អ៊ីរ៉ង់ប្រហា​រ​ជីវិតអតី​តអ​នុរដ្ឋមន្ត្រីការពា​រ​ជាតិ(​CNN,AFP)

អ៊ីរ៉ង់​បាន​ប្រហារជីវិត​អតីត​អនុរដ្ឋមន្ត្រី​ការពារជាតិ​ម្នាក់​ដោយ​ចោទប្រកាន់​ថា​ផ្តល់​ព័ត៌មាន​ដល់​ចារកម្ម​អង់គ្លេស។ប្រព័ន្ធផ្សព្វផ្សាយរដ្ឋអ៊ីរ៉ង់បានប្រកាសកាលពីថ្ងៃទី១៤ខែមករាថាAlireza Akbari អតីតអនុរដ្ឋមន្ត្រីការពារជាតិត្រូវបានប្រហារជីវិតពីបទធ្វើចារកម្មឱ្យចក្រភពអង់គ្លេស។លោក Akbari គឺជាអតីតប្រធានវិទ្យាស្ថានសម្រាប់ការសិក្សាយុទ្ធសាស្ត្រនិងជាសមាជិកនៃទីភ្នាក់ងារអនុវត្តដំណោះស្រាយរបស់អង្គការសហប្រជាជាតិដើម្បីបញ្ចប់សង្រ្គាមអ៊ីរ៉ង់-អ៊ីរ៉ាក់ក្នុងទសវត្សរ៍ឆ្នាំ១៩៨០។Alireza Akbari មានសញ្ជាតិអង់គ្លេសនិងអ៊ីរ៉ង់។ តុលាការ​ក្រុង​តេអេរ៉ង់​ធ្លាប់​បាន​រក​ឃើញ​ថា​លោក​មាន​ទោស​ពី​បទ​ចារកម្ម និង​អំពើ​ពុករលួយ។ ទោសប្រហារជីវិតត្រូវបានប្រកាសនៅថ្ងៃទី១១ ខែមករា។ តុលាការ​កំពូល​របស់​អ៊ីរ៉ង់​បាន​តម្កល់​ការ​កាត់ទោស​នេះ​បន្ទាប់​ពី​បាន​បញ្ចប់​សំណុំរឿង​នេះ​ថា​មាន "ភស្តុតាង​គួរ​ឱ្យ​ជឿជាក់​បាន​គ្រប់គ្រាន់"។ លោក Akbari បានបដិសេធការចោទប្រកាន់ទាំងអស់។ទីភ្នាក់ងារស៊ើបអង្កេតអ៊ីរ៉ង់បាននិយាយថា Akbari បានសហការជាមួយទីភ្នាក់ងារស៊ើបការណ៍សម្ងាត់អង់គ្លេសMI6ដោយទទួលបានប្រាក់កម្រៃជារូបិយប័ណ្ណបរទេសផ្សេងៗដែលមានតម្លៃសរុបជាង២លានដុល្លារ។អាជ្ញាធរអ៊ីរ៉ង់បានចោទប្រកាន់ Alireza Akbari ពីបទលក់ព័ត៌មានអំពីបុគ្គលសំខាន់ៗចំនួន១៧៨នៅក្នុងប្រទេសរួមទាំងព័ត៌មានអំពីអ្នកវិទ្យាសាស្ត្រនុយក្លេអ៊ែរ Mohsen Fakhrizadeh ផងដែរ។ អ្នកវិទ្យាសាស្ត្រត្រូវបានគេធ្វើឃាតនៅឆ្នាំ ២០២០ ជាមួយនឹងកាំភ្លើងយន្តបញ្ជាពីចម្ងាយ។ អ៊ីរ៉ង់​បាន​ចោទប្រកាន់​ចារកម្ម​អ៊ីស្រាអែល​ថា​ជា​អ្នក​នៅ​ពី​ក្រោយ​ការ​បាញ់​ប្រហារ​នេះ។ប៉ុន្តែ​មិន​បាន​បង្ហាញ​ភស្តុតាង​ពាក់ព័ន្ធ​ណាមួយ​ឡើយ។ទីភ្នាក់ងារសារព័ត៌មាន IRNA របស់អ៊ីរ៉ង់ បាននិយាយថា លោក Akbari សហការជាមួយភ្នាក់ងារស៊ើបការណ៍បរទេស តាមរយៈក្រុមហ៊ុនស្រាវជ្រាវផ្ទាល់ខ្លួនរបស់លោកដែលមានទំនាក់ទំនងផ្ទាល់ជាមួយវិទ្យាស្ថានស្រាវជ្រាវនៅទីក្រុងឡុងដ៍ ដែលដឹកនាំដោយមន្ត្រីចារកម្មអង់គ្លេស។ ទីក្រុងតេអេរ៉ង់បានចោទប្រកាន់ Akbari ថាបានជួបម្តងហើយម្តងទៀតជាមួយមន្ត្រី MI6 និងអតីតឯកអគ្គរដ្ឋទូតអង់គ្លេស Richard Dalton ។ប្រព័ន្ធផ្សព្វផ្សាយអ៊ីរ៉ង់បាននិយាយថាលោក Akbari ត្រូវបានចាប់ខ្លួន "មួយរយៈ" ខណៈដែល BBC បាននិយាយថាលោកត្រូវបានឃុំខ្លួនតាំងពីឆ្នាំ២០១៩។នាយករដ្ឋមន្ត្រីអង់គ្លេស Rishi Sunak បាននិយាយថា លោកមានការភ្ញាក់ផ្អើលចំពោះការប្រហារជីវិតនេះ ហើយបានចូលរួមរំលែកទុក្ខដល់មិត្តភ័ក្តិ និងសាច់ញាតិរបស់ Akbari។ លោក​ក៏​បាន​រិះគន់​រដ្ឋាភិបាល​អ៊ីរ៉ង់​ថា​មិន​គោរព​សិទ្ធិ​មនុស្ស​។ក្រសួងការបរទេសបារាំងបានថ្កោលទោសការប្រហារជីវិតលោក Alireza Akbari និងបានកោះហៅឯកអគ្គរដ្ឋទូតអ៊ីរ៉ង់នៅទីក្រុងប៉ារីសដើម្បីតវ៉ា។ រដ្ឋាភិបាល​បារាំង​បាន​ព្រមាន​ថា​ខ្លួន​នឹង​មិន​បិទភ្នែក​ចំពោះ​ការ​បំពាន​ច្បាប់​អន្តរជាតិ​ដោយ​អ៊ីរ៉ង់​ជាប់​រហូត​ទាក់ទង​នឹង​ការ​ប្រព្រឹត្ត​ចំពោះ​ជនបរទេស​ដែល​ត្រូវ​បាន​ឃុំខ្លួន​ដោយ​គ្មាន​មូលហេតុ៕

