លោកTrumpនិ​យា​យអំពីសំណើរ​បស់ប្រធានាធិ​បតីរុស្ស៊ីសម្រាប់ប​ទ​ឈប់បាញ់រយៈពេ​ល​៣ថ្ងៃនៅ​អ៊ុយក្រែន

ព្រឹត្តិការណ៍៖ស្ថានភាពសង្គ្រាមរុស្ស៊ី-អ៊ុយក្រែន

ប្រធានាធិបតីអាមេរិកលោកDonaldTrumpបានហៅសំណើរបស់សមភាគីរុស្ស៊ីលោកVladimirPutinសម្រាប់បទឈប់បាញ់រយៈពេល៣ថ្ងៃនៅអ៊ុយក្រែនថាជាជំហានដ៏សំខាន់ឆ្ពោះទៅរកសន្តិភាព។

លោក Trump បានប្រាប់អ្នកយកព័ត៌មាននៅក្នុងការិយាល័យOvalនៃសេតវិមានកាលពីថ្ងៃទី៥ខែឧសភាថា"ដូចដែលអ្នកបានដឹងហើយថាប្រធានាធិបតីPutin ទើបតែបានប្រកាសបទឈប់បាញ់រយៈពេល៣ថ្ងៃ។ នោះប្រហែលជាមិនដូចអ្វីច្រើនទេ។ប៉ុន្តែវាគឺជាកិច្ចព្រមព្រៀងដ៏ធំមួយ ។ប្រសិនបើអ្នកដឹងពីកន្លែងដែលយើងចាប់ផ្តើម"។ក្រោយ​មក ប្រធានាធិបតី​សហរដ្ឋ​អាមេរិក​បាន​បង្ហាញ​សុទិដ្ឋិនិយម​អំពី​ការ​រំពឹង​ទុក​ក្នុង​ការ​ឈាន​ដល់​កិច្ច​ព្រមព្រៀង​សន្តិភាព​នៅ​ពេល​ខាង​មុខ។លោកTrump បាននិយាយថា"ខ្ញុំគិតថាយើងស្ថិតក្នុងជំហរដ៏ល្អមួយក្នុងការដោះស្រាយជម្លោះ។រុស្ស៊ីចង់ដោះស្រាយជម្លោះហើយអ៊ុយក្រែនចង់ដោះស្រាយជម្លោះ។ប្រសិនបើខ្ញុំមិនមែនជាប្រធានាធិបតីទេគ្មាននរណាម្នាក់នឹងដោះស្រាយបញ្ហានេះទេ" ។ប្រធានាធិបតីរុស្ស៊ី លោកPutinបានប្រកាសបទឈប់បាញ់ "មនុស្សធម៌" រយៈពេល៣ថ្ងៃ នៅថ្ងៃទី៨-១០ខែឧសភា ក្នុងប្រទេសអ៊ុយក្រែនកាលពីដើមសប្តាហ៍មុន ដើម្បីប្រារព្ធខួបលើកទី៨០នៃជ័យជំនះលើពួកណាស៊ីអាល្លឺម៉ង់ ក្នុងសង្គ្រាមលោកលើកទី២(ថ្ងៃទី៩ឧសភា)។យោងតាមមេដឹកនាំវិមានក្រឹមឡាំងរុស្ស៊ីនឹងផ្អាករាល់សកម្មភាពយោធាក្នុងអំឡុងពេលនោះ។លោក​ក៏​បាន​សង្កត់​ធ្ងន់​ថាប្រសិន​បើ​អ៊ុយក្រែន​បំពាន​បទ​ឈប់​បាញ់​នោះកម្លាំង​របស់​ក្រុង​ម៉ូស្គូ​នឹង​ឆ្លើយ​តប​។

ប្រធានាធិបតី​សហរដ្ឋ​អាមេរិក Donald Trump កាល​ពី​ថ្ងៃ​ទី ៥ ខែ​ឧសភា។ រូបភាព៖ White House

នៅក្នុងសេចក្តីថ្លែងការណ៍មួយ នៅថ្ងៃដដែលនោះប្រធានាធិបតីអ៊ុយក្រែន លោកVolodymyrZelenskyបានចោទប្រកាន់ថានេះគឺជាការប៉ុនប៉ងមួយទៀតដើម្បីរៀបចំដោយរុស្ស៊ី។លោក Zelensky បាននិយាយថា "នេះគឺជាការប៉ុនប៉ងមួយផ្សេងទៀតដើម្បីរៀបចំដោយហេតុផលខ្លះ មនុស្សគ្រប់គ្នាត្រូវរង់ចាំរហូតដល់ថ្ងៃទី៨ឧសភា ហើយមានតែឈប់បាញ់ ទើបរុស្ស៊ីមានសន្តិភាពក្នុងអំឡុងពេលព្យុហយាត្រា។យើងឱ្យតម្លៃលើជីវិតមនុស្ស មិនមែនក្បួនដង្ហែរទេ។ខ្ញុំចង់បានបទឈប់បាញ់ភ្លាមៗ ពេញលេញនិងគ្មានលក្ខខណ្ឌ" Zelensky បាននិយាយ៕ពុតសាម៉ាត់