នាយ​ករដ្ឋមន្រ្តីប្រាប់ឱ្យត្រៀមទីតាំ​ងក្នុងករណីបន្ទាន់ដែលជំងឺកូវីដ-​១៩​ផ្ទុះឡើងវិញ​ជាទ្រង់ទ្រាយធំ

 កម្ពុជាត្រៀមវ៉ាក់សាំងគ្រូពេទ្យនិងទីតាំងជាស្រេចដើម្បីអន្តរាគមន៍បន្ទាន់ក្នុងករណីដែលជំងឺកូវីដ-១៩ ផ្ទុះឡើងវិញជាទ្រង់ទ្រាយធំ។

យោងតាមសេចក្ដីប្រកាសព័ត៌មាន ស្ដីពី លទ្ធផលកិច្ចប្រជុំពេញអង្គគណៈរដ្ឋមន្ត្រី នាថ្ងៃទី២៣ ខែឧសភា ឆ្នាំ២០២៥នេះសម្តេចធិបតីនាយករដ្ឋមន្រ្តីបានកត់សម្គាល់ថាបច្ចុប្បន្ន ជំងឺកូវីដ-១៩បំប្លែងខ្លួនថ្មីបានកើតឡើងវិញជាច្រើននៅប្រទេសជិតខាង ខណៈដែរកម្ពុជាចាប់ផ្តើមឆ្លងឡើងវិញ។សម្តេចបវរធិបតី ក៏ណែនាំឱ្យក្រសួងសុខាភិបាល ក្រើនរំលឹកប្រជាពលរដ្ឋឱ្យប្រុងប្រយ័ត្ន និងឱ្យត្រៀម កន្លែងសម្រាប់រក្សាទុកវ៉ាក់សាំង ១លានដូស ដែលយន្តការ «កិច្ចសម្របសម្រួលជំនួយវ៉ាក់សាំងបង្ការជំងឺកូវីដ ជាសាកល» ហៅកាត់ (COVAX)ត្រូវផ្ដល់ឱ្យកម្ពុជាបន្ថែមទៀត៕AKP