នាយករដ្ឋមន្រ្តីអង់គ្លេស'ភាគី​'ជាមួយប្រធានាធិ​បតីអ៊ុយក្រែន​បន្ទាប់ពីសង្គ្រាម​ពាក្យសម្តីTrum​p-Zelensky

នាយករដ្ឋមន្ត្រីអង់គ្លេសKeirStarmerបានឈរនៅមុខប្រធានាធិបតីអ៊ុយក្រែន Volodymyr Zelensky បន្ទាប់ពីប្រធានាធិបតីអាមេរិក Donald Trumpបានហៅលោកថាជា"ជនផ្តាច់ការដែលមិនបានបោះឆ្នោត"។

កាសែតIndependentបានដកស្រង់សម្តីអ្នកនាំពាក្យរបស់នាយករដ្ឋមន្ត្រីអង់គ្លេសថានៅពេលនិយាយទូរស័ព្ទជាមួយប្រធានាធិបតីអ៊ុយក្រែនកាលពីថ្ងៃទី ១៩ខែកុម្ភៈ ប្រមុខនៃ "ប្រទេសនេះ" បានគាំទ្រលោក Zelensky ថាជា "មេដឹកនាំជាប់ឆ្នោតតាមលទ្ធិប្រជាធិបតេយ្យ"ហើយ "អ៊ុយក្រែនមានហេតុផលទាំងអស់ក្នុងការពន្យារពេលការបោះឆ្នោតក្នុងសម័យសង្រ្គាមដូចដែលចក្រភពអង់គ្លេសបានធ្វើក្នុងអំឡុងសង្គ្រាមលោកលើកទី២។ការអំពាវនាវនេះបានធ្វើឡើងបន្ទាប់ពីមានសង្រ្គាមពាក្យសម្តីរវាងប្រធានាធិបតីអាមេរិក និងសមភាគីអ៊ុយក្រែនរបស់គាត់ ដោយលោក Trump បានរិះគន់លោក Zelensky ចំពោះការពន្យារពេលការបោះឆ្នោត និងបានអះអាងថាអ៊ុយក្រែនបានផ្តួចផ្តើមជម្លោះជាមួយរុស្ស៊ី។ លោក Zelensky បានជាប់ឆ្នោតជាប្រធានាធិបតីអ៊ុយក្រែនក្នុងខែឧសភា ឆ្នាំ ២០១៩។ ការបោះឆ្នោត​នៅ​អ៊ុយក្រែន​គ្រោង​នឹង​ធ្វើ​នៅ​ឆ្នាំ២០២៤។ប៉ុន្តែ​មិន​អាច​ប្រព្រឹត្ត​ទៅ​បាន​ទេ ដោយសារ​ច្បាប់អាជ្ញាសឹក​កំពុង​មាន។នៅព្រឹកថ្ងៃដដែលប្រធានាធិបតីអ៊ុយក្រែនបានអះអាងថា លោក Trumpកំពុងរស់នៅក្នុងចន្លោះនៃព័ត៌មានមិនពិតនិង"បិទបាំងសម្រាប់ប្រទេសរុស្ស៊ី ដែលជាភាគីមានកំហុស" នៅក្នុងជម្លោះជាមួយអ៊ុយក្រែន។

ប្រធានាធិបតីអ៊ុយក្រែននិងនាយករដ្ឋមន្ត្រីអង់គ្លេស។ រូបថត៖ PA Wire

សង្គ្រាមពាក្យសម្តីរវាងលោក Trump និងលោក Zelensky កើតឡើងនៅពេលវេលាដ៏រសើបមួយនៅក្នុងនយោបាយពិភពលោក បន្ទាប់ពីមន្ត្រីអាមេរិកនិងរុស្ស៊ីបានជួបប្រជុំគ្នាជាលើកដំបូងនៅទីក្រុងរីយ៉ាដ ប្រទេសអារ៉ាប៊ីសាអូឌីតដើម្បីចាប់ផ្តើមកិច្ចចរចាក្នុងគោលបំណងឈានទៅរកកិច្ចព្រមព្រៀងសន្តិភាពនៅអ៊ុយក្រែន។នាយករដ្ឋមន្ត្រីអង់គ្លេស ត្រូវបានគេរំពឹងថា នឹងធ្វើដំណើរទៅកាន់ទីក្រុងវ៉ាស៊ីនតោន នៅសប្តាហ៍ក្រោយ ដើម្បីពិភាក្សាជាមួយប្រធានាធិបតីអាមេរិក ស្តីពីសន្តិសុខអឺរ៉ុប និងអ៊ុយក្រែន។ នៅសប្តាហ៍ក្រោយផងដែរ ប្រធានាធិបតីបារាំងEmmanuelMacronនឹងធ្វើទស្សនកិច្ចនៅសេតវិមាន៕ពុតសាម៉ាត់