តម្លៃ​មាស​ពិ​​ភពលោ​ក​បន្ត​កំណត់​ត្រា​ភា​គហ៊ុន​អាមេ​រិកនិ​ង​អឺរ៉ុប​ធ្លាក់​ចុះ​ខ្លាំង

តម្លៃមាសពិភពលោកបន្តបំបែកឯតទគ្គកម្មចំពេលមានរលកនៃការលក់ភាគហ៊ុនដែលរីករាលដាលពីសហរដ្ឋអាមេរិកទៅអឺរ៉ុបនិងប្រាក់ដុល្លារអាមេរិកធ្លាក់ចុះដល់កម្រិតទាបរយៈពេល៣ឆ្នាំ។នៅថ្ងៃទី២២ខែមេសា វិនិយោគិនពិភពលោកបានបន្តសម្រុកទៅរកមាសដើម្បីជ្រកពីការប្រែប្រួលសេដ្ឋកិច្ចដែលបណ្តាលឱ្យប្រាក់ដុល្លារនិងភាគហ៊ុនធ្លាក់ចុះ។

យោងតាមទីភ្នាក់ងារព័ត៌មាន AFP មាសបានលើសកម្រិត៣,៥០០ ដុល្លារ/អោនជាលើកដំបូងមុនពេលត្រឡប់ទៅតម្លៃ៣,៤៦៧ដុល្លារ/អោន។ នេះ​ជា​កំណត់ត្រា​ថ្មី​មួយ​ក្នុង​ការ​ឡើង​ថ្លៃ​ដ៏​ធំ​ពី២,៦២៣ដុល្លារ​ក្នុង​មួយ​អោន​កាល​ពី​ដើម​ឆ្នាំ​នេះ។យោងតាមក្រុមអ្នកវិភាគសង្គ្រាមពន្ធដារអាមេរិកមិនទាន់បញ្ចប់នៅឡើយទេ ហើយភាពតានតឹងរវាងប្រធានាធិបតីអាមេរិក Donald Trump និងប្រធានធនាគារកណ្តាលJeromePowellបានធ្វើឱ្យអ្នកវិនិយោគមានការភ័ន្តច្រឡំបន្ថែមទៀត។"ឥឡូវនេះទីផ្សារកំពុងរង់ចាំការវិវឌ្ឍន៍ពិតប្រាកដលើកិច្ចព្រមព្រៀងពាណិជ្ជកម្មការប្រកាសរបស់ប្រធានាធិបតីលើ Truth Social ឬ X លែងមានប្រសិទ្ធភាពទៀតហើយ វិនិយោគិនចង់បានសខ្មៅ មិនមែនគ្រាន់តែជាពាក្យ...ភាពមិនច្បាស់លាស់នេះកំពុងជំរុញអ្នកវិនិយោគទៅកាន់ទ្រព្យសម្បត្តិដែលមានសុវត្ថិភាពបែបប្រពៃណី ដោយមាស និងប្រាក់យ៉េនជប៉ុនទាំងពីរទទួលបានអត្ថប្រយោជន៍ពីការប្រែប្រួលនេះ” លោក Matt Britzman អ្នកវិភាគភាគហ៊ុនជាន់ខ្ពស់នៅ Hargreaves Lansdown បាននិយាយ។កាលពីថ្ងៃទី២១ខែមេសា លោក Trump បានបន្តរិះគន់លោក Powell ថាជា "អ្នកចាញ់" ហើយបានជំរុញឱ្យ Fed កាត់បន្ថយអត្រាការប្រាក់យ៉ាងឆាប់រហ័ស។ការ​កត់សម្គាល់​នេះ​បាន​បង្កើន​ការ​ព្រួយ​បារម្ភ​ដែល​មេដឹកនាំ​អាមេរិក​អាច​បណ្ដេញ​ប្រធាន Fed ចេញ។

តម្លៃមាសបានកើនឡើងប្រហែល៣០%ចាប់តាំងពីដើមឆ្នាំនេះ។ រូបថត: REUTERS

វាក៏បានជំរុញឱ្យមានរលកនៃការលក់នៅWallStreetដោយសន្ទស្សន៍សំខាន់ៗទាំងអស់បានធ្លាក់ចុះប្រហែល២.៥%។នេះបើយោងតាម ​​AFP ។ទីផ្សារអឺរ៉ុបក៏ស្ថិតក្នុងពណ៌ក្រហមដែរ ដោយសន្ទស្សន៍ DAX របស់អាល្លឺម៉ង់ធ្លាក់ចុះ០.៤% សន្ទស្សន៍ CAC របស់បារាំងធ្លាក់ចុះ ០.៦% និង FTSE MIB របស់អ៊ីតាលីធ្លាក់ចុះ១.១%។នៅអាស៊ី ទីផ្សារនៅទីក្រុងតូក្យូ សេអ៊ូល តៃប៉ិ និងបាងកកបានធ្លាក់ចុះ ខណៈហុងកុង សៀងហៃ សិង្ហបុរី ម៉ានីល បុមបៃ និងហ្សាកាតាកើនឡើង។ទន្ទឹមនឹងនេះដែរប្រាក់ដុល្លារអាមេរិកក៏បានធ្លាក់ចុះដល់កម្រិតទាបបំផុតរបស់ខ្លួនចាប់តាំងពីឆ្នាំ២០២២ខណៈដែលអ្នកជួញដូរបានសម្រុកទៅកាន់ប្រាក់យ៉េន ប្រាក់អឺរ៉ូ និងហ្វ្រង់ស្វីស។លោក Stephen Innes មកពីក្រុមហ៊ុន SPI Asset Management បាននិយាយថា"ប្រាក់ដុល្លារកំពុងធ្លាក់ចុះមិនត្រឹមតែសាច់ប្រាក់ និងទិន្នន័យខ្សោយប៉ុណ្ណោះទេ។ប៉ុន្តែក៏ដោយសារតែទំនុកចិត្តផងដែរ៕ពុតសាម៉ាត់