កូរ៉េខា​ងជើ​ង​បាញ់មីស៊ីលផ្លោងចូ​​លសមុទ្រ

កូរ៉េខាងត្បូងជឿថាការបាញ់មីស៊ីលផ្លោងរបស់កូរ៉េខាងជើងចូលទៅក្នុងសមុទ្រភាគខាងកើតនៃឧបទ្វីបបានបរាជ័យឧបទ្ទវហេតុនេះបានកើតឡើងក្នុងបរិបទដែលអាមេរិកទើបតែដាក់ពង្រាយនាវាផ្ទុកយន្តហោះទៅកាន់កូរ៉េខាងត្បូង។

កូរ៉េខាងត្បូងបានរាយការណ៍អំពីការបាញ់មីស៊ីលរបស់កូរ៉េខាងជើង។ រូបថត៖Yonhap

យោងតាមYonhapនៅព្រឹកថ្ងៃទី២៦ ខែមិថុនា អគ្គសេនាធិការចម្រុះ (JCS)បានប្រកាសថាកូរ៉េខាងជើងបានបាញ់មីស៊ីលផ្លោងមិនស្គាល់អត្តសញ្ញាណចូលទៅក្នុងសមុទ្រភាគខាងកើតនៃឧបទ្វីប។JCS បាននិយាយថា "កាំជ្រួចនេះត្រូវបានបាញ់នៅម៉ោង៥:៣០ព្រឹកពីតំបន់មួយនៅជិតទីក្រុងព្យុងយ៉ាង។កូរ៉េខាងត្បូងកំពុងសម្របសម្រួលជាមួយសហរដ្ឋអាមេរិកដើម្បីវិភាគឧប្បត្តិហេតុនេះឱ្យបានលម្អិត"។ប្រភពយោធាក្រោយមកបានបង្ហើបប្រាប់ Yonhapថានេះជាការសាកល្បងsupersonic។ប៉ុន្តែការប៉ុនប៉ងរបស់កូរ៉េខាងជើងបានបរាជ័យនៅពេលដែលមីស៊ីលនេះបានហោះបានចម្ងាយប្រហែល២៥០គីឡូម៉ែត្រប៉ុណ្ណោះ មុនពេលធ្លាក់ចូលទៅក្នុងសមុទ្រ។ ការ​បាញ់​មី​ស៊ី​ល​ថ្មី​បំផុត​របស់​ក្រុង​ព្យុងយ៉ាង​បាន​ធ្វើ​ឡើង​កាលពី​ថ្ងៃ​ទី​៣០ឧសភា ។ក្រសួងការពារជាតិជប៉ុនក៏បានជូនដំណឹងអំពីឧបទ្ទវហេតុនេះផងដែរ ដោយនិយាយថាមីស៊ីលរបស់ទីក្រុងព្យុងយ៉ាងបានហោះដល់កម្ពស់១០០គីឡូម៉ែត្រនិងបានធ្វើដំណើរជាង២០០គីឡូម៉ែត្រមុនពេលធ្លាក់នៅក្នុងតំបន់មួយនៅខាងក្រៅតំបន់សេដ្ឋកិច្ចផ្តាច់មុខរបស់ប្រទេស។ប្រព័ន្ធផ្សព្វផ្សាយក្នុងស្រុកបាននិយាយថាចំណាត់ការរបស់កូរ៉េខាងជើងបានកើតឡើងបន្ទាប់ពីទីក្រុងព្យុងយ៉ាងបានព្រមានអំពីវិធានការទប់ស្កាត់ជាការឆ្លើយតបទៅនឹងសហរដ្ឋអាមេរិកដែលដាក់ពង្រាយនាវាផ្ទុកយន្តហោះ USS Theodore Rooseveltទៅកាន់កូរ៉េខាងត្បូង។កន្លងមកទីក្រុងព្យុងយ៉ាងបានបញ្ចេញប៉េងប៉ោងរាប់រយគ្រាប់ដែលមានសំរាមចូលកូរ៉េខាងត្បូងកាលពីថ្ងៃទី២៤ និង២៥មិថុនា៕ពុតសាម៉ាត់