ការការពារ​ដែនអា​​កាសប៉ូឡូញ"​សង្ក​ត់ធ្ងន់"នៅពេ​លរុស្ស៊ីបើកការវាយប្រហា​រដោ​យមីស៊ី​ល​លើ​អ៊ុយក្រែន

យន្តហោះ​ចម្បាំង​ប៉ូឡូញនិង​សម្ព័ន្ធមិត្ត​បាន​ទទួល​ការ​បញ្ជា​ម្ដង​ទៀត​ឱ្យ​តម្រៀប​តាម​ដាន​ដែន​អាកាសខណៈ​រុស្ស៊ី​បាន​វាយ​ប្រហារ​គោលដៅ​ហេដ្ឋារចនាសម្ព័ន្ធ​ក្នុង​ប្រទេស​អ៊ុយក្រែន។

យន្តហោះចម្បាំងប៉ូឡូញ។រូបថត៖បញ្ជាការប្រតិបត្តិការនៃកងកម្លាំងប្រដាប់អាវុធប៉ូឡូញ

នេះ​បើ​តាម Pravda ដែល​បាន​ចែក​រំលែក​នៅ​លើ​បណ្ដាញ​សង្គម បញ្ជាការប្រតិបត្តិការនៃកងកម្លាំងប្រដាប់អាវុធប៉ូឡូញបាននិយាយថា "សកម្មភាពខ្លាំងដោយយន្តហោះរយៈចម្ងាយឆ្ងាយរបស់រុស្ស៊ីត្រូវបានរកឃើញពេញមួយយប់ដែលពាក់ព័ន្ធនឹងការបាញ់បង្ហោះកាំជ្រួចCruise, យានជំនិះគ្មានមនុស្សបើក(UAV)និងអាវុធផ្លោងប្រឆាំងនឹងគោលដៅនៅភាគខាងត្បូង។ភាគខាងលិចនៃទឹកដីអ៊ុយក្រែន"។យោងតាមទីភ្នាក់ងារនេះផងដែរ"វិធានការចាំបាច់ទាំងអស់ដើម្បីធានាសុវត្ថិភាពនៃដែនអាកាសប៉ូឡូញត្រូវបានអនុវត្ត"។គេដឹងថាយន្តហោះយោធាដែលដាក់ពង្រាយដោយប្រទេសប៉ូឡូញ បានត្រឡប់ទៅមូលដ្ឋានមុនម៉ោង៦ព្រឹក (ម៉ោងក្នុងតំបន់)។បញ្ជាការប្រតិបត្តិការ កងកម្លាំងប្រដាប់អាវុធប៉ូឡូញបាននិយាយថា "យប់មិញមានភាពតានតឹងខ្លាំងសម្រាប់ប្រព័ន្ធការពារដែនអាកាសប៉ូឡូញ នៅពេលដែលការវាយប្រហារដោយកាំជ្រួចរុស្ស៊ីទ្រង់ទ្រាយធំបានគ្របដណ្ដប់លើទឹកដីអ៊ុយក្រែនទាំងមូលរួមទាំងតំបន់ជាប់ព្រំដែនប៉ូឡូញ"។នៅយប់ថ្ងៃទី២១-២២ ខែមិថុនា កងទ័ពរុស្ស៊ីបានធ្វើការវាយប្រហារតាមអាកាសសម្របសម្រួលលើហេដ្ឋារចនាសម្ព័ន្ធសំខាន់ៗនៅក្នុងខេត្តមួយចំនួននៃអ៊ុយក្រែន។ កងកម្លាំងការពារដែនអាកាសរបស់អ៊ុយក្រែនបានប្រកាសថា ពួកគេបានបំផ្លាញមីស៊ីលចំនួន១២ដើម និងUAVរបស់រុស្ស៊ីShahed ចំនួន ១៣ គ្រឿង។អស់រយៈពេលជាយូរមកហើយប៉ូឡូញក៏បានបញ្ជូនយន្តហោះចម្បាំងជាប្រចាំ ដើម្បីតាមដានការវាយប្រហារដោយមីស៊ីលរបស់រុស្ស៊ី នៅលើទឹកដីអ៊ុយក្រែន។នៅថ្ងៃនេះផងដែរ ការចែករំលែកនៅលើ Facebookអគ្គសេនាធិការនៃកងកម្លាំងប្រដាប់អាវុធអ៊ុយក្រែនបាននិយាយថាប្រទេសរុស្ស៊ីបានបាត់បង់UAVសរុបជាង១១,៣០០ក្នុងអំឡុងពេលអនុវត្តយុទ្ធនាការយោធាពិសេសនៅអ៊ុយក្រែន។អ៊ុយក្រែនបាននិយាយថា ការខាតបង់របស់រុស្ស៊ីចាប់ពីថ្ងៃទី២៤ខែកុម្ភៈ ឆ្នាំ ២០២២ដល់ថ្ងៃទី២២ខែមិថុនាឆ្នាំ២០២៤គឺទាហានជាង៥៣៣,០០០នាក់ រថក្រោះចំនួន៨,០០៩គ្រឿង រថពាសដែកចំនួន ១៥,៣៨៣គ្រឿង ប្រព័ន្ធកាំភ្លើងធំចំនួន១៤,១៨៨គ្រឿងប្រព័ន្ធបាញ់គ្រាប់រ៉ុក្កែតចំនួន១,១០៦ គ្រឿងប្រព័ន្ធការពារអាកាសចំនួន៨៦១គ្រឿងនិងប្រព័ន្ធការពារអាកាសចំនួន៨៦១គ្រឿង។ និងកាំជ្រួច Cruise ២,៣០២ ។ លើសពីនេះ ចំនួន​កប៉ាល់ និង​ទូក​របស់​រុស្ស៊ី​ដែល​ត្រូវ​បំផ្លាញ​មាន ២៨ គ្រឿង រួម​នឹង​នាវាមុជទឹក១គ្រឿង​។រុស្ស៊ី​មិនទាន់​ធ្វើ​អត្ថាធិប្បាយ​ជុំវិញ​ព័ត៌មាន​ខាងលើ​នៅឡើយ​ទេ​៕ពុតសាម៉ាត់