មន្ត្រីពាណិជ្ជកម្មបានមានប្រសាសន៍ថាពាណិជ្ជកម្មកម្ពុជា-ចិនបានបន្តកើនឡើងក្នុងរយៈពេល៤ខែដំបូងនៃឆ្នាំ២០២៤ដោយសារកិច្ចព្រមព្រៀងពាណិជ្ជកម្មសេរីទ្វេភាគីនិងតំបន់។នេះបើតាមការចេញផ្សាយXinhua។
 |
|
របាយការណ៍ដែលត្រូវបានចេញផ្សាយកាលពីថ្ងៃសុក្រដោយអគ្គនាយកដ្ឋានគយ និងរដ្ឋាករកម្ពុជា បានបង្ហាញថា ទំហំពាណិជ្ជកម្មទ្វេភាគីឈានដល់ ៤,៤៨ ពាន់លានដុល្លារក្នុងអំឡុងខែមករាដល់ខែមេសាឆ្នាំនេះ កើនឡើង ១៥,១ ភាគរយ ពី ៣,៨៩ ពាន់លានដុល្លារ ធៀបនឹងរយៈពេលដូចគ្នាកាលពីឆ្នាំមុន។របាយការណ៍នេះបានឱ្យដឹងថា ប្រទេសចិននៅតែជាដៃគូពាណិជ្ជកម្មកំពូលរបស់កម្ពុជា បន្ទាប់មកគឺវៀតណាម សហរដ្ឋអាមេរិក ថៃ និងជប៉ុន។កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) និងកិច្ចព្រមព្រៀងពាណិជ្ជកម្មសេរីកម្ពុជា-ចិន (CCFTA) ដែលកិច្ចព្រមព្រៀងទាំងពីរ បានចូលជាធរមានតាំងពីឆ្នាំ២០២២ បានដើរតួនាទីយ៉ាងសំខាន់ក្នុងការជំរុញកំណើនពាណិជ្ជកម្មនេះ នេះបើយោងតាមលោក ប៉ែន សុវិជាតិ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម។លោក ប៉ែន សុវិជាតិ បានប្រាប់សារព័ត៌មាន Xinhua ថា «ដោយសារការអនុគ្រោះពន្ធក្រោមកិច្ចព្រមព្រៀងពាណិជ្ជកម្មទាំងពីរនេះ ផលិតផលរបស់យើង ជាពិសេសកសិផលដែលមានគុណភាពខ្ពស់ដូចជាអង្ករ ចេកលឿង ស្វាយ មៀន ដំឡូងមី និងម្រេច មានទីផ្សារខ្ពស់នៅក្នុងប្រទេសចិន»។លោក ប៉ែន សុវិជាតិ ក៏បានលើកឡើងថាកំណើននេះ គឺដោយសារតែទំនាក់ទំនងដ៏ល្អប្រសើរ និងកិច្ចសហប្រតិបត្តិការជិតស្និទ្ធរវាងប្រទេសទាំងពីរ និងការរៀបចំព្រឹត្តិការណ៍ផ្សព្វផ្សាយពាណិជ្ជកម្ម ដូចជាពិព័រណ៍ និងវេទិកាធុរកិច្ចជាដើម។
លោក គិន ភា អគ្គនាយកវិទ្យាស្ថានទំនាក់ទំនងអន្តរជាតិកម្ពុជាបានមានប្រសាសន៍ថា កំណើននេះបានឆ្លុះបញ្ចាំងពីទំនាក់ទំនងសេដ្ឋកិច្ច និងពាណិជ្ជកម្មដ៏រឹងមាំរវាងប្រទេសទាំងពីរ។លោកបានប្រាប់សារព័ត៌មាន Xinhua ថា “ទំហំពាណិជ្ជកម្មកើនឡើងនេះបានផ្តល់អត្ថប្រយោជន៍កាន់តែច្រើនដល់ប្រទេស និងប្រជាជនទាំងពីរ ដោយបានចាក់បញ្ចូលកម្លាំងជំរុញកាន់តែខ្លាំងក្នុងការកសាងសហគមន៍ជោគវាសនារួម កម្ពុជា-ចិន”៕
/unnamed.png
Post a Comment