នាយករដ្ឋមន្ត្រីម៉ាឡេស៊ីលោក អាន់វ៉ា អ៊ីប្រាហ៊ីម(Anwar Ibrahim) បានប្រកាសថាប្រទេសនេះបានសម្រេចចិត្តដាក់ពាក្យចូលរួមជាមួយក្រុមប្រទេសដែលមានសេដ្ឋកិច្ចរីកចម្រើនឈានមុខគេលើពិភពលោក(BRICS) ហើយនឹងដាក់សំណើជាផ្លូវការក្នុងពេលឆាប់ៗនេះ។
 |
|
លោកIbrahimបានលើកឡើងពីការសម្រេចចិត្តខាងលើនៅក្នុងបទសម្ភាសន៍ថ្មីមួយជាមួយកាសែតចិនGuancha ។“យើងបានធ្វើគោលនយោបាយរបស់យើងច្បាស់លាស់ហើយយើងបានធ្វើការសម្រេចចិត្តរបស់យើង។ យើងនឹងចាប់ផ្តើមដំណើរការជាផ្លូវការក្នុងការដាក់ពាក្យចូលរួមBRICS ក្នុងពេលឆាប់ៗនេះ។យើងកំពុងរង់ចាំលទ្ធផលចុងក្រោយនិងការឆ្លើយតបពីរដ្ឋាភិបាលអាហ្រ្វិកខាងត្បូង»នាយករដ្ឋមន្ត្រីម៉ាឡេស៊ីបាននិយាយ។ លោកក៏បានបង្ហើបថាលោកបានលើកឡើងប្រធានបទនេះក្នុងអំឡុងពេលកិច្ចប្រជុំនាពេលថ្មីៗនេះជាមួយប្រធានាធិបតីប្រេស៊ីល Luiz Inacio Lula da Silva ។BRICS ត្រូវបានបង្កើតឡើងក្នុងឆ្នាំ២០០៦ហើយដំបូងឡើយរួមបញ្ចូលតែប្រទេសប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូងប៉ុណ្ណោះ។ កាលពីដើមឆ្នាំនេះ ក្រុមនេះបានបន្ថែមអេហ្ស៊ីប អេត្យូពី អ៊ីរ៉ង់ និងអារ៉ាប់រួម (UAE)។ប៉ុន្តែរក្សាឈ្មោះចាស់។ក្រុមBRICSដែលត្រូវបានពង្រីកឥឡូវនេះមានប្រហែល៣០%នៃសេដ្ឋកិច្ចពិភពលោកនិង៤៥%នៃចំនួនប្រជាជនសរុបរបស់ពិភពលោក។ក្រុមនេះក៏មានចំណែកច្រើនជាង៤០%នៃផលិតកម្មប្រេងរបស់ពិភពលោក។យោងតាម RT ការទទួលស្គាល់ម៉ាឡេស៊ីក្នុងក្រុមនេះនឹងមានសារៈសំខាន់ជាយុទ្ធសាស្ត្រ ពីព្រោះផ្លូវដឹកជញ្ជូនដ៏សំខាន់បំផុតមួយក្នុងពិភពលោកច្រកសមុទ្រម៉ាឡាកា ដែលតភ្ជាប់មហាសមុទ្រប៉ាស៊ីហ្វិកនិងមហាសមុទ្រឥណ្ឌាស្ថិតនៅចន្លោះប្រទេសអាស៊ីអាគ្នេយ៍នេះនិងកោះស៊ូម៉ាត្រារបស់ឥណ្ឌូនេស៊ី។លោកIbrahimបានសម្តែងថាប្រទេសម៉ាឡេស៊ីមានអារម្មណ៍«ធូរស្រាល» ដោយសារពិភពលោកលែងមានភាពឯកោទៀតហើយ។មេដឹកនាំនេះបានវាយតម្លៃថាការកើនឡើងនៃ BRICS ។ជាពិសេសប្រទេសចិនបាននាំមកនូវ"ក្តីសង្ឃឹមដ៏ភ្លឺស្វាងអំពីអត្ថិភាពនៃយន្តការត្រួតពិនិត្យនិងតុល្យភាពនៅក្នុងពិភពលោក"។នៅដើមខែមិថុនានេះ ឯកអគ្គរដ្ឋទូតរុស្ស៊ីប្រចាំនៅប្រទេសចិន លោក Igor Morgulov បាននិយាយថាប្រទេសប្រហែល៣០បានបង្ហាញពីបំណងចង់ចូលរួមជាមួយBRICS ។ នៅប្រទេសជិតខាងម៉ាឡេស៊ី ថៃ និងស្រីលង្កា បានស្នើសុំឱ្យចូលរួមក្រុម។កិច្ចប្រជុំកំពូល BRICS ឆ្នាំ២០២៤គ្រោងនឹងប្រព្រឹត្តទៅនៅខែតុលា នៅទីក្រុង Kazan ប្រទេសរុស្ស៊ី។ទីក្រុងម៉ូស្គូបានចូលកាន់តំណែងជាប្រធានប្តូរវេនរបស់ក្រុមចាប់តាំងពីថ្ងៃទី១ខែមករាឆ្នាំនេះ៕ពុតសាម៉ាត់
/unnamed.png
Post a Comment