២៧៣គ្រឿងលើទីក្រុងអ៊ុយក្រែនកាលពីចុងសប្តាហ៍មុន ក្នុងការវាយប្រហារដោយយន្តហោះគ្មានមនុស្សបើកដ៏ធំបំផុតចាប់តាំងពីជម្លោះរវាងប្រទេសជិតខាងទាំងពីរបានផ្ទុះឡើងក្នុងខែកុម្ភៈ ឆ្នាំ២០២២។រដ្ឋមន្ត្រីការបរទេសអង់គ្លេសលោក David Lammy បាននិយាយថា "ចក្រភពអង់គ្លេសអំពាវនាវឱ្យរុស្ស៊ីយល់ព្រមលើបទឈប់បាញ់ភ្លាមៗ ពេញលេញ និងគ្មានលក្ខខណ្ឌ ដើម្បីចរចាសន្តិភាពដោយយុត្តិធម៌និងយូរអង្វែង៕ពុតសាម៉ាត់