សម្តេចធិប​តី៖ឲ្យមន្ត្រីនគរបាលរ៉ាប់​រងក្នុងការរក្សាសន្តិសុខ​និងសុវត្ថិភាព​សង្គមស្របតាមស​ភាពការណ៍ពិ​ភពលោក

សារលិខិតជូនពររបស់សម្តេចធិបតី ហ៊ុន ម៉ាណែតនាយករដ្ឋមន្ត្រី នៃកម្ពុជា ផ្ញើជូនកងកម្លាំងនគរបាលជាតិក្នុងឱកាសរំលឹកខួបអនុស្សាវរីយ៍លើកទី៧៩ នៃថ្ងៃកំណើតនគរបាលជាតិកម្ពុជាបានបញ្ជាក់ថាសម្រាប់ឆ្នាំ២០២៤នេះ សភាពការណ៍ពិភពលោកកំពុងតែបន្តវិវត្តប្រែប្រួលស្មុគស្មាញ ដោយប្រឈមនឹងបញ្ហាវិបត្តិជាច្រើនដែលមានលក្ខណៈជាសកលនិងបានជះឥទ្ធិពលប៉ះពាល់ដល់វិស័យសន្តិសុខ នយោបាយ ការទូត សេដ្ឋកិច្ច វប្បធម៌មនុស្សធម៌និងសុខភាពសាធារណៈដែលក្នុងនោះព្រះរាជាណាចក្រកម្ពុជាក៏ទទួលរងផលប៉ះពាល់ជាសកលនេះផងដែរ។នេះបើតាមការចេញផ្សាAKP។

សម្តេចធិបតី បានបន្តថា ចំពោះសភាពការណ៍ផ្ទៃក្នុងប្រទេស ទទួលផលពីសុខសន្តិភាពក៏ដោយ ការធានាស្ថិរភាពសន្តិសុខ និងសុវត្ថិភាពសង្គមដែលជាបរិស្ថានគ្រប់ដណ្តប់នៃយុទ្ធសាស្ត្របញ្ចកោណដំណាក់កាលទី១ គឺជាតម្រូវការចាំបាច់មិនអាចខ្វះបាន ដែលមន្ត្រីនគរបាលគ្រប់ លំដាប់ថ្នាក់ ត្រូវទទួលរ៉ាប់រងក្នុងការរក្សាសន្តិសុខ សណ្ដាប់ធ្នាប់សាធារណៈ និងសុវត្ថិភាពសង្គម។សម្តេចនាយករដ្ឋមន្ត្រី ជឿជាក់ចំពោះសមត្ថភាព មនសិកាស្នេហាជាតិ មាតុភូមិ និង ភក្តីភាពរបស់កងកម្លាំងនគរបាលជាតិ និងសម្តែងនូវការពេញចិត្ត បន្តជួយឧបត្ថម្ភ គាំទ្រ ទាំងស្មារតី និងសម្ភារៈដល់កងកម្លាំងនគរបាលជាតិ ឱ្យបានស័ក្តិសមជាកម្លាំងអនុវត្តច្បាប់ប្រកបដោយគុណភាព សមត្ថភាព ប្រសិទ្ធភាពនិងមានភាពថ្លៃថ្នូរ៕