ការទម្លាក់គ្រា​ប់បែក​នៅជិតផ្នូររបស់ឧត្ត​មសេនីយ៍Soleimani៖តើន​រណាជាអ្នកនៅពីក្រោយ​ការផ្ទុះដ៏បង្ហូរឈាមនៅក្នុងប្រទេសអ៊ីរ៉ង់?

 មន្ត្រីអ៊ីរ៉ង់បាននិយាយថាគ្រាប់បែក២គ្រាប់បានផ្ទុះនិងសម្លាប់មនុស្សយ៉ាងហោចណាស់៩៥នាក់នៅឯពិធីរំលឹកដល់ឧត្តមសេនីយដ៏ល្បីល្បាញម្នាក់ដែលបានស្លាប់នៅក្នុងការវាយប្រហាររបស់សហរដ្ឋអាមេរិកក្នុងឆ្នាំ២០២០ ។

ការផ្ទុះ២យ៉ាងបង្ហូរឈាមបានកើតឡើងនៅក្នុងទីក្រុងKerman ដែលជាទីក្រុងដែលមានសន្តិភាព។ រូបថត៖ AP

គ្មាន​នរណា​ម្នាក់​បាន​អះអាង​ទទួល​ខុស​ត្រូវ​ចំពោះ​អ្វី​ដែល​ត្រូវ​បាន​គេ​ចាត់​ទុក​ថា​ជា​ការ​វាយ​ប្រហារ​បង្ហូរ​ឈាម​បំផុត​លើ​ប្រទេស​អ៊ីរ៉ង់​ចាប់​តាំង​ពី​បដិវត្តន៍​អ៊ីស្លាម​ឆ្នាំ១៩៧៩មក។មេដឹកនាំអ៊ីរ៉ង់បានសន្យាថានឹងដាក់ទណ្ឌកម្មអ្នកដែលទទួលខុសត្រូវចំពោះការផ្ទុះដែលបានធ្វើឱ្យមនុស្សយ៉ាងហោចណាស់២១១នាក់រងរបួស។ការ​ផ្ទុះ២គ្រាប់បាន​កើត​ឡើង​ប៉ុន្មាន​នាទី​ដាច់​ពី​គ្នា​កាល​ពី​ថ្ងៃ​ទី​៣ ខែ​មករា ដោយ​អង្រួន​ទីក្រុង Kerman ចម្ងាយ​ប្រហែល ៨២០ គីឡូម៉ែត្រ​ភាគ​អាគ្នេយ៍​ក្រុង​តេអេរ៉ង់។ ការ​ផ្ទុះ​លើក​ទី២បាន​បញ្ជូន​គ្រាប់​បែក​ចូល​ទៅ​ក្នុង​ហ្វូង​មនុស្ស​ដែល​ស្រែក​ហ៊ោ​រត់​ចេញ​ពី​ការ​ផ្ទុះ​។ពិធីរំលឹកខួបលើកទី៤នៃថ្ងៃដែលឧត្តមសេនីយ៍ Qassem Soleimani ប្រធានកងកម្លាំងQudsវរជននៃកងឆ្មាំបដិវត្តន៍អ៊ីស្លាមអ៊ីរ៉ង់បានបាត់បង់ជីវិតក្នុងការវាយប្រហារដោយយន្តហោះគ្មានមនុស្សបើករបស់សហរដ្ឋអាមេរិកនៅក្នុងប្រទេសអ៊ីរ៉ាក់។ការវាយប្រហារនេះបានកើតឡើងមួយថ្ងៃបន្ទាប់ពីមេដឹកនាំរងនៃក្រុមប្រដាប់អាវុធហាម៉ាស់ត្រូវបានសម្លាប់នៅក្នុងការវាយប្រហារមួយដែលត្រូវបានគេសង្ស័យថាធ្វើឡើងដោយអ៊ីស្រាអែលក្នុងទីក្រុង Beirut ប្រទេសលីបង់។យោងតាមសារព័ត៌មាន Associated Press អ៊ីរ៉ង់មានសត្រូវជាច្រើនដែលអាចនៅពីក្រោយការវាយប្រហារនេះ ដែលត្រូវបានវាយប្រហារចំពេលមានភាពតានតឹងនៅមជ្ឈិមបូព៌ាកើនឡើង ដោយសារតែជម្លោះអ៊ីស្រាអែល និងក្រុមហាម៉ាស់។អ៊ីរ៉ង់​កំពុង​ចោទ​អាមេរិក និង​អ៊ីស្រាអែល​ថា​ជា​អ្នក​ទទួលខុសត្រូវ។ អ៊ីស្រាអែល​បាន​ធ្វើ​ការ​វាយ​ប្រហារ​នៅ​អ៊ីរ៉ង់​ដោយ​សារ​តែ​កម្មវិធី​នុយក្លេអ៊ែរ​របស់​ប្រទេស​នោះ។ ទោះបីជាយ៉ាងណាក៏ដោយរហូតមកដល់ពេលនេះអ៊ីស្រាអែលបានអនុវត្តតែការធ្វើឃាតតាមគោលដៅប៉ុណ្ណោះមិនមែនការទម្លាក់គ្រាប់បែកដែលបណ្តាលឱ្យមានមនុស្សស្លាប់ច្រើននោះទេ។មន្ត្រីអាមេរិកបានបង្ហើបប្រាប់កាសែត The New York Times ថា ការទម្លាក់គ្រាប់បែកនេះគឺស្រដៀងគ្នាទៅនឹងសកម្មភាពរបស់អង្គការរដ្ឋអ៊ីស្លាមដែលប្រកាសខ្លួនឯង(IS)កាលពីអតីតកាល។ក្រុមជ្រុលនិយមមូស្លីមនិកាយSunniរួមទាំងក្រុមISបានបើកការវាយប្រហារទ្រង់ទ្រាយធំប្រឆាំងនឹងជនស៊ីវិលក្នុងប្រទេសអ៊ីរ៉ង់ដែលប្រជាជនភាគច្រើនគោរពសាសនាអ៊ីស្លាមនិកាយស៊ីអ៊ីត។ទោះជាយ៉ាងណាក៏ដោយការវាយប្រហារទាំងនេះបានកើតឡើងនៅកន្លែងផ្សេងមិនមែននៅក្នុងទីក្រុងKermanទេដែលជាទីក្រុងដែលមានសន្តិភាព។អ៊ីរ៉ង់ក្នុងប៉ុន្មានឆ្នាំថ្មីៗនេះបានឃើញការតវ៉ាទ្រង់ទ្រាយធំ រួមទាំងការតវ៉ាទាក់ទងនឹងការស្លាប់របស់លោកស្រី Mahsa Amini អាយុ ២២ឆ្នាំក្នុងឆ្នាំ២០២២។អ៊ីរ៉ង់ខ្លួនឯងបានបំពាក់អាវុធដល់ក្រុមប្រដាប់អាវុធជាច្រើនទសវត្សរ៍មកហើយ រួមទាំងក្រុមហាម៉ាស់នៅហ្គាហ្សា ក្រុមហេសបូឡានៅលីបង់និងក្រុមហ៊ូធីនៅយេម៉ែន។បន្ទាប់ពីអ៊ីស្រាអែលបានបើកប្រតិបត្តិការយោធារបស់ខ្លួននៅតំបន់ហ្គាហ្សាជាការឆ្លើយតបទៅនឹងការវាយប្រហារថ្ងៃទី៧ខែតុលាឆ្នាំ២០២៣ដោយក្រុមហាម៉ាស់ទាំងក្រុមហេសបូឡា និងពួកហ៊ូធី បានបើកនូវអ្វីដែលពួកគេបានពិពណ៌នាថាជា "ការវាយប្រហារតម្រង់ទៅលើអ៊ីស្រាអែល ក្នុងនាមប៉ាឡេស្ទីន"។អ៊ីស្រាអែល​ត្រូវ​បាន​គេ​សង្ស័យ​ថា​បាន​បើក​ការ​វាយ​ប្រហារ​នៅ​ថ្ងៃ​ទី ២ ខែ​មករា ដែល​បាន​សម្លាប់​មេដឹកនាំ​រង​ក្រុម​ហាម៉ាស់​នៅ​ក្រុង​បេរូត-លីបង់។ ទោះបីជាយ៉ាងណាក៏ដោយ ការវាយប្រហារនេះបណ្តាលឱ្យមានអ្នកស្លាប់ និងរបួសមានកម្រិតនៅក្នុងតំបន់ដែលមានប្រជាជនរស់នៅយ៉ាងក្រាស់ក្រែលនៃទីក្រុងបេរូត។កាលពីសប្តាហ៍មុនការវាយប្រហារមួយដែលត្រូវបានគេសង្ស័យថាត្រូវបានធ្វើឡើងដោយអ៊ីស្រាអែលបានសម្លាប់មេបញ្ជាការកងឆ្មាំបដិវត្តន៍អ៊ីស្លាមរបស់អ៊ីរ៉ង់នៅក្នុងប្រទេសស៊ីរី៕