ក្រុមហ៊ុន​​លំដា​ប់​យក្សកាណាដា​ចា​ប់អារម្មណ៍​លើ​ការ​វិ​និយោគ​ក្នុង​វិ​ស័​យ​សក្តានុពល​រ​បស់​កម្ពុជា​

Lee​ ​L​i​ ​Holding​s ​Group​ ​ដែល​ជា​ក្រុមហ៊ុន​មាន​ឯកទេស​គ្រប់គ្រង​ខ្សែ​ចង្វាក់​ផ្គត់ផ្គង់​លំដាប់​ពិភពលោក​ដែល​មាន​មូលដ្ឋាន​នៅ​ក្នុង​ខេត្ត​ On​tar​i​o ​ប្រទេស​កាណាដា​ មាន​ចំណាប់អារម្មណ៍​លើ​ការស្វែងរក​ឱកាស​វិនិយោគ​នៅ​ក្នុង​វិ​ស័យ​សក្តានុពល​របស់​កម្ពុជា​ ​រួម​មាន​ស័យ​ឧស្ម័ន​ ​និង​ប្រេង​ វិ​ស័យ​សុខាភិបាល​ ​មជ្ឈមណ្ឌល​វាយ​តម្លៃ​ទទួលស្គាល់​សម្រាប់​ការនាំចេញ​ វិ​ស័យ​កែច្នៃ​ចំណីអាហារ​ ​និង​ឡូ​ជី​ស្ទីក​ ​និង​វិ​ស័យ​យានយន្ត​។​​នេះ​ត្រូវ​បាន​លើកឡើង​នៅ​ក្នុង​ឱកាសលោក​ ​Lee​ Q. S​him​ ​ប្រធាន​ក្រុមហ៊ុន​ ​Lee​ ​L​i​ ​Holding​s ​Group​ ​ចូល​ជួប​សម្តែង​ការគួរសម​ចំពោះ​សម្តេចនាយក​រដ្ឋ​ម​ន្រ្តី ​ហ៊ុន​ ​ម៉ា​ណែ​ត​ ​នៅ​វិមាន​សន្តិភាព​ ​កាលពី​ថ្ងៃអង្គារ​ ​។​

​ក្នុង​ជំនួប​នោះ​ ​លោក​ ​Lee​ Q. S​him​ ​បាន​ថ្លែង​អំណរគុណ​លោក​នាយករដ្ឋមន្ត្រី​សម្រាប់​ការ​ស្វាគមន៍​យ៉ាង​កក់ក្តៅ​ ​និង​បាន​ជម្រាប​ជូន​បាន​ជម្រាប​ជូន​អំពី​ដំណើរការ​អាជីវកម្ម​របស់​ក្រុមហ៊ុន​នៅ​តាម​បណ្តា​ប្រទេស​នានា​ ​ក៏ដូចជា​បង្ហាញ​ចំណាប់អារម្មណ៍​ក្នុង​ការ​វិនិយោគ​លើ​វិ​ស័យ​ខាងលើ​។​​លោក​បាន​លើកឡើង​អំពី​គោលបំណង​របស់​ក្រុមហ៊ុន​ក្នុង​ការពង្រីក​ប្រតិបត្តិការ​អាជីវកម្ម​នៅ​កម្ពុជា​លើ​វិ​ស័​យ​សក្តានុពល​ចំនួន​ប្រាំ​ដូចជា​ (​១​) វិ​ស័​យ​ឧស្ម័ន​ ​និង​ប្រេង​ (​២​) វិ​ស័យ​សុខាភិបាល​ (​៣​) ​មជ្ឈមណ្ឌល​វាយ​តម្លៃ​ទទួលស្គាល់​សម្រាប់​ការនាំចេញ​ (​៤​) វិ​ស័​យ​កែច្នៃ​ចំណីអាហារ​ ​និង​ឡូ​ជី​ស្ទីក​ ​និង​ (​៥​) វិ​ស័​យ​យានយន្ត​។​សម្តេចនាយក​រដ្ឋ​ម​ន្រ្តី ​ហ៊ុន​ ​ម៉ា​ណែ​ត​ ​ក៏បាន​ស្វាគមន៍​ដែល​ក្រុមហ៊ុន​មាន​ចំណាប់អារម្មណ៍​ ​ក្នុង​ការស្វែងរក​ឱកាស​វិនិយោគ​នៅ​កម្ពុជា​ ​ដោយ​សម្តេចបាន​រំលេច​ផង​ដែរ​ថា​ ​កម្ពុជា​បាន​បង្កើត​តំណាង​សភា​ពាណិជ្ជកម្ម​កម្ពុជា​ចំនួន​ពីរ​នៅ​ប្រទេស​កាណាដា​ ​គឺ​នៅ​ទីក្រុង​To​r​onto​ ​និង​ទីក្រុង​M​on​t​real​ ​។​សម្តេច​បាន​បន្ត​ថា​៖​ ​«​តំណាង​សភា​ពាណិជ្ជកម្ម​កម្ពុជា​ចំនួន​ពីរ​នេះ​គឺ​ជួយ​ផ្សារភ្ជាប់​ទំនាក់ទំនង​ពាណិជ្ជកម្ម​រវាងប្រទេស​កម្ពុជា​ ​និង​កាណាដា​។​សម្តេចបាន​បន្ត​ថា​ ​វត្តមាន​របស់​ប្រធាន​ ​និង​គណៈប្រតិភូ​នៃ​ក្រុមហ៊ុន​ ​Lee​ ​L​i​ ​Holding​s ​Group​ ​នឹង​ត្រួសត្រាយផ្លូវ​សម្រាប់​អ្នក​វិនិយោគ​កាណាដា​ផ្សេងទៀត​ ​ដើម្បី​ស្វែងរក​ឱកាស​វិនិយោគ​នៅ​កម្ពុជា​ ​ជំរុញ​បណ្តាញ​ពាណិជ្ជកម្ម​ ​និង​បង្កើត​អត្ថប្រយោជន៍​សម្រាប់​ភាគី​ទាំងពីរ​។​សម្តេចបាន​បញ្ជាក់​ថា​រាជរដ្ឋាភិបាល​កម្ពុជា​តែងតែ​គាំទ្រ​ដល់​វិ​ស័យឯកជន​ដោយ​ផ្តល់​ការ​លើកទឹកចិត្ត​និង​ជួយ​សម្របសម្រួល​ក្រុមហ៊ុន​ ​ដែល​បោះ​ទុន​វិនិយោគ​នៅ​កម្ពុជា​ ឱ្យ​ទទួល​បាន​ជោគជ័យ​ ​និង​សម្រេច​បាន​នូវ​កំណើន​ប្រកបដោយ​ចីរភាព​។​សម្តេចបាន​ស្នើ​ឱ្យ​គណៈប្រតិភូ​ពិភាក្សា​លម្អិត​ជាមួយ​ក្រសួង​ ​ស្ថាប័ន​ពាក់ព័ន្ធ​ ​ដូចជា​ក្រសួង​រ៉ែ​ ​និង​ថាមពល​ ​ក្រសួង​ពាណិជ្ជកម្ម​ ​និង​ក្រសួងសុខាភិបាល​។​យោង​តាម​លោក​ ​Lee​ Q. S​him​ ​ក្រុមហ៊ុន​ ​Lee​ ​L​i​ ​Holding​s ​ត្រូវ​បាន​បង្កើត​ឡើង​ក្នុង​ខែ​មីនា​ ​ឆ្នាំ​១​៩​៨​៤​ ​បាន​ចាប់ផ្តើម​ជា​អ្នក​ចែកចាយ​សាច់​សម្រាប់​ភោជនីយដ្ឋាន​ ​ហើយ​ក្រោយមក​បាន​ក្លាយ​ជា​ក្រុមហ៊ុន​ឈាន​មុខ​គេ​ក្នុង​ការ​គ្រប់គ្រង​ខ្សែ​ចង្វាក់​ផ្គត់ផ្គង់​ (​Vertical integration​) ​លំដាប់​ទីមួយ​ ​ដោយ​ផ្តល់​សេវាកម្ម​ដល់​ឧស្សាហកម្ម​ជាច្រើន​។​​Vertical integration​ ​គឺជា​យុទ្ធ​សា​ស្រ្ត​ដែល​អនុញ្ញាត​ឱ្យ​ក្រុមហ៊ុន​សម្រួល​ប្រតិបត្តិការ​របស់​ខ្លួន​ដោយ​ទទួលយក​ភាពជា​ម្ចាស់​ផ្ទាល់​នៃ​ដំណាក់កាល​ផ្សេងៗ​នៃ​ដំណើរការ​ផលិត​ជាជាង​ពឹងផ្អែក​លើ​អ្នកម៉ៅការ​ឬ​អ្នកផ្គត់ផ្គង់​ខាងក្រៅ​៕