មន្ត្រីការទូតជាអ្នកអនុវត្តចក្ខុវិស័យនិងបេសកកម្មការទូតជាអ្នកតំណាងប្រទេសនិងប្រជាជនជាអ្នកធ្វើទំនាក់ទំនងនិងចរចាជាមួយដៃគូជាអ្នកការពារ និងលើកកម្ពស់គុណតម្លៃរបស់ប្រទេសជាតិនិងជាអ្នកដោះស្រាយបញ្ហាចំពោះមុខនានា។
![](https://blogger.googleusercontent.com/img/b/R29vZ2xl/AVvXsEg_33EVoeWgR9Ohzus9MUYFFaIYnE7w8q3Ffit-Q6M2M8YmwJp2RDT7aB4lh8wN8XeqaO0tjeoT6GQunWXS8Ub9PqyTRUvQQQXhew_rAckxdR0-Nb3hhGIzr9ELlEhAYq4bQlRP7leqsyv-Ak2NUJ2H-5NzPEdUtbB2f7LzZ8lMcUSIAGzfUn71TgcP3jxN/w640-h426/434194554_397440903088417_1619544897881913603_n.jpg) |
|
សម្តេចធិបតីហ៊ុនម៉ាណែតនាយករដ្ឋមន្ត្រីនៃកម្ពុជានារសៀលថ្ងៃទី២៩ខែមីនាឆ្នាំ២០២៤បានអញ្ជើញជាអធិបតីក្នុងពិធីបិទសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងការបរទេសនិងសហប្រតិបត្តិការអន្តរជាតិនៅវិមានសន្តិភាព រាជធានីភ្នំពេញ ។សម្តេចធិបតីនាយករដ្ឋមន្ត្រីបានបញ្ជាក់ថា មន្ត្រីការទូតជាអ្នកកំណត់ជាអ្នកអនុវត្តចក្ខុវិស័យនិងបេសកកម្មការទូត ជាអ្នកតំណាងប្រទេសជាតិនិងប្រជាជន ជាអ្នកធ្វើទំនាក់ទំនង និង ចរចាជាមួយដៃគូ ជាអ្នកការពារ និងលើកកម្ពស់គុណតម្លៃរបស់ប្រទេសជាតិ និងជាអ្នកដោះស្រាយបញ្ហាចំពោះមុខនានាផងដែរ ។សម្តេចធិបតី បានកោតសរសើរចំពោះសមិទ្ធផលដែលក្រសួងការបរទេស និងសហប្រតិបត្តិការអន្តរជាតិ សម្រេចបានក្នុងឆ្នាំកន្លងមក ជាមួយនឹងស្មារតីទទួលខុសត្រូវខ្ពស់របស់ថ្នាក់ដឹកនាំ មន្រ្តីការទូត និងបុគ្គលិកទាំងអស់ដែលបានបំពេញការងារអនុវត្តនយោបាយការបរទេសកម្ពុជាក្នុងស្មារតីស្នេហាជាតិរក្សាបាននូវកិត្តិយសនិងផលប្រយោជន៍ជូនជាតិមាតុភូមិ ។សម្តេចធិបតីបានអរគុណចំពោះក្រសួង-ស្ថាប័នពាក់ព័ន្ធនានា ដែលបានចូលរួមគាំទ្រធ្វើឱ្យសកម្មភាពការទូតកម្ពុជាទទួលបានជោគជ័យជាបន្តបន្ទាប់៕
Post a Comment