អ៊ុយក្រែន​​​បាន​ទុក​ឱកាស​នៃ​កា​រ​ចរចា​ជាមួយ​រុស្ស៊ី​ក្រោយ​​​សន្និសីទ​សន្តិភាព​ក្នុង​ប្រទេ​ស​ស្វីស

 រដ្ឋមន្ត្រីការបរទេសអ៊ុយក្រែនលោក Dmitry Kulebaបានប្រកាសថា ប្រទេសនេះអាចចូលរួមក្នុងទំនាក់ទំនងការទូតជាមួយរុស្ស៊ីបន្ទាប់ពីកិច្ចប្រជុំកំពូលសន្តិភាពនៅប្រទេសស្វីសដែលរំពឹងថានឹងប្រព្រឹត្តទៅនៅឆ្នាំនេះ។

 រដ្ឋមន្ត្រីការបរទេសអ៊ុយក្រែនលោក Dmitry Kuleba។AFP

កាល​ពី​ខែ​មុនរដ្ឋាភិបាល​ស្វីស​បាន​ប្រកាស​ពី​ផែនការ​ធ្វើ​ជា​ម្ចាស់​ផ្ទះ​នៃ​កិច្ច​ប្រជុំ​កំពូល​ស្តី​ពី​សន្តិភាព​សម្រាប់​អ៊ុយក្រែន“ក្នុង​រដូវ​ក្តៅ”។ ការផ្តោតសំខាន់នៃព្រឹត្តិការណ៍នេះនឹងក្លាយជា"ផែនការសន្តិភាព"១០ចំណុចរបស់គៀវដែលប្រកាសជាលើកដំបូងដោយប្រធានាធិបតីVolodymyr Zelensky នៅចុងឆ្នាំ២០២២។គំនិតផ្តួចផ្តើមខាងលើ អំពាវនាវឱ្យទីក្រុងម៉ូស្គូដកកងទ័ពទាំងអស់ចេញពីអ៊ុយក្រែន ក៏ដូចជាបង្កើតតុលាការមួយដើម្បីកាត់ទោសមន្ត្រីជាន់ខ្ពស់រុស្ស៊ីពីបទប្រព្រឹត្តខុសអំឡុងពេលជម្លោះ។ ទីក្រុងម៉ូស្គូបានច្រានចោលសំណើនេះ ដោយហេតុផលថាវានៅឆ្ងាយពីការពិត។នៅក្នុងបទសម្ភាសន៍ជាមួយស្ថានីយទូរទស្សន៍ឥណ្ឌា NDTV កាលពីថ្ងៃទី២៨ខែមីនា លោក Kuleba បានសង្កត់ធ្ងន់ថាអ្នកចូលរួមនៅក្នុងកិច្ចប្រជុំកំពូលនាពេលខាងមុខនៅប្រទេសស្វីសនឹងមានសេរីភាពក្នុងការជ្រើសរើសចំណុចនៅក្នុងសំណើរបស់ គៀវពួកគេចង់អនុវត្ត ដូចជាសន្តិសុខស្បៀងអាហារ ឬថាមពល ឬការផ្លាស់ប្តូរអ្នកទោសជាដើម។យោងតាមរដ្ឋមន្ត្រីការបរទេសអ៊ុយក្រែន កិច្ចប្រជុំកំពូលលើកដំបូងនឹងប្រមូលផ្តុំប្រទេសដែលចង់ដោះស្រាយបញ្ហាដែលពួកគេចង់បាន បង្កើតក្រុមការងារ និងផែនការសកម្មភាព។“បន្ទាប់មករវាងកិច្ចប្រជុំកំពូលលើកទី១និងលើកទី២ការប្រាស្រ័យទាក់ទងជាមួយរុស្ស៊ីអាចប្រព្រឹត្តទៅបានតាមវិធានដែលបានព្រមព្រៀងដោយអ្នកចូលរួម។ យើងត្រូវតែធានាថា រុស្ស៊ីគ្មានឱកាសដើម្បីរារាំងកិច្ចប្រជុំកំពូល ឬដំណើរការសន្តិភាពបែបនេះទេ” លោក Kuleba បានសង្កត់ធ្ងន់។ប្រធានាធិបតី Zelensky បានហាមឃាត់រាល់ការចរចាជាមួយរដ្ឋាភិបាលរុស្ស៊ីបច្ចុប្បន្ននៅរដូវស្លឹកឈើជ្រុះឆ្នាំ២០២២បន្ទាប់ពីតំបន់អ៊ុយក្រែនចំនួន៤បានបោះឆ្នោតបញ្ចូលគ្នាជាមួយរុស្ស៊ី។យោងតាមRTទីក្រុងម៉ូស្គូបានបញ្ជាក់ពីការត្រៀមខ្លួនក្នុងការចរចាជាមួយទីក្រុងគៀវ។ទោះបីជាយ៉ាងណាក៏ដោយអ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បានប្រកាសកាលពីដើមខែនេះថា ទីក្រុងម៉ូស្គូនឹងមិនចូលរួមកិច្ចប្រជុំកំពូលដែលធ្វើជាម្ចាស់ផ្ទះដោយប្រទេសស្វីសទោះបីជាមានការអញ្ជើញក៏ដោយពីព្រោះថា"នឹងជួយផ្សព្វផ្សាយឱសានវាទក្រោម "ផែនការសន្តិភាព" របស់លោក Zelensky ។ លោកស្រី Zakharova បានកត់សម្គាល់បន្ថែមទៀតថា ប្រទេសស្វីស ដែលចូលរួមក្នុងការដាក់ទណ្ឌកម្មរបស់លោកខាងលិចប្រឆាំងនឹងរុស្ស៊ី ដោយសារតែជម្លោះក្នុងប្រទេសអ៊ុយក្រែន“ស្ទើរតែមិនអាចធ្វើជាគ្រឹះសម្រាប់កិច្ចខិតខំប្រឹងប្រែងរក្សាសន្តិភាពផ្សេងៗបានឡើយ”៕ពុតសាម៉ាត់