រុស្ស៊ី​និង​អ៊ុ​យក្រែន​ចាប់​ផ្តើម​ការ​ចរ​ចា​ផ្ទាល់​នៅ​ក្រុង​តួកគី

ព្រឹត្តិការណ៍៖ស្ថានភាពសង្គ្រាមរុស្ស៊ី-អ៊ុយក្រែន

គណៈប្រតិភូមកពីប្រទេសរុស្ស៊ីអ៊ុយក្រែននិងសហរដ្ឋអាមេរិកបានចាប់ផ្តើមកិច្ចចរចាដោយផ្ទាល់នៅទីក្រុងអ៊ីស្តង់ប៊ុលក្នុងកិច្ចប្រជុំសម្របសម្រួលដោយតួកគី។

យោងតាមRTការចរចាដោយផ្ទាល់រវាងគណៈប្រតិភូរុស្ស៊ីនិងអ៊ុយក្រែនបានចាប់ផ្តើមនៅថ្ងៃទី ១៦ ខែឧសភា នៅវិមាន Dolmabahce ក្នុងទីក្រុងអ៊ីស្តង់ប៊ុលប្រទេសតួកគី។ នេះ​ជា​ជំនួប​ទល់មុខ​គ្នា​លើកដំបូង​រវាង​គណៈប្រតិភូ​ក្រុង​គៀវនិង​ក្រុង​ម៉ូស្គូ បន្ទាប់ពី​ជម្លោះ​ជាង​៣​ឆ្នាំ​មកនេះ​។គណៈប្រតិភូអ៊ុយក្រែនរួមមានរដ្ឋមន្ត្រីការពារជាតិ Rustem Umerov រដ្ឋមន្ត្រីការបរទេស Andriy Sybiha ព្រមទាំងប្រធានការិយាល័យប្រធានាធិបតីអ៊ុយក្រែន Andriy Yermak ។ ទន្ទឹមនឹងនេះ គណៈប្រតិភូរុស្ស៊ីដឹកនាំដោយជំនួយប្រធានាធិបតី Vladimir Medinsky រួមជាមួយនឹងអនុរដ្ឋមន្ត្រីការបរទេស Mikhail Galuzin និងអនុរដ្ឋមន្ត្រីការពារជាតិ Aleksandr Fomin ។

គណៈប្រតិភូអាមេរិករួមមានរដ្ឋមន្ត្រីការបរទេស Marco Rubio ឯកអគ្គរដ្ឋទូតអាមេរិក Tom Barrack និងបេសកជនពិសេស Keith Kellogg ។ ប្រទេសម្ចាស់ផ្ទះតួកគីត្រូវបានតំណាងដោយរដ្ឋមន្ត្រីការបរទេស Fidan និងនាយកស៊ើបការណ៍ Ibrahim Kalın។យោងតាមទីភ្នាក់ងារព័ត៌មាន Interfax របស់រុស្ស៊ីអ្នកតំណាងទួរគីត្រូវបានគេរំពឹងថានឹងផ្តល់សុន្ទរកថាស្វាគមន៍ហើយបន្ទាប់មកចាកចេញពីកន្លែង។គណៈប្រតិភូអាមេរិកក៏នឹងមិនចូលរួមដោយផ្ទាល់នៅក្នុងដំណើរការពិភាក្សានេះដែរ។មុនពេលកិច្ចចរចាចាប់ផ្តើម មានសេចក្តីរាយការណ៍ថា រុស្ស៊ីបានស្នើឱ្យផ្លាស់ប្តូរយន្តការចរចាដោយទាមទារឱ្យកិច្ចចរចាធ្វើឡើងដោយផ្ទាល់រវាងទីក្រុងម៉ូស្គូនិងគៀវដោយមិនមានការចូលរួមពីគណៈប្រតិភូអាមេរិកឬតួកគី៕ពុតសាម៉ាត់