​អាកាស​​យានដ្ឋានអន្តរជាតិ​សៀមរាប​អង្គរចា​ប់ផ្តើមដំណើ​រ​ហើយ

 នាព្រឹកថ្ងៃទី១៦ខែតុលាឆ្នាំ២០២៣នេះអាកាសយាន្តដ្ឋានអន្តរជាតិសៀមរាបអង្គរនៅ​ស្រុកសូទ្រនិគមចាប់ផ្តើមបើកដំណើរការទទួលជើងហោះហើរលើកដំបូង ជាផ្លូវការហើយ ដោយយន្តហោះដែលចុះចតដំបូង គឺរបស់ក្រុមហ៊ុនបាងកកអ៊ែរវេនិងមានការចុះពីបណ្តាយន្តហោះផ្សេងៗជាបន្តបន្ទាប់ទៀត។ពិធី​ប្រកាស​បើក​ដំណើរការ​ជា​ផ្លូវការ​របស់​អាកាសយានដ្ឋាន​ថ្មី​ ​ធ្វើឡើង​នៅ​ព្រឹក​ថ្ងៃ​ទី​១​៦​ ​ខែ​តុលា​ ​ក្រោម​វត្តមាន​រដ្ឋ​ម​ន្រ្តី​ទី​ស្ដី​គណៈរដ្ឋ​ម​ន្រ្តី ​លោក​ ​វ​ង្សី ​វិស្សុត​ ​រដ្ឋ​ម​ន្រ្តី​ក្រសួង​ទេសចរណ៍​ ​លោក​ ​សុខ​ ​សូ​កេ​ន​ ​រដ្ឋ​ម​ន្រ្តី​ទទួលបន្ទុក​ ​រដ្ឋ​លេខាធិការដ្ឋាន​អាកាសចរ​ស៊ីវិល​ ​លោក​ ​ម៉ៅ​ ​ហា​វណ្ណា​ល់ ​អភិបាល​ខេត្ត​សៀមរាប​ជាដើម​និងមន្ត្រីក្រសួងស្ថាប័នពាក់ព័ន្ធ រួមទាំងក្រុមហ៊ុនវិនិយោគផងដែរ។លោកម៉ៅ ហាវណ្ណាល់ បានថ្លែងថា«អាកាសយានដ្ឋានអន្តរជាតិសៀមរាបអង្គ បានសាងសង់រួចរាល់ទាន់ពេលវេលានិងចំណាយទុនវិនិយោគដល់ទៅ១ ១០០ លានដុល្លារ គឺបានផ្តើមចេញសុទ្ធសាធពីគោលនយោបាយ នៃចំណងមិត្តភាពដែកថែប និងកិច្ចសហប្រតិបត្តិការត្បូងពេជ្រកម្ពុជា-ចិន ក្រោមគំនិតផ្តួចផ្តើមពីថ្នាក់ដឹកនាំរដ្ឋាភិបាលនៃប្រទេសទាំង២ ។

