លោ​កPham Minh C​hin​hអញ្ជើញជាអធិប​តីក្នុងពិធី​ស្វាគមន៍សម្តេច​ហ៊ុន ម៉ាណែត​នា​យករដ្ឋមន្រ្តីកម្ពុជា​​យ៉ាងកក់ក្តៅ

នៅវិមានប្រធានាធិបតីនាយករដ្ឋមន្ត្រី Pham Minh Chinh បានអញ្ជើញជាអធិបតីក្នុងពិធីស្វាគមន៍ចំពោះដំណើរទស្សនកិច្ចផ្លូវការលើកដំបូងរបស់នាយករដ្ឋមន្ត្រីកម្ពុជាសម្តេចធិបតីហ៊ុន ម៉ាណែត ទៅកាន់ប្រទេសវៀតណាម។នៅព្រឹកថ្ងៃទី១១ ខែធ្នូ យន្តហោះដឹកសម្តេចនាយករដ្ឋមន្ត្រី ហ៊ុន ម៉ាណែត និងគណៈប្រតិភូជាន់ខ្ពស់កម្ពុជាបានចុះចតនៅអាកាសយានដ្ឋានអន្តរជាតិ Noi Bai (ហាណូយ)។ សម្តេចនាយក​រដ្ឋមន្ត្រី ហ៊ុន ម៉ាណែត បាន​ចាប់ផ្តើម​ដំណើរ​ទស្សនកិច្ច​ផ្លូវការ​នៅ​ប្រទេស​វៀតណាម រយៈពេល២ថ្ងៃ តាម​ការអញ្ជើញ​របស់​លោក Pham Minh Chinh នាយករដ្ឋមន្ត្រីវៀតណាម។នេះ​ជា​ដំណើរ​ទស្សនកិច្ច​ផ្លូវការ​លើកដំបូង​ទៅកាន់​ប្រទេស​វៀតណាម​របស់​សម្តេចនាយក​រដ្ឋមន្ត្រី ហ៊ុន ម៉ា​ណែ​ត ក្នុង​តំណែង​ថ្មី​របស់​សម្តេច​។

ទំនាក់ទំនងនយោបាយរវាងវៀតណាម និងកម្ពុជា បន្តអភិវឌ្ឍន៍បានល្អ។ មេដឹកនាំជាន់ខ្ពស់នៃប្រទេសទាំងពីររក្សាដំណើរទស្សនកិច្ចទំនាក់ទំនង និងការផ្លាស់ប្តូរក្នុងទម្រង់ជាច្រើន។

អមដំណើរនាយករដ្ឋមន្រ្តីកម្ពុជាមាន៖ ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា លោក ស៊ុន ចាន់ថុល; ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ សុខ ចិន្តាសោភា; លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ; រដ្ឋមន្ត្រីក្រសួងពាណិជ្ជកម្ម លោកស្រីចម និមល; រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ហែម វណ្ឌី; លោក សុខ សុខេន រដ្ឋមន្ត្រីក្រសួងទេសចរណ៍; រដ្ឋមន្ត្រី​រដ្ឋលេខាធិការដ្ឋាន​កិច្ចការ​ព្រំដែន លោក ឡាំ ជា; រដ្ឋមន្ត្រីមួយចំនួនក្រៅពីនាយករដ្ឋមន្ត្រី; ថ្នាក់ដឹកនាំនៃក្រសួង និងសាខាមួយចំនួន;លោកជាគឹមថាឯកអគ្គរាជទូតកម្ពុជាប្រចាំនៅវៀតណាម។ភ្លាមៗបន្ទាប់ពីបានទៅដល់ប្រទេសវៀតណាម សម្តេចនាយករដ្ឋមន្ត្រី ហ៊ុន ម៉ាណែត និងគណៈប្រតិភូបានត្រឡប់ទៅវិមានប្រធានាធិបតី ដើម្បីចូលរួមពិធីស្វាគមន៍ដែលដឹកនាំដោយនាយករដ្ឋមន្ត្រី Pham Minh Chinh ។នៅវេលាម៉ោង១០ និង៣០នាទី ក្បួនដង្ហែបដិសណ្ឋារកិច្ចបាននាំនាយករដ្ឋមន្រ្តីកម្ពុជា និងគណៈប្រតិភូ ចូលទៅកាន់វិមានប្រធានាធិបតី។ចំពេលតន្ត្រីស្វាគមន៍ លោកនាយករដ្ឋមន្ត្រី Pham Minh Chinh បានស្វាគមន៍យ៉ាងកក់ក្តៅចំពោះលោកនាយករដ្ឋមន្ត្រី ហ៊ុនម៉ាណែត។សម្តេចហ៊ុនម៉ាណែតនិងគណៈប្រតិភូក៏នឹងដាក់កម្រងផ្កានៅស្តូបរំលឹកវិញ្ញាណក្ខន្ធនិងវីរជននិងទស្សនាវិមានប្រធានាធិបតីហូជីមិញផងដែរ។ជាពិសេសនាយករដ្ឋមន្ត្រីទាំង២ក៏នឹងមានសកម្មភាពក្រៅឆាកមួយចំនួនដូចជាការប្រាស្រ័យទាក់ទងជាមួយសាស្ត្រាចារ្យនិងនិស្សិតនៃសាកលវិទ្យាល័យពាណិជ្ជកម្មបរទេស។ ចូលរួមវេទិកាជំរុញការវិនិយោគ និងពាណិជ្ជកម្មវៀតណាម-កម្ពុជា៕

សម្តេចនាយករដ្ឋមន្ត្រី ហ៊ុន ម៉ាណែត បានណែនាំសមាជិកគណៈប្រតិភូកម្ពុជាជូនលោកនាយករដ្ឋមន្ត្រី Pham Minh Chinh។ ទំនាក់ទំនងសហប្រតិបត្តិការរវាងក្រសួង ស្ថាប័ន និងមូលដ្ឋាននៃប្រទេសទាំងពីរជាមួយនឹងយន្តការកិច្ចសហប្រតិបត្តិការជាក់ស្តែងកំពុងត្រូវបានអនុវត្តកាន់តែមានប្រសិទ្ធភាព ដែលនាំមកនូវកិច្ចសហប្រតិបត្តិការលើគ្រប់វិស័យកាន់តែស៊ីជម្រៅថែមទៀត។ រូបថត៖ TTXVN