អ៊ុយក្រែនព្រមា​នពីគ្រោះថ្នាក់ពីបេឡារុស្ស​លោកTrump​ជឿថារុស្ស៊ីចង់បា​នសន្តិភាព

ព្រឹត្តិការណ៍៖ស្ថានភាពសង្គ្រាមរុស្ស៊ី-អ៊ុយក្រែន

លោក Zelensky បាន​ព្រមាន​ថាទីក្រុង​ម៉ូស្គូ​អាច​បើក​ការ​វាយ​ប្រហារ​ថ្មី​តាម​រយៈ​សមយុទ្ធ​យោធា​នៅ​ប្រទេស​បេឡារុស្ស។ប្រធានាធិបតី Trump ជឿថារុស្ស៊ីមិនស្វែងរកការគ្រប់គ្រងអ៊ុយក្រែនទាំងអស់នោះទេ។

កាសែត Kyiv Independent បានរាយការណ៍កាលពីថ្ងៃទី៣០ ខែមេសាថាប្រធានាធិបតីអ៊ុយក្រែនលោក Volodymyr Zelensky ថ្មីៗនេះបានព្រមានអំពីហានិភ័យពីសមយុទ្ធយោធារបស់រុស្ស៊ីនៅក្នុងប្រទេសបេឡារុស្ស។លោកZelenskyបាននិយាយថា"សូមផ្តោតលើប្រទេសបេឡារុស្សនៅរដូវក្តៅនេះប្រទេសរុស្ស៊ីកំពុងរៀបចំផែនការមួយចំនួនក្រោមឈ្មោះនៃសមយុទ្ធយោធា។ នោះគឺជាវិធីរបស់ទីក្រុងម៉ូស្គូក្នុងការបើកទិសដៅថ្មីនៃការវាយប្រហារ។ យើងត្រូវតែត្រៀមខ្លួនសម្រាប់សេណារីយ៉ូដែលអាចកើតមាន" ។

ប្រធានាធិបតីអ៊ុយក្រែនVolodymyr Zelensky ។រូបថត៖ X/@ZelenskyyUa

ជាមួយនឹងទីតាំងរបស់វានៅជាប់នឹងអ៊ុយក្រែនបេឡារុស្សបម្រើជាច្រករបៀងយុទ្ធសាស្ត្រដ៏សំខាន់រវាងទីក្រុងម៉ូស្គូនិងគៀវ។ ទោះបីជាមិនបានចូលរួមដោយផ្ទាល់នៅក្នុងប្រតិបត្តិការយោធាពិសេសក៏ដោយក៏បេឡារុស្សនៅតែអនុញ្ញាតឱ្យរុស្ស៊ីដាក់ពង្រាយកងទ័ព និងមីស៊ីលនៅលើទឹកដីរបស់ខ្លួន។កន្លងមក អគ្គមេបញ្ជាការអ៊ុយក្រែន លោក Oleksandr Syrsky ក៏បានធ្វើអត្ថាធិប្បាយថា សមយុទ្ធនៅប្រទេសបេឡារុស្សអាចត្រូវបានប្រើប្រាស់ដោយរុស្ស៊ី ជាមធ្យោបាយមួយដើម្បី«ពង្រាយកម្លាំងវាយលុកដោយស្ងាត់ៗ»។លោកSyrskyបាននិយាយថា"ការធ្វើសមយុទ្ធគឺជាហេតុផលដែលអាចទទួលយកបានបំផុតដើម្បីផ្លាស់ទីពង្រាយកងកម្លាំងឡើងវិញ និងប្រមូលផ្តុំកងទ័ពក្នុងទិសដៅជាក់លាក់មួយ"។នាថ្ងៃដដែល អ្នកនាំពាក្យវិមានក្រឹមឡាំង លោក Dmitry Peskovបានបញ្ជាក់ថា រុស្ស៊ីនឹងនៅតែខិតខំសម្រេចបានរាល់គោលដៅនៃប្រតិបត្តិការយោធាពិសេស។លោក Peskov បាននិយាយថា "ប្រធានាធិបតីPutinបាននិយាយថាប្រទេសរុស្ស៊ីនឹងសម្រេចបាននូវគោលដៅទាំងអស់នៃប្រតិបត្តិការពិសេស។យើងត្រូវតែការពារផលប្រយោជន៍ជាតិរបស់យើង។ទោះបីជាយ៉ាងណាក៏ដោយយើងអាចសម្រេចបាននូវគោលដៅទាំងនេះតាមរយៈការចរចានិងការទូត" ។

ប្រធានាធិបតីTrumpជឿថារុស្ស៊ីចង់បានសន្តិភាព

នៅក្នុងបទសម្ភាសន៍ជាមួយ ABC News នៅថ្ងៃទី២៩ខែមេសា ប្រធានាធិបតីអាមេរិក Donald Trump បាននិយាយថា រុស្ស៊ីចង់ស្វែងរកកិច្ចព្រមព្រៀងសន្តិភាពហើយនឹងមិនស្វែងរកការគ្រប់គ្រងអ៊ុយក្រែនទាំងអស់នោះទេ។លោក Trump បាននិយាយថា "ខ្ញុំគិតថាលោកប្រធានាធិបតីPutinចង់បានសន្តិភាព។ដោយសារការគោរពចំពោះខ្ញុំគាត់នឹងមិនព្យាយាមកាន់កាប់អ៊ុយក្រែនទាំងអស់នោះទេ។យោងតាមលោកប្រធានាធិបតីTrumpប្រទេសរុស្ស៊ីចង់រកវិធីដើម្បីបញ្ចប់ជម្លោះ។ប៉ុន្តែប្រហែលជាចេតនាពន្យារពេលដំណើរការចរចាសន្តិភាព។ រហូតមកដល់ពេលនេះកិច្ចខិតខំប្រឹងប្រែងរបស់លោក Trump ក្នុងការលើកកម្ពស់បទឈប់បាញ់គ្នារវាងរុស្ស៊ីនិងអ៊ុយក្រែនមិនទាន់ទទួលបានលទ្ធផលទម្លាយនៅឡើយ៕ពុតសាម៉ាត់