ប្រទេស​ចំនួ​ន​​៥នៅអឺ​រ៉ុបច​ង់ប​ន្តកា​រ​ហាម​​ឃាត់គ្រា​ប់​​ធញ្ញជាតិ​​អ៊ុ​យក្រែន

 ប្រទេសប៉ូឡូញ ប៊ុលហ្គារី ហុងគ្រី ស្លូវ៉ាគី និងរូម៉ានី បានអំពាវនាវឱ្យសហភាពអឺរ៉ុបអនុញ្ញាតឱ្យពួកគេបន្តការហាមឃាត់ការនាំចូលគ្រាប់ធញ្ញជាតិរបស់អ៊ុយក្រែនដែលផុតកំណត់នៅថ្ងៃទី១៥ខែកញ្ញា។

នាយករដ្ឋមន្ត្រីប៉ូឡូញ លោក Mateusz Morawiecki នៅទីក្រុង Warsaw ថ្ងៃទី៥ខែកក្កដា។ រូបថត៖ AFP

រដ្ឋមន្ត្រីក្រសួងកសិកម្មប៉ូឡូញលោក Robert Telus បាននិយាយកាលពីថ្ងៃទី១៩ខែកក្កដាថា"យើងបានចុះហត្ថលេខាលើសេចក្តីថ្លែងការណ៍រួមរបស់ប្រទេសចំនួន៥ស្តីពីការបន្តការហាមឃាត់ការនាំចូលគ្រាប់ធញ្ញជាតិពីអ៊ុយក្រែនរហូតដល់ដំណាច់ឆ្នាំនេះ"។នាយករដ្ឋមន្ត្រីប៉ូឡូញ Mateusz Morawiecki នៅថ្ងៃដដែលបានអំពាវនាវឱ្យសហភាពអឺរ៉ុប (EU) អនុញ្ញាតឱ្យខ្លួនពង្រីកការរឹតបន្តឹងលើគ្រាប់ធញ្ញជាតិអ៊ុយក្រែន។ Morawieckiបាននិយាយថា"ទាំងគណៈកម្មការអឺរ៉ុបយល់ព្រមបន្តការហាមឃាត់នេះឬយើងនឹងធ្វើវាដោយខ្លួនឯង" ។នាយករដ្ឋមន្ត្រីប៉ូឡូញបានបញ្ជាក់ថាសំណើរបស់ទីក្រុងវ៉ារស្សាវ៉ា មិនមែនសំដៅប្រឆាំងនឹងជនជាតិអ៊ុយក្រែននោះទេគឺគ្រាន់តែការពារផលប្រយោជន៍របស់កសិករប៉ូឡូញប៉ុណ្ណោះ។លោក Morawiecki បានបន្ថែមថា ប្រទេសប៉ូឡូញនៅតែអនុញ្ញាតឱ្យគ្រាប់ធញ្ញជាតិអ៊ុយក្រែនឆ្លងកាត់ប្រទេសមួយទៅប្រទេសមួយទៀត"ដោយសារតែវាមិនបង្កហានិភ័យនៃអស្ថិរភាពទីផ្សារក្នុងស្រុក"។ការនាំចេញគ្រាប់ធញ្ញជាតិរបស់អ៊ុយក្រែនតាមរយៈសមុទ្រខ្មៅត្រូវបានរំខានចាប់តាំងពីប្រទេសរុស្ស៊ីបានចាប់ផ្តើមយុទ្ធនាការយោធានៅក្នុងខែកុម្ភៈឆ្នាំ២០២២ដែលធ្វើឱ្យគៀវកាន់តែពឹងផ្អែកលើផ្លូវដឹកជញ្ជូនឆ្លងកាត់អឺរ៉ុបខាងកើត។ បន្ទាប់មកគ្រាប់ធញ្ញជាតិអ៊ុយក្រែនត្រូវបានដឹកជញ្ជូនតាមរយៈសហភាពអឺរ៉ុបទៅកាន់ប្រទេសផ្សេងទៀតរួមទាំងទ្វីបអាហ្វ្រិកផងដែរ។សហភាពអឺរ៉ុបក្នុងខែមិថុនាឆ្នាំ២០២២បានដកពន្ធនិងកូតាទាំងអស់លើការនាំចេញគ្រាប់ធញ្ញជាតិរបស់អ៊ុយក្រែនទៅកាន់ប្រទេសសមាជិកចំនួន២៧ដើម្បីសម្រួលដល់ការគាំទ្រសម្រាប់ប្រទេសនេះ។ ទោះយ៉ាងណាក៏ដោយ បរិមាណដ៏ច្រើននៃគ្រាប់ធញ្ញជាតិអ៊ុយក្រែនត្រូវបានជាប់គាំងនៅក្នុងបណ្តាប្រទេសអឺរ៉ុបខាងកើត។ កសិករនៅប្រទេសប៉ូឡូញ ប៊ុលហ្គារី ហុងគ្រី ស្លូវ៉ាគី និងរូម៉ានីបានបន្ទោសការនាំចូលគ្រាប់ធញ្ញជាតិថោកពីអ៊ុយក្រែនថាជាមូលហេតុនៃការលំបាកសម្រាប់ផលិតផលក្នុងស្រុក។សហភាពអឺរ៉ុប (EU) កាលពីថ្ងៃទី២ខែឧសភាបានអនុញ្ញាតឱ្យប្រទេសទាំង៥ដែលបានរៀបរាប់ខាងលើហាមឃាត់ការលក់ស្រូវសាលីអ៊ុយក្រែន ពោត ប្រេងនិងគ្រាប់ផ្កាឈូករ័ត្ននៅក្នុងប្រទេស ។ប៉ុន្តែបានអនុញ្ញាតឱ្យគ្រាប់ធញ្ញជាតិអ៊ុយក្រែនឆ្លងកាត់សម្រាប់ការនាំចេញទៅកាន់កន្លែងផ្សេងទៀត រួមទាំងប្រទេសសហភាពអឺរ៉ុបផងដែរ។ សហភាពកាលពីខែមិថុនាបានយល់ព្រមបន្តការរឹតបន្តឹងនេះរហូតដល់ថ្ងៃទី ១៥ ខែកញ្ញា។ប្រធានាធិបតីអ៊ុយក្រែនលោក Zelensky បានហៅការហាមឃាត់របស់ប្រទេសទាំងប្រាំ៥របស់សហភាពអឺរ៉ុបលើគ្រាប់ធញ្ញជាតិថា "ឃោរឃៅ" និង "ខកចិត្ត" ក្នុងអំឡុងពេលនៃអរិភាព។ លោក​មាន​ជំនឿ​ថាវិធានការ​ទាំង​នេះ​នឹង​ផ្តល់​ប្រយោជន៍​ដល់​រុស្ស៊ី​តែ​ប៉ុណ្ណោះ៕ប្រភពAFP