អតីតអនុរដ្ឋមន្ត្រីការពារជាតិអ៊ីរ៉ង់ Alireza Akbari មុនពេលចាប់ខ្លួនលោកក្នុងឆ្នាំ២០១៩។ រូបថត៖ Reuters។

_______________________________________________________________________________

សេចក្តីជូនដំណឹងP EXPRESS Logistics

P EXPRESS Logistics ត្រូវការជ្រើសរើសដៃគូសហការបន្ថែមរហូតទៅដល់២៥០សាខា គ្រប់ខេត្ត/ក្រុង/ស្រុក/ឃុំ/សង្កាត់ ។🤝P Expressចូលរួមសហការជាមួយពួកយើងឥឡូវនេះដើម្បីកសាងអនាគតដ៏ប្រសើរជាមួយគ្នា ។លោកអ្នកគ្រាន់តែមានទីតាំងមានភ្ញៀវត្រូវការឥវ៉ាន់ត្រូវដឹកជញ្ជូននោះលោកអ្នកនឹងអាចក្លាយជាដៃគូសហការរបស់ពួកយើង ។🤝សហការជាមួយពួកយើងលោកអ្នកនឹងមានអត្ថប្រយោជន៍រយៈពេលវែងនិងយូរអង្វែង ។👉យើងនឹងមានគោលនយោបាយផ្ដល់ជូនពិសេសដើម្បីធ្វើយ៉ាងណាឲ្យម្ចាស់ហាងទទួលបានផលចំណេញច្រើន។🚚PExpressមានសាខាទូទាំងប្រទេសមានប្រព័ន្ធទីផ្សារនិងការធានាគុណភាពងាយស្រួលអាចពង្រីកទៅគ្រប់ទីកន្លែងនៃប្រទេសកម្ពុជា ។

👉ព័ត៌មានបន្ថែម0978593132.077313276