រូបភាពAKP

លោកឧបនាយករដ្ឋមន្ដ្រីប្រចាំការ វង្សី វិស្សុត បានថ្លែងអំណរគុណយ៉ាងជ្រាលជ្រៅ ចំពោះរដ្ឋាភិបាលចិន និងជាពិសេសការវិនិយោគលើអាកាសយានដ្ឋានអន្តរជាតិសៀមរាបអង្គរថ្មីនេះ ដែលជាមរតមនុស្សជាតិ ដែលជំរុញសេដ្ឋកិច្ច ពាណិជ្ជកម្ម វប្បធម៌ និងសង្គមសម្រាប់ប្រជាជាតិកម្ពុជា និងសមិទ្ធផលជាប្រវត្តិសាស្ត្រ ដែលបង្ហាញពីឆន្ទៈក្នុងកិច្ចសហប្រតិបត្តិការដែកថែបរវាងប្រទេសទាំង២។លោកឧបនាយករដ្ឋមន្រ្ដីប្រចាំការបានលើកឡើងថា៖«ក្នុងថ្ងៃជាប្រវត្តិសាស្ត្រនេះក្នុងនាមសម្តេចធិបតីនាយករដ្ឋមន្រ្តីខ្ញុំសូមជូនពរឱ្យមិត្តភាពនៃប្រទេសយើងទាំង២ (កម្ពុជា-ចិន) កាន់តែរឹងមាំខ្លាំងក្លា និងស្ថិតស្ថេរជាដរាប»។ លោកឧបនាយករដ្ឋមន្ដ្រីប្រចាំការ វង្សី វិស្សុត បានគូសបញ្ជាក់ទៀតថា អាកាសយានដ្ឋានអន្តរជាតិនេះ ត្រូវបានសាងសង់ជាប្រភេទខ្នាតធំកម្រិត 4E ក្នុងដំណាក់កាលដំបូងនិងគ្រោងអភិវឌ្ឍន៍ទៅជាកម្រិត 4F ក្នុងដំណាក់កាលទី២ ដែលត្រូវបានសាងសង់លើផ្ទៃដីសរុប៧០០០៦ ហិកតានិងបម្រុងដីប្រមាណ ១ ០០០ ហិកតា សម្រាប់កសាងតំបន់សេដ្ឋកិច្ចពិសេសឬតំបន់ឧស្សាហកម្មរណប ឱ្យអាកាសយានដ្ឋានអន្តរជាតិថ្មី ដែលហៅថា «ទីក្រុងអាកាសយានដ្ឋាន (Airport city)» នាពេលខាងមុខ។ អាកាសយានដ្ឋានអន្តរជាតិសៀមរាបអង្គរ មានទីតាំងស្ថិតនៅភូមិក្រៀលពង ឃុំពពេល និងភូមិប្រវ៉ាល ឃុំតាយ៉ែក ស្រុកសូទ្រនិគម ខេត្តសៀមរាប ចម្ងាយពីប្រាសាទអង្គរវត្ត ៤០គីទ្បូម៉ែត្រនិង ៥១គីទ្បូម៉ែត្រពីក្រុងសៀមរាប។អាកាសយានដ្ឋាន​អន្តរជាតិ​សៀមរាប​អង្គរ​ ​មាន​ចំណត​សម្រាប់​យន្តហោះ​ចត​ចំនួន​៣​៨​ ​ចំណត​ ​មាន​សមត្ថភាព​ទទួល​អ្នកដំណើរ​ ​តាម​ផ្លូវអាកាស​បាន​ ​៧​លាន​នាក់​ ​ក្នុង​ឆ្នាំ​២​០​២​៤​ ​និង​១​២​ ​លាន​នាក់​ក្នុង​ឆ្នាំ​២​០​៤​០​ខាងមុខ​។​ ​អាកាសយានដ្ឋាន​នេះ​ ​ក៏មាន​សមត្ថភាព​ផ្ទុក​ទំនិញ​ ​តាមផ្លូវ​ ​អាកាស​បាន​ចំនួន​១​០​,​០​០​០​តោន​ ​ក្នុង​ឆ្នាំ​២​០​២​៤​ ​និង​ ​២​៦​,​០​០​០​ ​តោន​ក្នុង​ឆ្នាំ​២​០​៤​០​ ​ខាងមុខ​ ​និង​អាច​ទទួល​ ​ជើង​ហោះ​ ​ហើរ​បាន​ចំនួន​៦​៥​,​៨​០​០​ជើង​ក្នុង​ឆ្នាំ​២​០​២​៤​ ​និង​១​១​២​,​៧​០​០​ ​ជើង​ ​ក្នុង​ឆ្នាំ​២​០​៤​០​។ សម្រាប់ពីធីសម្ពោធជាផ្លូវការ អាកាសយាន្តដ្ឋានអន្តរជាតិថ្មីនេះ នឹងត្រូវធ្វើឡើងនៅថ្ងៃទី១៦ ខែវិច្ឆិកា ឆ្នាំ២០២៣ខាងមុខនេះ ក្រោមអធិបតីភាព សម្តេចធិបតី ហ៊ុន ម៉ាណែតនាយករដ្ឋមន្ត្រីនៃកម្ពុជា៕