រុស្ស៊ី​បា​ន​ព្រមា​ន​ឆ្លើយតប​នឹង​​អង់គ្លេសដោយមិន​​រារាំង​អ៊ុយក្រែន​ពី​​ការ​បំផ្លិចបំផ្លាញ​នា​វា​ផ្ទុក​យន្តហោះ

ដោយ៖ពុតសាម៉ាត់

ទីក្រុងម៉ូស្គូបានព្រមានជាការឆ្លើយតបទៅនឹងចក្រភពអង់គ្លេសដែលអនុញ្ញាតឱ្យអ៊ុយក្រែនប្រើប្រាស់អាវុធជំនួយដើម្បីវាយប្រហារគោលដៅនៅលើទឹកដីរុស្ស៊ី។ភ្នាក់ងារសន្តិសុខរុស្ស៊ីបានរារាំងផែនការមួយដើម្បីបំផ្លាញនាវាផ្ទុកយន្តហោះ Admiral Kuznetsov ។

នាវាផ្ទុកយន្តហោះរុស្ស៊ី Admiral Kuznetsov ។ រូបថត៖ TASS

យោងតាមសារព័ត៌មាន RT កាលពីថ្ងៃទី១០ ខែកក្កដា អ្នកនាំពាក្យវិមានក្រឹមឡាំង លោក Dmitry Peskovបាននិយាយប្រឆាំងនឹងចក្រភពអង់គ្លេសដែលអនុញ្ញាតឱ្យអ៊ុយក្រែនប្រើប្រាស់ជំនួយអាវុធដើម្បីវាយប្រហារគោលដៅនានានៅក្នុងទឹកដីរុស្ស៊ី។លោកPeskovបាននិយាយថា"សេចក្តីថ្លែងការណ៍របស់នាយករដ្ឋមន្ត្រីអង់គ្លេសគឺមិនទទួលខុសត្រូវទាំងស្រុងហើយនឹងធ្វើឱ្យភាពតានតឹងកាន់តែខ្លាំងឡើង។យើងនឹងចាត់វិធានការឆ្លើយតបសមស្រប"។យោងតាមមន្ត្រីវិមានក្រឹមឡាំងទីក្រុងម៉ូស្គូនឹងតាមដានយ៉ាងដិតដល់នូវសេចក្តីប្រកាសដែលបានធ្វើឡើងនៅក្នុងកិច្ចប្រជុំកំពូលរបស់អង្គការណាតូដែលប្រព្រឹត្តទៅចាប់ពីថ្ងៃទី ៩ ដល់ថ្ងៃទី១១ ខែកក្កដា។កន្លងមកនាយករដ្ឋមន្ត្រីអង់គ្លេសថ្មី លោក KeirStarmerបានបញ្ជាក់ថាសព្វាវុធដែលទីក្រុងឡុងដ៍ផ្តល់ជូនដល់ទីក្រុងគៀវ រួមទាំងStorm Shadow ទាំងអស់គឺសម្រាប់គោលបំណងការពារ។ យ៉ាងណាក៏ដោយលោកStarmerក៏បានបន្ថែមថាអ៊ុយក្រែនគឺជាភាគីដែលសម្រេចពីរបៀបដាក់ពង្រាយអាវុធទាំងនេះ។លោក Starmer បាននិយាយថា "ជាការពិតណាស់  Storm Shadow ត្រូវតែប្រើប្រាស់ស្របតាមច្បាប់មនុស្សធម៌អន្តរជាតិ"។

រុស្ស៊ី​បាន​បញ្ឈប់​ផែនការ​វាយប្រហារ​លើ​នាវា​ផ្ទុក​យន្តហោះAdmiral Kuznetsov

យោងតាមសារព័ត៌មាន Newsweek កាលពីថ្ងៃទី ១០ ខែកក្កដា សេវាសន្តិសុខសហព័ន្ធរុស្ស៊ី(FSB)បានប្រកាសពីការទប់ស្កាត់ជោគជ័យនៃផែនការស៊ើបការណ៍សម្ងាត់អ៊ុយក្រែនក្នុងការបំផ្លិចបំផ្លាញនាវាផ្ទុកយន្តហោះ Admiral Kuznetsov ។ភាគីរុស្ស៊ីបាននិយាយថា "ភ្នាក់ងារអ៊ុយក្រែនបានព្យាយាមធ្វើការវាយប្រហារលើនាវាផ្ទុកយន្តហោះរុស្ស៊ីនៅក្នុងទីក្រុង Murmansk ។ ទោះបីជាយ៉ាងណាក៏ដោយ ផែនការនេះត្រូវបានបរាជ័យ" ។របាយការណ៍របស់ FSB បានបង្ហាញឱ្យដឹងថាភ្នាក់ងាររបស់អ៊ុយក្រែនដែលមានរហស្សនាមថា Olegបានទាក់ទងមន្ត្រីកងទ័ពជើងទឹកម្នាក់នៅលើនាវាផ្ទុកយន្តហោះ Kuznetsov។លោកOlegបានសន្យានឹងបុគ្គលនេះនូវចំនួនទឹកប្រាក់ដ៏ច្រើននិងឱកាសដើម្បីគេចខ្លួនទៅក្រៅប្រទេស។ប្រសិនបើលោកអនុវត្តផែនការរបស់លោកក្នុងការបំផ្លាញនាវាផ្ទុកយន្តហោះតែមួយគត់របស់រុស្ស៊ី។បន្ទាប់មក ភាគីអ៊ុយក្រែនបានប្រើប្រាស់សេវានាំសំបុត្របញ្ជូនមន្ត្រីរុស្ស៊ី នូវសមាសធាតុមួយចំនួនដើម្បីធ្វើគ្រឿងផ្ទុះ។ ទោះបីជាយ៉ាងណាក៏ដោយ មន្ត្រីកងទ័ពជើងទឹករុស្ស៊ីបានបដិសេធហើយរាយការណ៍ពីហេតុការណ៍នេះទៅ FSB ។ភ្នាក់ងារស៊ើបអង្កេតរុស្ស៊ីជឿថា សកម្មភាពបំផ្លិចបំផ្លាញនេះត្រូវបានត្រួតពិនិត្យដោយមេចារកម្មអ៊ុយក្រែន KyryloBudanov។ប៉ុន្តែទីក្រុងគៀវមិនបានធ្វើអត្ថាធិប្បាយជាផ្លូវការលើព័ត៌មាននេះទេ៕