ប្រទេសឥណ្ឌូនេស៊ីគ្មានអ្វីជំទាស់ជាមួយនឹងផែនការការទិញអង្ករនៅក្នុងកម្ពុជានោះទេ។រដ្ឋមន្ត្រីក្រសួងកសិកម្មនៃប្រទេសឥណ្ឌូនេស៊ីលោក Andi AmranSulaimanមានប្រសាសន៍ថាលោកមិនមានអ្វីជំទាស់ជាមួយនឹងផែនការ។ថ្មីៗនេះរបស់ក្រុមហ៊ុនដឹកជញ្ជូនBulogក្នុងការធានាស្តុកអង្ករសម្រាប់ប្រទេសឥណ្ឌូនេស៊ីតាមរយៈការទិញយកក្រុមហ៊ុនអង្ករនៅក្នុងកម្ពុជានោះទេ។
 |
|
លោកបានបន្តថា៖ «មិនមានបញ្ហាអ្វីជាមួយនឹងផែនការរបស់ Bulogទេ។ “អ្វីដែលសំខាន់បំផុតនៅពេលនេះ គឺការបង្កើនសក្តានុពលរបស់យើង ដើម្បីជំរុញសេដ្ឋកិច្ចក្នុងស្រុក”។លោកបានសង្កត់ធ្ងន់ថា ការទិញយកគួរតែធ្វើឡើងដោយកិច្ចខិតខំប្រឹងប្រែងក្នុងស្រុក ដើម្បីបង្កើនធនធានអាហារក្នុងស្រុក។ កិច្ចខិតខំប្រឹងប្រែងទាំងនេះរួមមាន ការបង្កើតស្រែថ្មី បង្កើនប្រសិទ្ធភាពដីដែលមានស្រាប់ និងការពង្រឹងប្រព័ន្ធស្រោចទឹក។លោកបានបន្ថែមថា៖ «ប្រទេសឥណ្ឌូណេស៊ីធ្លាប់ពឹងផ្អែកលើខ្លួនឯងដោយមិនចាំបាច់នាំចូលអង្ករបន្ថែម។ ប៉ុន្តែទោះបីជាមានការនាំចូលក្នុងពេលបច្ចុប្បន្នក៏ដោយ តួលេខនេះមិនគួរលើសពី ១០%នោះទេ»។លោកបានគូសបញ្ជាក់ពីការចែកចាយម៉ាស៊ីនបូមទឹកទៅកាន់គ្រប់ខេត្តថាជាមធ្យោបាយមួយដើម្បីកាត់បន្ថយការថយចុះសក្តានុពលនៃទុនបម្រុងស្បៀង ដោយសារគ្រោះរាំងស្ងួតដែលរំពឹងទុកចាប់ពីខែកក្កដាដល់ខែតុលា។ “ការចែកចាយម៉ាស៊ីនបូមទឹកគឺជាដំណោះស្រាយរយៈពេលខ្លីរបស់យើង… វាគឺជាវិធានការដ៏សមស្របបំផុតសម្រាប់កាត់បន្ថយផលប៉ះពាល់នៃគ្រោះរាំងស្ងួត និងបាតុភូទEl Nino នៅពេលនេះ”។រដ្ឋមន្ត្រីសម្របសម្រួលកិច្ចការសមុទ្រ និងវិនិយោគ LuhutBinsarPandjaitan បានបញ្ជាក់ថា Bulogនឹងទទួលបានប្រភពអង្ករជាច្រើនពីប្រទេសកម្ពុជា ដើម្បីធានាស្តុកអង្ករក្នុងស្រុក ដោយលោកប្រធានាធិបតី Joko Widodo បានបញ្ជាអោយធ្វើសកម្មភាពនេះដោយផ្ទាល់។នៅថ្ងៃទី១២ ខែមិថុនា នាយកប្រតិបត្តិ Bulogលោក BayuKrisnamurthiមានប្រសាសន៍ថា ក្រុមហ៊ុនរបស់លោកបានត្រៀមខ្លួនរួចជាស្រេចដើម្បីអនុវត្តតាមការណែនាំរបស់រដ្ឋាភិបាល ដើម្បីស្វែងរកសក្តានុពលកិច្ចសហប្រតិបត្តិការជាមួយភាគីផ្សេងៗ ជាពិសេសជាមួយប្រទេសកម្ពុជាលើវិស័យសេដ្ឋកិច្ច និងការវិនិយោគលើម្ហូបអាហារ។លោកបានបន្ថែមថា Bulogបានសហការជាមួយកម្ពុជាតាមរយៈគម្រោងអាជីវកម្មមួយទៅអាជីវកម្ម និងរដ្ឋាភិបាលទៅរដ្ឋាភិបាលក្នុងឆ្នាំ២០២៣និងដើមឆ្នាំ២០២៤៕ANTARA
/unnamed.png
Post a Comment