នាយករដ្ឋមន្ត្រីស្នើអ្នកនយោបាយខ្មែរនិងថៃកុំលូកដៃចូលការងារបច្ចេកទេសរបស់រដ្ឋាភិបាល
សម្តេចធិបតី ហ៊ុន ម៉ាណែតនាយករដ្ឋមន្ត្រីនៃកម្ពុជា នៅក្នុងពីធីចែកសញ្ញាបត្រនិស្សិតនៃសកលវិទ្យាល័យអាស៊ី-អឺរ៉ុប នាព្រឹកថ្ងៃទី១៩ ខែកុម្ភៈ ឆ្នាំ២០២៥នេះបានផ្តាំទៅអ្នកនយោបាយខ្មែរ និងអ្នកនយោបាយថៃកុំយករឿងនយោបាយទៅលូកលាន់លើការងារបច្ចេកទេសដោះស្រាយបញ្ហាព្រំដែនដែលរដ្ឋាភិបាលកំពុងអនុវត្តលើគោលការណ៍បច្ចេកទេស ផែនទីនិងច្បាប់អន្តរជាតិ។
សម្តេចហ៊ុន ម៉ាណែត ចាត់ទុកការអនុវត្តការងារបច្ចេកទេសស្តីពីបញ្ហាព្រំដែននេះគឺជាការដោះស្រាយតាមសន្តិវិធី តែសម្តេចក៏លើកឡើងដែរថាកម្ពុជាក៏រក្សាសិទ្ធិការពារអធិបតេយ្យភាពនិងបូរណភាពទឹកដីរបស់ខ្លួនដោយមិនខ្លាចប្រើកម្លាំងប្រសិនបើមានអ្នកចូលមកឈ្លានពាន។ក្នុងឱកាសនេះដែរ សម្តេចនាយករដ្ឋមន្រ្ដី ហ៊ុន ម៉ាណែតបានចង្អុលមុខក្រុមប្រឆាំងនៅក្រៅប្រទេសថាកំពុងតែរុញស្ថានការណ៍ ឬបញ្ហាព្រំដែនឱ្យកាន់តែក្តៅ។ការណ៍នេះត្រូវបានសម្តេចហ៊ុន ម៉ាណែតរំព្ញកឡើងនូវព្រឹត្តិការណ៍ជម្លោះព្រំដែនកម្ពុជា-ថៃដែលចាប់ផ្ទុះឡើងកាលពីអំឡុងឆ្នាំ២០០៨។
 |
/unnamed.png
Post a Comment