​ក្រុម​ហាម៉ាស់ច​ង់ប​ង្កើនភាពតានតឹ​ងក្រុមហេសបូឡា​វាយឆ្មក់ចូលជ្រៅទៅ​ក្នុងទឹកដីអ៊ីស្រា​អែល

តំណាង​ក្រុម​ប្រដាប់​អាវុធ​របស់​ក្រុម​ហាម៉ាស់​បាន​អំពាវនាវ​ឱ្យ​មាន​ការ​បង្កើន​ភាពតានតឹងប្រឆាំងនឹងអ៊ីស្រាអែលនៅ​តំបន់WestBank។

ទាហានអ៊ីស្រាអែលនៅតំបន់ហ្គាហ្សាស្ទ្រីប។ រូបថត៖ IDF

ក្រុមហេសបូឡាបានប្រើប្រាស់UAVដើម្បីវាយប្រហារមូលដ្ឋានយោធាជ្រៅក្នុងទឹកដីអ៊ីស្រាអែល។យោងតាម ​​Reuters កាលពីថ្ងៃទី២៣ខែមេសា លោក Abu Obeida អ្នកនាំពាក្យក្រុមប្រដាប់អាវុធរបស់ក្រុមហាម៉ាស់បានចោទប្រកាន់ទីក្រុង Tel Avivមិនបង្ហាញឆន្ទៈក្នុងការចរចានិងបានអំពាវនាវឱ្យមានការកើនឡើងលើគ្រប់ផ្នែកដែលផ្តោតលើអ៊ីស្រាអែល។លោក Obeida បាននិយាយថា "ការវាយប្រហារតាមអាកាសទ្រង់ទ្រាយធំរបស់អ៊ីរ៉ង់កាលពីថ្ងៃទី១៣ខែមេសា បានបង្កើតច្បាប់ថ្មី ដែលធ្វើឱ្យសត្រូវនិងពួកអ្នកគាំទ្រមានការភ័ន្តច្រឡំ។ នៅក្នុងសេចក្តីថ្លែងការណ៍របស់លោក លោក Obeida ក៏បានសង្កត់ធ្ងន់ថា ក្រុមហាម៉ាស់នឹងមិនចុះចាញ់នឹងការទាមទាររបស់ខ្លួនក្នុងការចរចានោះទេ គឺអ៊ីស្រាអែលត្រូវតែដកកងទ័ពរបស់ខ្លួនទាំងស្រុងចេញពីហ្គាហ្សា និងអនុញ្ញាតឱ្យប្រជាជនត្រឡប់ទៅផ្ទះវិញ។លោក Obeida បាននិយាយថា "អ៊ីស្រាអែលគឺជាភាគីដែលពន្យារពេលកិច្ចព្រមព្រៀងផ្លាស់ប្តូរចំណាប់ខ្មាំង ហើយកំពុងរារាំងកិច្ចខិតខំប្រឹងប្រែងរបស់អន្តរការីដើម្បីឈានដល់បទឈប់បាញ់"។កន្លងមកក្រសួងការបរទេសកាតាដែលជាអន្តរការីចរចាមួយបានអត្ថាធិប្បាយថាទាំងអ៊ីស្រាអែលនិងក្រុមហាម៉ាស់"មិនបានបង្ហាញភាពនៅក្នុងការសន្ទនា"។ដោយហេតុផលនេះការខិតខំប្រឹងប្រែងដើម្បីឈានដល់កិច្ចព្រមព្រៀងឈប់បាញ់និងដោះលែងចំណាប់ខ្មាំងមិនទាន់ទទួលបានជោគជ័យនៅឡើយ។

ហេសបូឡាវាយឆ្មក់ចូលជ្រៅក្នុងទឹកដីអ៊ីស្រាអែល

យោងតាមសារព័ត៌មានAl Jazeera កាលពីថ្ងៃទី២៣ ខែមេសា កងកម្លាំងហេសបូឡាបានប្រកាសថាពួកគេបានធ្វើការវាយឆ្មក់ UAV សំដៅលើមូលដ្ឋានយោធាអ៊ីស្រាអែលក្នុងទីក្រុង Acre ដោយអះអាងថា នេះគឺជាការវាយប្រហារដ៏ជ្រៅបំផុតនៅក្នុងទឹកដីអ៊ីស្រាអែលចាប់តាំងពីជម្លោះផ្ទុះឡើងនៅមជ្ឈិមបូព៌ា។ហេសបូឡាបាននិយាយថា"សកម្មភាពនេះគឺដើម្បីឆ្លើយតបទៅនឹងការវាយឆ្មក់របស់អ៊ីស្រាអែលនៅភាគខាងត្បូងប្រទេសលីបង់ ដែលបានសម្លាប់សមាជិកម្នាក់ក្នុងចំណោមសមាជិករបស់យើង" ។កងកម្លាំងហេសបូឡាក៏បានបញ្ចេញរូបភាពផ្កាយរណបដែលទីតាំងនៃការវាយឆ្មក់របស់ UAV ត្រូវបានសម្គាល់រវាងទីក្រុង Acre និង Nahariyay នៅភាគខាងជើងប្រទេសអ៊ីស្រាអែល។ទោះបីជាយ៉ាងណាក៏ដោយ កងកម្លាំងការពារអ៊ីស្រាអែល(IDF)បាននិយាយថាគ្មានកន្លែងយោធាណាមួយត្រូវបានវាយប្រហារដោយក្រុមហេសបូឡាទេ។ប៉ុន្តែបានបញ្ជាក់ថា ពួកគេបានស្ទាក់ចាប់“គោលដៅពីលើអាកាស”នៅឯឆ្នេរសមុទ្រភាគខាងជើងនៃប្រទេសអ៊ីស្រាអែល៕ពុតសាម៉ាត់