លោ​កTrumpបានសន្យាថានឹ​ងមិនបញ្ជូនទាហាន​អាមេរិកទៅចូលរួមក្នុង​ជម្លោះនៅបរទេ​សប្រសិនបើជា​ប់ឆ្នោតឡើងវិញ

អតីតប្រធានាធិបតីអាមេរិកលោកDonald Trump បានសន្យាថា ប្រសិនបើលោកជាប់ឆ្នោតជាថ្មីនៅក្នុងសេតវិមាននៅឆ្នាំនេះលោកនឹងមិនបញ្ជូនជនជាតិអាមេរិកទៅប្រយុទ្ធនិងស្លាប់នៅក្នុងប្រទេសដែលពួកគេមិនធ្លាប់ឮនោះទេ។

អតីតប្រធានាធិបតីអាមេរិក Donald Trump ។ រូបថត៖New York Times

ថ្លែងនៅឯការប្រមូលផ្តុំយុទ្ធនាការក្នុងរដ្ឋ Pennsylvania កាលពីចុងសប្តាហ៍មុនអតីតប្រធានាធិបតីTrumpបានប្រកាសថាលោកគឺជាមនុស្សតែម្នាក់គត់ដែលមានសមត្ថភាពការពារជម្លោះជាសកល ខណៈដែលអះអាងថាគូប្រជែងគណបក្សរបស់លោកគឺប្រជាធិបតេយ្យអនុប្រធានាធិបតី Kamala Harris នឹងពិតជា"នាំមនុស្សគ្រប់គ្នាចូលទៅក្នុង សង្គ្រាមលោកលើកទី៣"ប្រសិនបើលោកស្រីឡើងកាន់អំណាចនៅក្នុងសេតវិមាន។“ការដាក់លោកស្រី (Harris) ជាប្រធានាធិបតី ប្រៀបដូចជាការភ្នាល់លើជីវិតរបស់មនុស្សរាប់លាននាក់។ក្មេងប្រុស និងក្មេងស្រីរបស់យើងនឹងត្រូវចុះឈ្មោះចូលប្រយុទ្ធក្នុងជម្លោះនៅក្នុងប្រទេសដែលអ្នកមិនធ្លាប់បានឮ” លោក Trumpបានសម្តែងក្តីបារម្ភ។នៅក្នុងសុន្ទរកថារបស់លោកដែលទទួលយកការតែងតាំងប្រធានាធិបតីពីគណបក្សសាធារណរដ្ឋកាលពីដើមឆ្នាំនេះ លោក Trump បានសន្យាថានឹង"បញ្ចប់វិបត្តិអន្តរជាតិទាំងអស់ដែលបង្កើតឡើងដោយរដ្ឋបាលបច្ចុប្បន្ន"ជាពិសេសជម្លោះនៅអ៊ុយក្រែន និងតំបន់ហ្គាហ្សាស្ទ្រីប។ អ្នកនយោបាយនេះមិនដែលផ្តល់ផែនការជាក់លាក់ដើម្បីនាំមកនូវសន្តិភាពពិភពលោកទេ។ប៉ុន្តែបានព្រមានម្តងហើយម្តងទៀត ដោយឧបត្ថម្ភ "ជម្លោះរបស់អ្នកផ្សេង" ក្រោមការដឹកនាំរបស់ប្រធានាធិបតី Joe Biden និងអនុប្រធានាធិបតីHarrisសហរដ្ឋអាមេរិកកំពុងបង្កើនហានិភ័យនៃសង្គ្រាមលោកលើកទី៣ដែលផ្ទុះឡើង។យោងតាមសារព័ត៌មាន RT កាលពីសប្តាហ៍មុន លោក Trump បាននិយាយនៅលើបណ្តាញសង្គម Truth Social ថា"ប្រសិនបើលោកស្រី Harris មានរយៈពេល៤ ឆ្នាំទៀត មជ្ឈិមបូព៌ានឹងស្ថិតក្នុងអណ្តាតភ្លើងក្នុងរយៈពេល៤ទសវត្សរ៍ខាងមុខ ហើយកូនរបស់អ្នកនឹងត្រូវទៅប្រយុទ្ធ"។ ថ្លែងទៅកាន់ហ្វូងមនុស្សនៅថ្ងៃទី ២៦ខែតុលាលោកTrumpបានសន្យាថានឹងមិនប្រមូលផ្តុំយោធារបស់ប្រទេសនេះឱ្យចូលរួមក្នុងជម្លោះនៅបរទេស។លោកTrumpបានបញ្ជាក់ម្តងហើយម្តងទៀតថា លោកនឹងបញ្ចប់ជម្លោះនៅអ៊ុយក្រែនក្នុងរយៈពេល២៤ ម៉ោង។ប្រសិនបើជាប់ឆ្នោតឡើងវិញសូម្បីតែមុនពេលស្បថចូលកាន់តំណែងក៏ដោយ ដោយបង្ខំឱ្យភាគីទាំងពីរចរចា។ ទោះជាយ៉ាងណាក៏ដោយ លោកស្រី Harris បានរិះគន់វិធីសាស្រ្តរបស់លោក Trump ដោយលើកហេតុផលថាលោកនឹងបង្ខំគៀវឱ្យចុះចាញ់។រុស្ស៊ី​ក៏​បាន​សម្តែង​ការ​មន្ទិល​សង្ស័យ​ចំពោះ​ការ​សន្យា​សន្តិភាព​របស់​លោក Trump។ អ្នកនាំពាក្យវិមានក្រឹមឡាំង លោក Dmitry Peskov ជឿជាក់ថាគ្មាន"វេទមន្ត"ដែលអាចបញ្ឈប់ការប្រយុទ្ធគ្នាពេញមួយយប់នោះទេ៕ពុតសាម៉ាត់