លោក​Bidenបាននិយាយ​ថា"អ្វីគ្រប់យ៉ាងនៅ​តែអស្ចារ្យ"​បន្ទាប់ពីការត្រួតពិ​និត្យសុខភាពជាប្រចាំ

សេតវិមានបានប្រកាសថាលោកBidenនៅតែមានសុខភាពគ្រប់គ្រាន់ដើម្បីបំពេញតួនាទីជាប្រធានាធិបតីសហរដ្ឋអាមេរិកបន្ទាប់ពីទទួលបានលទ្ធផលនៃការពិនិត្យសុខភាពជាប្រចាំ។យោងតាម ​​CNN កាលពីថ្ងៃទី២៨ខែកុម្ភៈ ប្រធានាធិបតីសហរដ្ឋអាមេរិកJoeBidenបានទៅមជ្ឈមណ្ឌលវេជ្ជសាស្ត្រយោធាជាតិ Walter Reed ដើម្បីធ្វើការពិនិត្យសុខភាពជាប្រចាំ។ ក្រោយ​ការ​ពិនិត្យ​ដែល​មាន​រយៈពេល​ជា​ច្រើន​ម៉ោង លោក Biden បាន​ប្រាប់​អ្នក​យក​ព័ត៌មាន​ថា«អ្វីៗ​នៅ​តែ​អស្ចារ្យ»។លោក Biden បាននិយាយថា "វាមិនខុសពីលទ្ធផលតេស្តកាលពីឆ្នាំមុនទេ អ្វីគ្រប់យ៉ាងគឺអស្ចារ្យណាស់។ វេជ្ជបណ្ឌិតថែមទាំងគិតថាខ្ញុំមើលទៅសុខភាពដូចក្មេងទៀត" ។

ប្រធានាធិបតីសហរដ្ឋអាមេរិកJoeBiden។Reuters

វេជ្ជបណ្ឌិតនៃសេតវិមានលោក Kevin O'Connor ក្រោយមកបានប្រកាសថាមិនមាន"ហានិភ័យថ្មី"នៅក្នុងលទ្ធផលពិនិត្យសុខភាពរបស់លោកBidenហើយបានបញ្ជាក់ថាម្ចាស់សេតវិមាននៅតែមានសុខភាពល្អគ្រប់គ្រាន់ដើម្បីទទួលយកការទទួលខុសត្រូវរបស់លោក។លោក O'Connor បាននិយាយថា"លោក Biden នៅតែមានសមត្ថភាពក្នុងការបំពេញការងារជាប្រធានាធិបតីសហរដ្ឋអាមេរិកដោយគ្មានការលើកលែងឬកែសម្រួល។លោកគឺជាមនុស្សសកម្ម និងមានសុខភាពល្អអាយុ៨១ឆ្នាំ"។តាមពិតទៅការពិនិត្យសុខភាពជាប្រចាំរបស់លោក Biden មិនរាប់បញ្ចូលការធ្វើតេស្តការយល់ដឹងនោះទេ ប៉ុន្តែសេតវិមានជឿជាក់ថា ប្រធានាធិបតីអាមេរិកមិនចាំបាច់ធ្វើតេស្តនេះទេ។លេខាធិការសារព័ត៌មានសេតវិមាន Karine Jean-Pierre បាននិយាយថា "លោក Biden នៅតែឆ្លងកាត់ការធ្វើតេស្តការយល់ដឹងប្រចាំថ្ងៃ។ ប្រធានាធិបតីត្រូវតែដោះស្រាយបញ្ហាភាពតានតឹងជាបន្តបន្ទាប់ទាំងក្នុងប្រទេសនិងក្រៅប្រទេស" ។ការពិនិត្យសុខភាពរបស់លោក Biden ធ្វើឡើងក្នុងបរិបទនៃក្តីបារម្ភរបស់អ្នកបោះឆ្នោតជាច្រើនអំពីអាយុរបស់ម្ចាស់សេតវិមានព្រោះបច្ចុប្បន្នលោកBidenគឺជាប្រធានាធិបតីដែលមានវ័យចំណាស់ជាងគេក្នុងប្រវត្តិសាស្ត្រអាមេរិក។ ថ្មីៗនេះ លោក Biden នៅតែជំពប់ដួលឬមានបញ្ហាក្នុងពេលកំពុងនិយាយ៕ពុតសាម៉ាត់