EUយល់ព្រម​លើផែនទីបង្ហាញផ្លូវ​ដើម្បីបន្ធូរបន្ថយទ​ណ្ឌកម្មលើស៊ីរី

សហភាពអឺរ៉ុប(EU)បានយល់ព្រមបន្ធូរបន្ថយទណ្ឌកម្មលើប្រទេសស៊ីរី ដើម្បីជួយប្រទេសនេះកសាងឡើងវិញបន្ទាប់ពីរបបAssad ត្រូវបានផ្ដួលរំលំ។

យោងតាមគេហទំព័រ Euronews កាលពីថ្ងៃទី២៧ខែមករា រដ្ឋមន្ត្រីការបរទេសបារាំងលោក Jean-Noel Barrot បានបង្ហាញថាសមាជិកសហភាពអឺរ៉ុបបានយល់ព្រមលើផែនទីបង្ហាញផ្លូវដើម្បីបន្ធូរបន្ថយទណ្ឌកម្មសេដ្ឋកិច្ចប្រឆាំងនឹងស៊ីរី។លោក Barrot បាននិយាយថា“ទាក់ទងនឹងប្រទេសស៊ីរីយើងបានសម្រេចចិត្តដកទណ្ឌកម្មមួយចំនួនដែលដាក់លើវិស័យថាមពលការដឹកជញ្ជូននិងហិរញ្ញវត្ថុរបស់ប្រទេសនេះ”។

ប្រជាជនស៊ីរីសម្អាតផ្លូវក្នុងរដ្ឋធានី Damascus។ រូបថត៖ NYT

បន្តិចក្រោយមក តំណាងជាន់ខ្ពស់ទទួលបន្ទុកកិច្ចការបរទេស និងគោលនយោបាយសន្តិសុខនៃសហភាពអឺរ៉ុប(EU) Kaja Kallas បានអះអាងសារជាថ្មីអំពីព័ត៌មាននេះ ដោយសង្កត់ធ្ងន់ថា សហភាពនឹង “ចាត់វិធានការជាជំហានៗនិងធានាបាននូវនយោបាយ”រដ្ឋាភិបាលស៊ីរីថ្មីគោរពគោលនយោបាយរួម"។លោកស្រី Kallas បាននិយាយថា "សហភាពអឺរ៉ុបមានគោលបំណងបន្ធូរបន្ថយទណ្ឌកម្មលើប្រទេសស៊ីរីឱ្យបានឆាប់តាមដែលអាចធ្វើទៅបាន។ប៉ុន្តែដំណើរការនេះអាចផ្លាស់ប្តូរបាន ប្រសិនបើទីក្រុង Damascus ធ្វើការផ្លាស់ប្តូរខុស"។យោងតាមលោកស្រី Kallas ការហាមប្រាមទាក់ទងនឹងអាវុធឧបករណ៍ឃ្លាំមើលសារធាតុគីមី និងបច្ចេកវិទ្យាពីរជាមួយប្រទេសស៊ីរីនឹងនៅតែមានដដែលដើម្បីការពារហានិភ័យនៃអំពើហិង្សានិងអំពើភេរវកម្ម។ខាងភាគីស៊ីរីទីភ្នាក់ងារការទូតរបស់រដ្ឋាភិបាលថ្មីបានស្វាគមន៍យ៉ាងកក់ក្តៅចំពោះការសម្រេចចិត្តរបស់EUដោយហៅវាថាជា“ជំហានឆ្ពោះទៅមុខដ៏វិជ្ជមាន”។លោក Asaad Hassan al-Shibani មន្ត្រីកិច្ចការបរទេសស៊ីរី បាននិយាយថា"យើងសង្ឃឹមថាចំណាត់ការរបស់EUនឹងមានឥទ្ធិពលវិជ្ជមានលើគ្រប់ទិដ្ឋភាពនៃជីវិតស៊ីរីដោយជួយប្រទេសឱ្យអភិវឌ្ឍប្រកបដោយស្ថិរភាព"។ចាប់តាំងពីការផ្តួលរំលំរបបAssad មេដឹកនាំប្រឆាំង HTS លោក Ahmad al-Sharaa បានអំពាវនាវម្តងហើយម្តងទៀតឱ្យលោកខាងលិចដកទណ្ឌកម្មលើប្រទេសស៊ីរី៕