សហរដ្ឋអាមេរិក​ចំណាយ១៣៤លានដុល្លារដើម្បីបញ្ជូនកងទ័ពទៅកា​ន់ទីក្រុង Los AngelesលោកT​rumpនិយាយអំ​ពីការបញ្ជាដ៏ចម្រូងច​ម្រាស

មន្ត្រីជាន់ខ្ពស់មន្ទីរបញ្ចកោណបានលាតត្រដាងថាការចល័តកងឆ្មាំជាតិ និងកងម៉ារីនដើម្បីឆ្លើយតបនឹងការតវ៉ានៅទីក្រុងLos Angelesនឹងធ្វើឱ្យក្រសួងការពារជាតិអាមេរិកខាតបង់រហូតដល់១៣៤លានដុល្លារ។ថ្លែងនៅក្នុងសវនាការនៅចំពោះមុខអនុគណៈកម្មាធិការរៀបចំការពារជាតិរបស់សភាតំណាងរាស្រ្តអាមេរិកកាលពីថ្ងៃទី១០ខែមិថុនា លោក Bryn MacDonnell ជំនួយការពិសេសរបស់រដ្ឋមន្ត្រីការពារជាតិ និងជាមន្ត្រីអនុវត្តការងារសវនកម្មរបស់អនុរដ្ឋមន្ត្រីការពារជាតិបាននិយាយថា "ការចំណាយប៉ាន់ស្មានបច្ចុប្បន្នគឺ១៣៤លានដុល្លារអាមេរិក ដែលភាគច្រើនគ្រាន់តែជាការចំណាយលើលំនៅដ្ឋាន ការធ្វើដំណើរ បេសកកម្ម អាហារ។នៅពេលដែលតំណាងរាស្រ្តប្រជាធិបតេយ្យ Pete Aguilar សួរថាតើលុយបានមកពីណា លោក MacDonnell បាននិយាយថា វាបានមកពី "គណនីផ្សេងទៀត (ប្រតិបត្តិការនិងការថែទាំ)"។

យោងតាមសារព័ត៌មាន CNN លោកMacDonnellបានផ្តល់សក្ខីកម្មនៅចំពោះមុខអនុគណៈកម្មាធិការសមរភូមិការពារជាតិ រួមជាមួយរដ្ឋមន្រ្តីក្រសួងការពារជាតិ លោក Pete Hegseth និងជាប្រធានអគ្គសេនាធិការចម្រុះ លោកឧត្តមសេនីយ៍ Dan Caine។ លោក Hegseth បានប្រាប់សមាជិកសភាថាការដាក់ពង្រាយកងឆ្មាំជាតិ និងកងម៉ារីនទៅកាន់ទីក្រុង Los Angeles រដ្ឋកាលីហ្វ័រញ៉ា នឹងមានរយៈពេល៦០ថ្ងៃ ហើយថាការិយាល័យរបស់លោកកំពុងធានាថា ពួកគេត្រូវបាន"ស្នាក់នៅផ្តល់អាហារនិងផ្តល់ធនធានគ្រប់គ្រាន់ដើម្បីបំពេញបេសកកម្មរបស់ពួកគេ" ។ការតវ៉ាប្រឆាំងនឹងទីភ្នាក់ងារអនុវត្តច្បាប់អន្តោប្រវេសន៍ និងគយរបស់សហរដ្ឋអាមេរិក(ICE)ដែលចាប់ខ្លួនជនអន្តោប្រវេសន៍ដែលគ្មានឯកសារនៅក្នុងទីក្រុង Los Angeles ក្រោមការបញ្ជាឱ្យនិរទេសរបស់ប្រធានាធិបតី DonaldTrumpបានចាប់ផ្តើមនៅថ្ងៃទី៦ខែមិថុនាហើយបានរីករាលដាលទៅជាភាពចលាចល។លោកTrumpបានបញ្ជាឱ្យមានការចល័តទ័ពឆ្មាំជាតិចំនួន២,០០០នាក់ ខណៈដែលមន្ទីរបញ្ចកោណបានដាក់ពង្រាយកងម៉ារីនចំនួន៧០០ នាក់ទៅកាន់ទីក្រុងដើម្បីជួយដល់ ICE ក្នុង "ការលុបបំបាត់កុបកម្ម" ។

នៅក្នុងការបង្ហោះនៅលើ Truth Social កាលពីថ្ងៃទី១០ខែមិថុនា លោកប្រធានាធិបតីTrumpបានសរសេរថាប្រសិនបើលោកមិនបានពង្រាយកងទ័ពទៅកាន់ទីក្រុង Los Angeles កាលពីចុងសប្តាហ៍មុនទេ “ទីក្រុងដ៏អស្ចារ្យ និងស្រស់ស្អាតនោះនឹងត្រូវឆេះដល់ដីនៅពេលនេះ” ។មេដឹកនាំសេតវិមានក៏បានរិះគន់អភិបាលរដ្ឋកាលីហ្វ័រញ៉ាលោក Gavin Newsom និងអភិបាលក្រុង Los Angeles លោក Karen Bass ចំពោះការឆ្លើយតបរបស់ពួកគេចំពោះវិបត្តិនេះ។នៅក្នុងបទសម្ភាសន៍ជាមួយទូរទស្សន៍ CNN លោកស្រី Tricia McLaughlin មន្ត្រីម្នាក់មកពីក្រសួងសន្តិសុខមាតុភូមិរបស់សហរដ្ឋអាមេរិក បាននិយាយថា ស្ថានភាពនៅក្នុងទីក្រុង Los Angeles គឺ "ស្ងប់ស្ងាត់" ដោយសារវត្តមានរបស់ឆ្មាំជាតិ៕ពុតសាមាត់