លោកTrumpព្រមាន​អំពីសកម្មភាពយោធា​ទោះបីជាមានសុទិដ្ឋិនិយ​មអំពីកិច្ចចរចានុយក្លេអ៊ែរជាមួយ​អ៊ីរ៉ង់ក៏ដោយ

ប្រធានាធិបតីអាមេរិកលោកDonaldTrumpបានសម្តែងសុទិដ្ឋិនិយមអំពីកិច្ចចរចានុយក្លេអ៊ែរដែលកំពុងបន្តជាមួយប្រទេសអ៊ីរ៉ង់។ប៉ុន្តែបានព្រមានថា ជម្រើសយោធានៅតែមានប្រសិនបើការទូតបរាជ័យ។

ប្រធានាធិបតីអាមេរិក Donald Trump ។ រូបថត៖ New York Times 

យោងតាមសារព័ត៌មាន Newsweek កិច្ចចរចានុយក្លេអ៊ែរជុំទី៥ រវាងសហរដ្ឋអាមេរិក និងអ៊ីរ៉ង់ ដែលសម្របសម្រួលដោយប្រទេសអូម៉ង់នៅទីក្រុងរ៉ូម បានបញ្ចប់នៅថ្ងៃទី២៣ខែឧសភា។នៅថ្ងៃទី២៥ខែឧសភា លោក Trump បាននិយាយថា ភាគីមានការចរចាល្អណាស់។ លោក Trump បានព្រមានថា "ខ្ញុំមិនដឹងថាខ្ញុំនឹងប្រាប់អ្នកពីរឿងល្អឬអាក្រក់ក្នុងរយៈពេលពីរថ្ងៃខាងមុខ ។ប៉ុន្តែខ្ញុំមានអារម្មណ៍ថាខ្ញុំអាចប្រាប់អ្នកពីរឿងល្អបាន។ខ្ញុំចង់ឃើញរឿងនោះកើតឡើងព្រោះខ្ញុំមិនចង់ឃើញការទម្លាក់គ្រាប់បែកនិងមនុស្សស្លាប់" លោក Trump បានព្រមានថាសហរដ្ឋអាមេរិកនៅតែមានជម្រើសយោធា។ប្រសិនបើការទូតបរាជ័យ។ទន្ទឹមនឹងនោះរដ្ឋមន្ត្រីការបរទេសអ៊ីរ៉ង់ លោក Abbas Araghchi បានហៅការចរចាជុំទី៥ថាជា “ជុំនៃការចរចាប្រកបដោយវិជ្ជាជីវៈបំផុតមួយ”។ លោក​បាន​សង្កត់​ធ្ងន់​ថាក្រុង​តេអេរ៉ង់​បាន​ធ្វើ​សេចក្តី​ថ្លែងការណ៍​ដ៏​ម៉ឺងម៉ាត់​មួយ​អំពី​ជំហរ​របស់​ខ្លួន។បញ្ហាចម្បងមួយសម្រាប់ចរចាគឺកម្មវិធីចម្រាញ់សារធាតុអ៊ុយរ៉ាញ៉ូម។ អ៊ីរ៉ង់បាននិយាយថាខ្លួននឹងបន្តដោយមាន ឬគ្មានកិច្ចព្រមព្រៀងជាមួយអាមេរិក។ អាមេរិក​ក៏បាន​ស្នើ​ឲ្យ​អ៊ីរ៉ង់​បញ្ឈប់​ទាំងស្រុង​នូវ​ការ​ចម្រាញ់​សារធាតុ​អ៊ុយរ៉ាញ៉ូម។វឌ្ឍនភាពក្នុងកិច្ចចរចានុយក្លេអ៊ែររវាងសហរដ្ឋអាមេរិកនិងអ៊ីរ៉ង់ និងលទ្ធភាពនៃកិច្ចព្រមព្រៀងមួយនឹងជួយបន្ធូរបន្ថយភាពតានតឹងនៅមជ្ឈិមបូព៌ា កាត់បន្ថយហានិភ័យនៃការរីកសាយភាយនុយក្លេអ៊ែរនិងត្រួសត្រាយផ្លូវសម្រាប់ការអភិវឌ្ឍន៍សេដ្ឋកិច្ច។ប៉ុន្តែរហូតមកដល់ពេលនេះការចម្រាញ់សារធាតុអ៊ុយរ៉ានីញ៉ូមនៅតែជាឧបសគ្គចម្បងក្នុងដំណើរការចរចាពីព្រោះអ៊ីរ៉ង់ហៅវាថាជាបញ្ហាអធិបតេយ្យភាពខណៈដែលអាមេរិកមើលឃើញថាវាជាផ្លូវឆ្ពោះទៅរកការធ្វើសព្វាវុធ៕ពុតសាម៉ាត់