រោងចក្រថា​ម​ពលអ៊ុយក្រែនត្រូវបា​នវាយ​ប្រហារ​យន្តហោះចម្បាំងប៉ូឡូញ​បានចាប់ផ្តើម

 ប្រតិបត្តិករបណ្តាញថាមពលអ៊ុយក្រែនUkrenergoបាននិយាយថាបរិក្ខារថាមពលរបស់ប្រទេសត្រូវបានវាយប្រហារដោយយន្តហោះគ្មានមនុស្សបើករុស្ស៊ី(UAV)និងមីស៊ីលកាលពីយប់មិញបណ្តាលឱ្យរោងចក្រថាមពលចំនួន៣ត្រូវបានខូចខាត។។Reuters បានរាយការណ៍ពី Ukrenergo ថាការវាយប្រហាររបស់រុស្ស៊ីបានបណ្តាលឱ្យខូចខាតយ៉ាងធ្ងន់ធ្ងរដល់ផលិតកម្មនិងកន្លែងបញ្ជូនអគ្គិសនីរបស់អ៊ុយក្រែនដោយបង្ខំឱ្យទីក្រុងគៀវបញ្ឈប់ការនាំចេញអគ្គិសនីនិងពឹងផ្អែកលើការនាំចូល។

Ukrenergo បាន​ចេញ​សេចក្តី​ថ្លែងការណ៍​មួយ​ដោយ​និយាយ​ថា៖ «កាល​ពី​យប់​មិញ រុស្ស៊ី​បាន​ដាក់​គោលដៅ​ជា​ថ្មី​ទៀត​លើ​រោងចក្រ​ថាមពល​ក្នុង​ការ​វាយ​ប្រហារ​ដ៏​ធំ។រោងចក្រ​ថាមពល​កម្ដៅនិង​វារីអគ្គិសនី​នៅ​ភាគ​កណ្តាល និង​ភាគ​ខាង​លិច​អ៊ុយក្រែន​ត្រូវ​បាន​ខូចខាត»។ ទីភ្នាក់ងារនេះបានកត់សម្គាល់ថារោងចក្រត្រូវបញ្ឈប់ជាបន្ទាន់នូវប្រតិបត្តិការនៅក្នុងតំបន់ Dnipropetrovsk នៅភាគអាគ្នេយ៍អ៊ុយក្រែន។ទូរទស្សន៍អ៊ុយក្រែននៅព្រឹកនេះ (ថ្ងៃទី២៩ខែមីនា) បាននិយាយថាការផ្ទុះបានកើតឡើងនៅ Ivano-Frankivsk និង Khmelnytskyi ក៏ដូចជាទីក្រុងDnipro ហើយមីស៊ីលរបស់រុស្ស៊ីត្រូវបានគេរកឃើញនៅក្នុងដែនអាកាសអ៊ុយក្រែន។កងទ័ពអាកាសអ៊ុយក្រែនបាននិយាយថា ខ្លួនបានបំផ្លាញ UAV ចំនួន៥៨ គ្រឿង និងមីស៊ីល២៦គ្រឿងដែលរុស្ស៊ីបានបាញ់កាលពីយប់មិញ។បញ្ជាការប្រតិបត្តិការនៃកងកម្លាំងប្រដាប់អាវុធប៉ូឡូញ បាននិយាយថា នៅព្រឹកនេះ (ថ្ងៃទី២៩ខែមីនា)យន្តហោះប៉ូឡូញ និងសម្ព័ន្ធមិត្តបានធ្វើការត្រៀមបន្ទាប់ពីរុស្ស៊ីបានបើកការវាយប្រហារដោយមីស៊ីលលើអ៊ុយក្រែន។យោងតាមការប្រកាសរបស់ប្រទេសប៉ូឡូញ យន្តហោះនៃប្រទេសនេះនិងសម្ព័ន្ធមិត្តរបស់ខ្លួនដែលកំពុងប្រតិបត្តិការនៅក្នុងដែនអាកាសប៉ូឡូញអាចនាំឲ្យមានសំលេងរំខានខ្លាំង។ជាពិសេសនៅតំបន់ភាគអាគ្នេយ៍នៃប្រទេស។ប៉ូឡូញ​ភាគ​អាគ្នេយ៍​ជាប់​ព្រំដែន​អ៊ុយក្រែន។ កន្លងមកកាលពីថ្ងៃទី២៤ខែមីនាប្រទេសប៉ូឡូញក៏បានបញ្ជូនយន្តហោះទៅធានាសុវត្ថិភាពដែនអាកាសនៅពេលដែលតំបន់ភាគខាងលិចនៃប្រទេសអ៊ុយក្រែនត្រូវបានវាយប្រហារដោយមីស៊ីលនិងយន្តហោះគ្មានមនុស្សបើក៕ពុតសាម៉ាត់