អ៊ីរ៉ង់​បាន​​បាញ់​បង្ហោះ​ផ្កាយរណប​ដោយ​​ជោគជ័យ​លោក​​ខាងលិចញ៉ាក់សាច់

 អ៊ីរ៉ង់បានបាញ់បង្ហោះផ្កាយរណបSorayyaទៅកាន់តារាវិថីដោយជោគជ័យ។លោកខាងលិចមានការព្រួយបារម្ភថាសកម្មភាពនេះគឺជាការបិទបាំងសម្រាប់ការអភិវឌ្ឍន៍មីស៊ីលផ្លោងនិងមហិច្ឆតានុយក្លេអ៊ែររបស់អ៊ីរ៉ង់។ប្រព័ន្ធផ្សព្វផ្សាយរដ្ឋរបស់អ៊ីរ៉ង់បានរាយការណ៍កាលពីថ្ងៃទី២០ខែមករាថាប្រទេសនេះបានបាញ់បង្ហោះផ្កាយរណបSorayyaទៅកាន់តារាវិថីដោយជោគជ័យ។

Qaem-100ដាក់ផ្កាយរណប Sorayya របស់អ៊ីរ៉ង់ចូលទៅក្នុងគន្លង។រូបថត៖ @IranObserver/X (Twitter)

Sorayya ត្រូវ​បាន​បង្កើត​ឡើង​ដោយ​នាយកដ្ឋាន​ស្រាវជ្រាវ​នៃ​ទីភ្នាក់ងារ​អវកាស​ស៊ីវិល​របស់​អ៊ីរ៉ង់ដែល​បាន​បាញ់​បង្ហោះ​ទៅ​ក្នុង​គន្លង​តារាវិថី​ចម្ងាយ ៧៥០គីឡូម៉ែត្រ។នេះ​ក៏​ជា​ចម្ងាយ​ឆ្ងាយ​បំផុត​ដែល​ផ្កាយរណប​របស់​អ៊ីរ៉ង់​មិន​ធ្លាប់​បាន​ទៅដល់។ផ្កាយរណបនេះមានទម្ងន់៥០គីឡូក្រាមហើយត្រូវបានដាក់ចូលទៅក្នុងគន្លងដោយQaem100ដែលជាគ្រាប់រ៉ុក្កែតឥន្ធនៈរឹង៣ដំណាក់កាលដែលផលិតដោយអង្គភាពឆ្មាំបដិវត្តន៍អ៊ីស្លាមអ៊ីរ៉ង់ (IRGC) ។យោងតាមសារព័ត៌មាន Reuters យោធាអាមេរិកជឿជាក់ថា បច្ចេកវិទ្យាមីស៊ីលរយៈចម្ងាយឆ្ងាយដែលប្រើសម្រាប់ដាក់ផ្កាយរណបទៅក្នុងគន្លងតារាវិថីក៏អាចអនុញ្ញាតឱ្យទីក្រុងតេអេរ៉ង់បាញ់អាវុធដែលមានរយៈចម្ងាយឆ្ងាយជាងនេះរួមទាំងក្បាលគ្រាប់នុយក្លេអ៊ែរផងដែរ។ទីក្រុងតេអេរ៉ង់បានបដិសេធការអះអាងរបស់សហរដ្ឋអាមេរិកដែលថា ការបាញ់បង្ហោះផ្កាយរណបគឺជាការបិទបាំងសម្រាប់ការអភិវឌ្ឍមីស៊ីលផ្លោង ហើយថាទីក្រុងតេអេរ៉ង់មិនដែលបន្តការអភិវឌ្ឍន៍អាវុធនុយក្លេអ៊ែរនោះទេ។អ៊ីរ៉ង់​ជា​ប្រទេស​ដែល​មាន​កម្មវិធី​មីស៊ីល​ធំ​បំផុត​មួយ​នៅ​មជ្ឈិមបូព៌ា។ ទោះជាយ៉ាងណាក៏ដោយប្រទេសនេះបានបរាជ័យជាច្រើនដងក្នុងប៉ុន្មានឆ្នាំថ្មីៗនេះនៅពេលបាញ់បង្ហោះផ្កាយរណបដែលភាគច្រើនដោយសារតែបញ្ហាបច្ចេកទេស។សហរដ្ឋអាមេរិកបានដាក់ទណ្ឌកម្មលើទីភ្នាក់ងារអវកាសស៊ីវិលរបស់អ៊ីរ៉ង់ និងអង្គការស្រាវជ្រាវចំនួន២ក្នុងឆ្នាំ២០១៩ដោយនិយាយថា ទីភ្នាក់ងារទាំងនោះកំពុងផ្សព្វផ្សាយកម្មវិធីមីស៊ីលផ្លោងរបស់ទីក្រុងតេអេរ៉ង់៕