កម្ពុជា​ផ្ដន្ទាទោ​ស​ជ​នបរទេ​ស​៣​នា​ក់​ឱ្យ​ជា​ប់ពន្ធនា​គារ​អស់មួយជីវិត​

កាលថ្ងៃអង្គារ​​តុលាការ​កម្ពុជា​បាន​សម្រេច​ផ្ដន្ទាទោស​ជនបរទេស៣នាក់​ដែល​មាន​ពីរ​ជាតិសាសន៍​ឱ្យ​ជាប់ពន្ធនាគារ​អស់មួយជីវិត​ពី​បទ​ជួញ​ដូរ​គ្រឿងញៀន​ខុសច្បាប់​មួយ​ចំនួន​ធំ។នេះ​បើ​យោង​តាម​សាលក្រម​។​

រូបតំណាង។សហការី

​W​a​sin​ S​a​e​ku​e​ ​អាយុ​ ​២​៥​ ​ឆ្នាំ​ ​និង​ S​a​e​l​i​ ​Chin​n​a​w​at​ ​អាយុ​ ​១​៩​ ​ឆ្នាំ​ ​អ្នក​ទាំងពីរ​ជា​បុរស​ជនជាតិ​ថៃ​​និង​បុរស​ជនជាតិ​ឡាវ​ ​ឈ្មោះ​ C​hen​g​ ​V​e​u​t​ ​អាយុ​៣​៦​​ឆ្នាំ​ ​ត្រូវ​បាន​ចាប់ខ្លួន​នៅ​រាជធានី​ភ្នំពេញ​កាលពី​ថ្ងៃ​ទី​៩​ ​ខែវិច្ឆិកា​ ​ឆ្នាំ​២​០​២​៣​ ​ជាមួយនឹង​ថ្នាំញៀន​ប្រភេទ​មេ​តំ​ហ្វេ​តា​មីន​ គ្រី​ស្តា​ល់ (​ទឹកកក​) ​១​០​១​គីឡូក្រាម​។​​សាលក្រម​ដែល​ប្រកាស​ដោយ​លោក​ ​តុប​ ​ឈុន​សុង​ ​ប្រធាន​ចៅក្រម​សាលាដំបូង​រាជធានី​បាន​ថ្លែង​ថា​៖​ ​«​អ្នក​ទាំង៣ត្រូវ​បាន​ចោទប្រកាន់​ពី​បទ​កាន់កាប់​ ​ដឹកជញ្ជូន​ ​និង​ជួញ​ដូរ​គ្រឿងញៀន​ខុសច្បាប់​។​សាលក្រម​បាន​បន្ថែម​ថា​៖​ ​«​តុលាការ​សម្រេច​ផ្ដន្ទាទោស​ពួកគេ​ម្នាក់ៗ​ឲ្យ​ជាប់ពន្ធនាគារ​អស់មួយជីវិត​។​តាមច្បាប់​កម្ពុជា​ ​ទណ្ឌិត​មាន​ពេល​មួយ​ខែ​ដើម្បី​ប្តឹងឧទ្ធរណ៍​ប្រឆាំង​នឹង​សាលក្រម​។​​កម្ពុជា​បាន​បង្កើន​កិច្ច​ខិតខំ​ប្រឹងប្រែង​ប្រយុទ្ធ​ប្រឆាំង​នឹង​គ្រឿងញៀន​ខុសច្បាប់​ចាប់តាំង​ពី​ខែ​សីហា​ឆ្នាំមុន​ ​ពេល​ដែល​សម្តេច​នាយករដ្ឋមន្ត្រី​ ​ហ៊ុន​ ​ម៉ា​ណែ​ត​ ​ចូលកាន់​តំណែង​។​យោង​តាម​មន្ទីរ​ប្រឆាំង​បទល្មើស​គ្រឿងញៀន​បាន​ឱ្យ​ដឹង​ថា​ ​កម្ពុជា​បាន​ឃាត់ខ្លួន​ជន​សង្ស័យ​ពាក់ព័ន្ធ​គ្រឿងញៀន​ចំនួន​ ​១​១​,​៧​៨​០​ ​នាក់​ ​ក្នុង​នោះ​មាន​ជនបរទេស​ជាង​ ​៣​០​០​ ​នាក់​ ​ដែល​មាន​ ​១​៣​ ​ជាតិសាសន៍​ ​ក្នុង​អំឡុង​ខែ​មករា​ ​ដល់​ខែ​មិថុនា​ ​ឆ្នាំ​២​០​២​៤​ ​ដោយ​រឹបអូស​បាន​ថ្នាំញៀន​សរុប​ចំនួន​ ​៥​,​០​១​ ​តោន​៕X​in​h​u​a​/KhmerTimes